الرفاقة..
انا...انا..انا..احم..احم..هو مش منير اوى كده..بس انا فعلا مش لاقية حاجة اقولها ..حاسة ان كل الكلام مش هايكفي اصحابي الجداد قبل القدام..كل عيد ميلاد ليا..كنت لازم اعمل حاجة جديدة..مرة لونت نص شعري بني محمر و النص التاني بني مدهب..مرة اشتريت خلخال فضة هدية لبا و من ساعتها ماقلعتوش..مرة تالتة و دي السنة اللي فاتت..خرمت ودني خرم غير الاولاني عشان البس فيها حلق تاني غير الاولاني برده..السنة دي..مالحقتش افكر في حاجة جديدة..لان كل حاجة كانت جديدة..كنت بادور على الحاجات القديمة مش لاقياها..مش مشكلة..انبسطت اوي جدا..كنت سعيدة من جوايا..فرحان شوية..مبسوط شوية..على راي وجيه عزيز..يمكن مافيش سبب..ويمكن في..اهم حاجة..انه يمكن..!
سارة:الانتيخ بتاعي..و سني عمري المبعثرة علي ضفاف عينيك ال..ال..مش عارف..مافيش كلام من النوع ده راضي يتقال..انتي شوية كلام بسيط..و شوية ساعات..هديتك مش علي مقاسي؟!..مش مشكلة يابنتي..انا الدنيا كلها مش علي مقاسي..سارة..اصل الرفاجة..بحبك و بعد(نزار قباني)ا
نهاد و ياسمين و نورين ومحمدوكريم و الشلة اياها:اصحاب الورق و المحاضرات و السكاشن...و يابنتي البتاع ده هايتسلم بكره..قومي اعمليه دلوقتي..ياه..رغم كل التفاهة و السطحية اللي انتوا فيها..باحبكو..و هداياكو وصلت..و لاحتفال بيا كان ابن كلب اصلا..مين غيركو هايخلي سلانترو او كوستا شئ محتمل؟!..و مين غيركو هايخلي الكوربة و عباس العقاد..مناطق فيها روح؟!..الله يحرقكوا..و المناقيش كمان..فخر الصناعة اللبنانية و بدل التورتة..انا موافقة فيها اكل؟..انا موافقة!
وليد و وسام و ماما و بابا:اخويا الكبير اللي هو عمله واخد بوست لوحده..اشطة يابني..وسام الكتكوتو ده برده بيحاول ..انا اصلي سهل اضحك..حلوة هديتك يا سيزم..ماما و بابا بقي..و الدلع و الحركات رغم اننا اللينكات بتاعتنا مش دايما مظبطة..انما في دايما مجال للدلع و الفلوس بقي و تظبيط الخروجات..متشكري كتير..صحيح يعني
العيلة الكبيرة:احتفال اذ فجأتن و احنا قاعدين في امان الله كده..و فلوس و تورتة و هابي بتو و بتاع..و اغاني و نور شمعة بتقول انني كملت ياه5 سنين كتير والله..خالو صاحب الاختراع..اشطة بجد..و الناس اللي بتقول اني السكر بتاع العيلة دي صدقوهم..انا اللي فيها اصلا..الجيل التاني عندنا كله ضايع..
اميرة و لميا و شيماء:دول بقي انا خليتهم للأخر..عشان اقول كويس و اقول براحتي..كتير..انتو معني الرفاجة..بجد اصحاب و بجد (اهو منير اشتغل اهو و بقول اللي قضي العمر بجد)الوقت اللي جيتوا فيه هوا الصح و انا كنت محتاجة ده..المكان اللي جيت فيه..يناسبني..اينعم انا احيانا باحس اني متورطة في حاجة..بس جمييل..شكلنا هانقضي العمر بجد..و هنحط سجايرنا و الولاعة..و نبرشط علي بعض في علبة مالبورو..
مجتمع البلوجرز:شكرا يا بشر..كده انتوا ال ايه عملتوا اللي عليكوا و كل واحد بعتلي ميل ولا كومنت و خلصت..البخل ده اسوأ حاجة في البني ادم..اه و الله..انا باهزر يا جماعة..انا انبسطت اكييد..مع ان في بني ادم انا لسه مستنياه يعبرني..بس تمام..لو ماجاش يغور..مشكرين مشكرين..السنة الجاية الاقيكو..فاهمين؟!
اكييد في ناس انا نسيتها و اكيد في ناس فاكراها اوي و ماينفعش اسيحلها.خاصة ان الاحتفال بعيد ميلادي بدا من يوم الاربع يعني قبله بيومين...البلؤ مش دايما اوبشن يعني..بتاعي تبع وزارة السياحة
المهم اني مبسوطة اوي اوي..و يا رفاجة..هتتواعدو؟..تمشوامعايا بطول العمر ما تهدوا؟
كل سنة و انا اطيب و كل سنة و انا لسه زي مانا..
Comments
e7m..e7m..matet7'adesh mesh hakmlo frensh :D bs gameel eno 3agbek ya epi..fe3lan btfakrek belnas w belhadaya 3shan tezabte elmezanya ;) w 2olele emta 3eed miladek b2a 3shan ast3ed b 2eshr el bort2an mn delwa2te :D
w leeh nestana llsana el gaya?!!kalmene w ana 22olek ya mama mn delwa2te..dol mestanyeen kida kida(omam omam) :D
kol sana w ente atyab bgad..thunk u 4 bieng a caring person aslan..hope tefdale here isa..waiting 4 ur pres..e7m..comment :D
وام البرشطة دي اللي جايبانا ورا
شوية وحنبتدي نبرشط على الناس اللي قاعدة على القهوة في المطلق ونمشي زي العيال بتوع المناديل
مش حشوفك بقى
هديتك حمضت
ولمستيني قوي
وغير ده كله انتي كمان جيتي في الوقت الصح قوي
m3lsh ya bnty elmrd 7al bena w m3rftsh 2shofk youmha bs ml72oa a7na hnro7 mn b3d feen..
kol sana w enta atyab ya pasha..m3a en hdytak mawesletsh :D
ana et3mlle 7etta kida tot..bas kanet gamila bgad..w enta bas te3brne w trod 3al tlfon w e7na nshof..
lmyyyy
ana mehs 3aref 22olk eh elsara7a..ana kman ba7beka we"7etta kida aflam 3arbe :D"
bgad ente lamstne w gete sa7..w nefse ashofek 3shan el lban elle m3zebk dah :D
kol sana w enta atyab w m3aya..
shemooo
7abebte bgad..kol sana w enta atyab..w 3la ra2yek 3la 2lb ba3d llabad :D
alf slama 3alena kolna..deh kanet hoga..w sa7 gedan..ana lessa 2adra fel 7ozan afra7 7atta shofe>>:D
too late tab3an, bas better than nothing :D
yeah it's great being surrounded with friends and folks
yaba7'tek :P
tab3an yaba7'te :P asl enta ya 7ram shaklk kida ma2to3 mn shagra..yalla kol sana w enta atyab ya pasha..fe3lan better than nothing..enta hat2olly?!! :))