ايه ده؟هو نتيجة الاستفتاء طلعت فعلان؟؟!
يا عم الظابط إنت كدّاب.
واللي بَعَتَك .....كداب
مش بالذُّل هاشوفكم غير
أو أسترجي منكم خير
إنتوا كلاب الحاكم
واحنا الطير
إنتوا التوقيف
واحنا السيرإنتوا لصوص الوقت
واحنا بنبني بيوت
إحنا الصوت
ساعة ماتحبوا الدنيا سكوت
إحنا شعبين شعبين شعبين
شوف الاول فين
والتاني فين..
وادي الخط ما بين لاتنين..
بيفوت!!
.....
يا عم الظابط إحبسني
رأينا خِلْف خلافْ
سفِّفني الحنضل وتعسني
رأينا خلف خلاف.
إحبسني..
أو اطلقني...وادهسني
رأينا خلف خلاف
واذا كنت لوحدي دلوقت
بكره مع الوقت
حتزور الزنزانة دي اجيال
وأكيد فيه جيل
أوصافه غير نفس الأوصاف
إن شاف يوعي
وإن وعي...مايخاف!
إنتوا الخونة
حتي لو خانني ظني
خد مفاتيح سجنك وياك
واترك لي وطني
وطني غير وطنك!
ومشي..
قلت لنفسي..
"ماخدمك الا من سجنك"0
واللي بَعَتَك .....كداب
مش بالذُّل هاشوفكم غير
أو أسترجي منكم خير
إنتوا كلاب الحاكم
واحنا الطير
إنتوا التوقيف
واحنا السيرإنتوا لصوص الوقت
واحنا بنبني بيوت
إحنا الصوت
ساعة ماتحبوا الدنيا سكوت
إحنا شعبين شعبين شعبين
شوف الاول فين
والتاني فين..
وادي الخط ما بين لاتنين..
بيفوت!!
.....
يا عم الظابط إحبسني
رأينا خِلْف خلافْ
سفِّفني الحنضل وتعسني
رأينا خلف خلاف.
إحبسني..
أو اطلقني...وادهسني
رأينا خلف خلاف
واذا كنت لوحدي دلوقت
بكره مع الوقت
حتزور الزنزانة دي اجيال
وأكيد فيه جيل
أوصافه غير نفس الأوصاف
إن شاف يوعي
وإن وعي...مايخاف!
إنتوا الخونة
حتي لو خانني ظني
خد مفاتيح سجنك وياك
واترك لي وطني
وطني غير وطنك!
ومشي..
قلت لنفسي..
"ماخدمك الا من سجنك"0
عبد الرحمن الأبنودي
الأحزان العادية
1980
الأحزان العادية
1980
Comments
عمنا الأبنودي كتبها أيام ماكان لسه نضيف ... يلا بقى أيام
لدرجة انى اتخنقت منها
الابنودى شاعر عبقرى
رغم انه شخصية مش عجبانى
بس شاعر عبقرى
وفعلا
مش بالذُّل هانشوفهم غير
عم علاء
يا سيدي منورنا بتعليقاتك :)
ولعلمك..كل حاجة دلوقتي ليها انياب..التعديلات او التخريمات الدستورية"ليها لفظ تاني بس انا مؤدبة"..والرسوم الجمركية والضرايب الجديدة..كله بتاع دكتور السنان! :)
احمد بيه ندا
والله هو بقول ان شعرة معاوية اللي بينه وبين النظام اتقطعت ساعة حرب لبنان..الله اعلم بقي.؟.بلاش تفتيش في الضمائر"دي اللازمة بتاعتي اليومين دول :)
تسنيم
واحشاني والله وعايزة اشوف بلوجك..بس باقعد في سايبر يا بت يا توتة يادوب اشوف الميل واروح..قبلاتشي يا بنتي واحضاني وكل اللي ليكي شوق فيه :)
عم الانونيموس
والله اللي زيك هم الي بيضحكوني..اللي فاكرين الغموض حاجة واو وتري جانتيه..ربنا يعيني والله..عالقباحة اللي ع طرف لساني..
وبالنسبة لأن بلوجي حقيقي..فأنت شكلك من كائنات وسط البلد..
مصطفيتش
فينك يا راجل من زماااان؟
منورنا والله..ويا واد انت لازم تحكيلي قصة حياتك قريبا..حبس!!!!
بس اشطة..انا كمان بحبه :)