شفتاه...(شفايفه)0
(عليه شفايف عايزة تتقطم)..يا تري كيف هي قبلته؟..بالتأكيد عبقرية..عينيه تقول ذلك..(كان شكلي وحش أوي،وانا باتكلم في حاجة،وبابص علي حاجة تانية خالص)..الشفتان معا يكونان خريطة..الشفتان جزيرتان..تطلان علي محيط..(يا تري باتقفش وانا بابص البصات الغريبة دي ولا لأ؟)..الشفة العليا..دنيا..ليست قاسية..بها مساحة للعشق..هي شرفة تطل علي الحرية..(شفايفه حلوة أوي بجد..حد يقوله يرحم بقي)..الشفة العليا محافظة قليلا..قد تفكر قبل ان تفعل..فكري يا صغيرتي.. وفي آخر الأمر انتهي عندي..(أكيد عارف ان شفايفه حلوة..مش ممكن أكون انا بس اللي عارفة)..الشفة السفلي..مجنونة..طائشة..تهوى اللامنطق..وتحترف الغواية..لها العشق الصافي..وعليها التباطؤ في المناطق الرمادية..هي جريئة..لا تعترف بهنا أو هناك..أنها شفة"هنا والآن"..(اهو ده مثال واضح علي الشفايف اللي لازم تتقطع بوس)...لا يدر هو كم تعذبني هاتان الشفتان..أم يدر ويهرب؟..ام يدر و يكابر؟..(تعبت بقي)..شفتاه رواية متكاملة الأركان..كيان منفصل..يعبر بهما كما يعبر بعينيه وأكثر..شفتاه تعرف ماتريد..ولأي مدي..هما ذكيتان..ومتواطئتان مع عينيه علي قدرتي علي الإحتمال..(ده أكيد متراهن عليا مع أصحابه..كده لازم يتباس..الحوار ماخلصش علي كده)..كثيرا ما أفكر..ماذا لو قبلته أنا؟..أو مددت أصابعي أتلمس طريقي في دنيا الشفتين فقط؟..أسير في التعرجات بحذر..وألتف حول النتوءات..وأنحني مع الإنحناءات..وأبطئ السير في زخم المشاعر..(أكيد هو عارف اني حد مجنون..والله ممكن أعمل فيه حاجة..بجد..مش باهزر)..ليس في الأمر انتقاص للرجولة..ان أبدأ أنا ..بالخطوة الأولى..
______
the song for frank sinatra"can't take my eyes off you"
Comments
اهو ده البوست اللي الواحد يبوس بعده مش يعلق
انا عايزة ابوووووووووووووس
دا انتي مُلك واللهي ، من زمان مقرتلكيش حاجة كدة
عود أحمد يا بنتي
؛)
واحدة وخلاص
ايوا يا بنتى كده حررينا بقى
يعنى هما بيبقى ليهم نفس يبوسوا و احنا لا
bs w eh b2a el lips elmolhma a7'r
7aga de ;)
hya mesh fkrt 2ntkas le elrogola
hna ya we2a..hya htb2a antkas le
7agat tanya :D,u know b2a
يا جامدة
بوست جبار
:)
محتار بين الشاعرية اللي فيه والتشبيهات الدماغ
وبين خفة دمه اللي فشخاني ضحك
جامد وخلاص
:)
بتفكرينى بريتا اللى كانت ف رواية عشاق خائبون لإيهاب عبدالحميد
كان بيقول عليها
قبلة من شفتها السفلى تساوى قبلة كاملة
يلا عيشى وكمّلى جنان
سلامز
ye5rb betk ya we2am :| :|:|
!!!!!!!!!!!
hanroo7 f 60 dahia isa b3d el-bosa w 6ab3an enty 3arfa leeh
rbna y6oob 3leena b2a :)
بوسي ياختي بوسي..ماهو ببلاش أًصلي :)
anonymus
يا معلمة انتي تؤمري..أشري بس وانا اكتب تحت أمرك :)
بالنسبة ل"واللهي"فهي بتكتب"والله"
بالنسبة لعود أحمد..."تيب" ;)
بجابيجو
عيب عليكي..كلنا لينا نفس :)
shosho
ya bnty ana a5er wa7da atklm 3n elshfayf w enty mowgoda ;)
entkas l7agat tanya??ana elle n2st w 2srt w 5seet w 7alty b2t ts3b 3alkafer :(
مزمز
منور يا معلم...اهم حاجة انه عجبك واهم انه ضحكك ;)
محمد صبحي
الرواية دي تحفة اصلا..ايهاب عبدالحميد كاتب و روائي مالوش حل
انا ..اكمل جنان؟؟و هو انا مجنونة اصلا؟؟انا حد عاقل جدا :)
oma
ye5rbet shfyafo ya bnty..heya elle tl3t elkalam dah :)
yasmina elfde7a
walhy enty elle hatro7y fe dahya ya mama b3d elsya7a elle enty 3mlteha deh..ya3ni law 7ad 2ra elcomment bta3k y2ol 3lena eh???!!