الراي..وتحتيه الرأى الآخر!

بكلمة وماله تحكم من غير خطب غويطة

ولا سياسة وحاوريني ..يا كيكا

بماله..واللي نعرفه احسن من اللي مانعرفوش

تنمحي الوشوش وتختفي الوحوش

اغرس الكلمتين دول في شوية ناس

و انت تشوف اللي ماشفتوش

و تحكم اللي مايتحكموش

بالعبيط يابني هيطيعوك

و بالهبل هيسمعوك

وهاتجرهم..بالضبط زي ابوك..

*****

صاحبي..

عارف اخر كلامنا ايه؟

بدون حذر وحرص و نظرات حويطة

ولا العصفورة اللي بتبلغ ..

و لا وجع دماغ وعنترية و زمبليطة

طوبة يابني..لمن مشي جوه الحيطة!