حبيبي والله حبيبي والله....وحبيبي*


يوم من الايام التي لا تنسي..والتي تستحق ان تضاف لتاربخ البشرية..في كتاب تخين كده و مكلبظ..و راسم الغلاف حلمي التوني و مترجمه للعربية بهاء طاهر..احم احم..انا كده قلبت ساحر الصحراء تقريبا..ما علينا..
النهارده..انا راحت عليا نومة بعد الفطار..ماكنتش نمت من امبارح ساعتين على بعض..و كان عندى مشوار في العجوزة كان لازم اروح..صحيت من النوم..بصيت عالموبايل..يا نهار ازرق!!..الساعة تجيلها سبعة و نص كمان..قمت من السرير..طرت عالحمام..ثم نطيت في الهدوم..ثم جريت من الحارة على الشارع و الخ الخ..مواصلات زفت..وصاحبتى اللي المفروض اقابلها اتأخرت عليها و مشيت مع اصحابها بعد ماستنيتني بتاع ساعتين تقريبا..(سو سورى يا بنتي)..و كمان عمالين نتصل ببعض اننا نتقابل في السكة ..ابدا..جمييل اوى..رحت بقى قلت اقعد شوية استريح و اشرب حاجة ساقعة على حساب الاستاذ و سيجارة على حساب الاستاذ التانى..وكمان مافيش شغل اعمله..الليلة باظت يا فوزية..انا ماكنتش مبسوطة..ولا مضايقة..حالة صفرية على رأى وليد طاهر..حالة غبية..اتكلمت معاه شوية من باب اني قاعدة وهو كمان كان قاعد فمش لذيذ السكوت في الحالات اللي زى دى..بعد كده..واذ فجأتن كده..الاقي الموبايل بيرن..اخويا الكبير بيتصل..الرنة بتاعت سوني اريكسون الجامدة..رينج رينج رينج رييييينج رييينج رينج رينج,,الو..ايواااااه..انتى فين؟..انا في الشغل..طب ليكي في منير النهارده؟..نعم؟انت بتكلم بجد؟منير بجد؟..ايوه انا هاكلم الناس واكلمك باى..قفلت التليفون و انا باقول استحالة بابا يوافق..ده لسه مقريف مني قبل مانزل..رينج رينج رينج ريييينج رينج..ماستنتش المرة دى..الو؟..للاسف ابوكي وافق..وللاسف مامتك وافقت..ياللا اتحركى دلوقتي هاستناكي عند الباب يللا ماتنحيش كده..سلام
....طبعا انا جريت من الحارة على الشارع و الخ الخ..و هوب انا عند الاوبرا..فيرى اكسايتيد..الصراحة منظر رهيب ..الزحمة والناس..كل البشر دى جاية للملك؟!!..كل الناس ديه بتحبه؟!!..اكييد ده الملك يابنتي..افتكرتك و انت بتقول كده و ابتسمت ابتسامة عريضة..في تفاصيل حياتي انت..دخلنا..ونقينا مكان نقف فيه..وديه كانت مأساة اغريقية لوحدها..لانو لمن لا يعلم انا انسانة قصننة..وماكنتش عاملة حسابي و لبست سليبرز عالارض و الباجي بقي و تي شيرت لبني مكتوب عليه وات- افارwhatever
بحبه موت علشان الكلمة الشنيعة اللي جمعت الكون فيها..ما علينا من الاستطراد..اللي بيضيع البوينت الاساسية كما هي العادة..على رصيف عالي شوية انا واقفة..مستنية منير..حبيبي..طبعا..بما انو حبيبي لازم يتأخر..انا ربنا كاتبهوملى اللى بيتأخروا..استنيته كتير..شوية و الفرقة جت..و بدأ افرادها واحد واحد يقعدوا و يزبطوا..الناس اتشحنت..مستنيين..المسرح نور..اضاءة جامدة ومركزة..دخان كثيف يتصاعد..المسرح يظلم و يضئ فجأة.منير طلع..العاب نارية و صواريخ..الاضاءات تتحرك..هتاف الجمهور المدوى..يمتزج مع هيلا هيلا..و منير جه!!..اتأخر..بس جالى في الاخر..اصله عارف..لازم ييجي..اندمجت معاه و توحدت مع الكثير من الموسيقى و القليل من الكلام الذي يميز اغنيات منير..غناللي كتير..و غير الخطة بتاعة الحفلات بتاعته..لانى اول مرة احضر له حفلة لايف..بعد الملك هو الملك..و ديه ليها حكاية تانية في بوست لاحق..جمييل اوي منير..انسان حقيقي و بجد و بحق و حقيق..مش متكلف..مش عاجباه حاجة بيقول..عاجباه بيقول..بيغني على كيفه..و اسهر انا بقى على كيفي..بيلبس اللى بيعجبه ايا كان رأي الناس فيه..تشوفه تعرف انه عايش صح و مرة واحدة..عايشها بذمة و بضمير..غناللي هابي بيرث داى تو يو..عيد ميلاده قبل عيد ميلادي بيوم..انا 13 و هو 12 فكان بغنيلنا سوا..اصله عارف..كان لازم يقوللي..انا اتفجأت طبعا..بس حبيبي مش ممكن ينسي يوم زي ده..غناللي كمان حدوتة مصرية..من الكوبليهات اللي مش بتسجل..انا اتخنقت من الحر و الزحمة..غيرنا المكان..و بقيت مش شايفة خالص..فجأة محمد الحلو طلع معاه..و غنوللي يا ليلة عودي تاني..اتفتحت زي دايرة من بين الناس..و شفته واضح قدامي..وسط الدايرة..غناهالى و هوا مبسوط اني مبسوطة و بارقص..رقصت كتير اوي..احلى نوع من انواع التطهير النفسي الرقص..مين قال كده مش عارف..حد عظيم اكيد..بس انا مش فاكراه..العظماء فقط هم من تنسي اسماؤهم في وقت زى ده..وسط الدايرة يا اجمل نايرة..اكييد يا حبيبي..المزيكا الجامدة و الاغاني الاجمد و الدنيا هائمة على و جهها بلا رفيق..لان منير معايا انا....غناللي كتير اوي..دايرة الرحلة..الجيرة و العشرة..شمندورة..الرزق عالله..لما النسيم..و حاجات تاني..في كل اغنية..و كل لمحة و كل حرف من السلم الموسيقي..كان بيأكدلي اني ماشية صح..و ان هيا دى الحياة..و اشكى لمين و احكى لمين..دنيا بتلعب بينا..في عطشنا في المنا مابتنساش تداوينا..هما يومين مش دايمين مكتوبين علينا..نبقي ساعات فرحانين و ساعات بتبكينا..بينا للفرح بينا قبل الجراح ما تدق بابنا..بينا و مادين ايدينا للي يصيبنا اهو من نصيبنا..دنيا بتلعب بينا ليه؟ و راح ناخد من ده ايه؟ و راح ناخد من ده اييييه؟!
منير..كل سنة و انت و انا طيبين و سوا و بنحب بعض و انت اكتر نجاح من اللى انت فيه مع انك تملا الافق و ينتهي عندك المدى
منير..مش عارف اقولك ايه؟!..ده احلى عيد ميلاد في حياتي..مش هاييجي اعز منه مهما جاني
منير....انا باعشقك..!!
*********************************************************
شكر خاص لكل من:عبدالله حلمي,شريف نور,ياسر,جون
شكر اكتر خصوصية لرفيق الدرب و الزمن الصعب اخويا وليد..اللي مهما كان اللى هوا فيه بيحاول يجعلني ابتسم يوما اخر..انا اتفجأت لما كلمتني و ده احلى يوم و انت كنت السبب فيه و كنت معايا..انا مبسووووطة اوي..و هافضل كده على قد الهدية الرائعة دى.ماكنتش احلم بيها بجد..وليد..اخويا و رفيقي و ملاكي الحارس..انا هاقولك حاجة واحدة بس..بحبك يا صاحبي*ه
************
الستار فوق عشان ديه اغنية عبدالحليم حافظ
الستار تحت عشان ده عنوان انا واخداه من بلوج انا اللي بلامر المحال اغتوى و اللي هيا و اخداه من بلوج عصفورة في الساعة

Comments

كلمه said…
loooooooooooool .... 2wln fkrteeny be 2wel marah 2roo7 7afla le monir w da kan t2reebn me 6 or 7 yrs :D

sanyan kol sana w enty tyba w 3o2bal 10398347476370000 sana

salesn b2a 2na mf2oo3 2wy 2sln eny mro7tesh el7afla 3shan elshabab kano ry7een yetfrgo 3la dawret kora :S .... we dlw2ty l2eetek bet2oly enk ro7ty wel 7fla kanet 7elwa kaman ... 2na mesh ba7sed y3ni ... 2na ba2or bas :D

kol sana w enty tyba :))
mariam said…
يا بختك شوفتى منير ليكى حق تبقى مبسوطة لأن منير دة صوت مصر
admelmasry said…
يا وحشة

تروحي للملك لوحدك ؟

ي اسمها الندالة

علشان لو حد سالك ياعني

بصراحه انا متغاظ منك

هههههههه

والسلام
shimaa said…
ana b7kd 3leky ya w2am ..tro7y 7flt moneer w ana l2a mashy ya sty..hn3deha 3shan 3eed meladk kol sna w enta tyba ya gameel w 3o2bal 85875876 sna w nfdl dayemn friends isa
LAMIA MAHMOUD said…
انا بحقد عليكي وبس
We2am said…
kelma
2wln enta bda2t badre ya pasha :D antom el sabqon tab3an..
sanyan kol sana w enta atyab rabna ye7'alek ya dude..thx
salesan tc mn 7warat elshabab deh..ba3d keda yom far7ak wla ta7'rogak y2ololak hurdluck b2a wrana kora :S est3bat tab3an lek 7a2 tetf2e3 l2nha kanet 7ellwa moooooot dah el malk yabne!!
e7m e7m..allaho akbar :D
merci ya dude..hope tkon mawgod nxt year w t2olle bardo 7af kida 3al blog ;) mn 3'er hdya ya3ni ..wa7'ed balak enta?

mano
ya bnte 3andek 7a2..dah el maleeeeek howa el malek..yaretk konte gete :)

adam elmasre
law kont sa2ltne kont ha2ollak nadala 3ade :D..bas enta mesh me7tag 3zoma aslan..el beet beetak..ew3a tet3'az tane keda 7'alle balak mn se7tak :D
w sharfat el blog ya pasha

shimaa
ente to7fa aslan..ana kont ba2ol lmen nro7? howa est3bat?!..wallahe ashradek fe om elblog!!but anyway
:( kanet na2sake ya bnte..
kol sana w ente atyab ya 7bebe :)
w 3'asbn 3anek 3latol friends isa :D

lamia
howa eh dah?!! ana lessa ha2ol wa7shtene w bta3..ala2e 7eqd 7'am kida?!! :D bas eshta..kanet na2sake bardo :)
Elsede3' said…
ana maro7tesh :(
ah yana, kont 3'ar2an fe wust eldam we bta3...
tab bema enno ya3ny sa7bek ba2a, zabateena...7'aleeh ya3melena 7afla 3al bashawat
We2am said…
elsede3'
enta 3la tol kida mash3'ol?!! lazem te2tel 7ad?!! 3'areb awe :D
elbashawat deh b3eeda awe..w ana ba7'af 3la moni 7abebe..enta b2a et3ab w t3alalna mara wla 7aga ;)

epitaph
thx ya bnte!!it was fe3lan special night..w kanet na2sake..monir was in his best mood..w happy birthday 4 me yeah :)
bas howa fen el nos elle tayer?!
dah taba3 el2otta wla eh?! :D
Shower-Mirror said…
مع انى بحب منير فعلا .. الا ان اللى لفت نظرى فى كلامك هو علاقة اخوكى بيكى .. بجد انا عجبنى اوى طريقتكم فى التعامل مع بعض .... اخوكى ده ذكى جدا لأن اللى عنده اخت فى سنك لازم يبقى صاحبها مش يعمل عليها راجل ....!

ربنا يخليكوا لبعض .......
FrEe.PhArAoH said…
منير يستحق كل دا

انتى بتكتبى من قلبك .. كلامك محسوس

كل سنة وانتى طيبة

تحياتى
Adel said…
وئام كل سنة وانت طيبة
وبجد انا زعلان











كل ده على محمد منير هو محمد على ؟ مش فاهم والله جننتوني
طيب ما انا اهو مين فيكم كتب عني كده لا بجد زعلان يا وئام ومنتظر لافلافونك وسلمي لي على ليدو
We2am said…
shower-mirror
ya3ni enta sebt kol ele7sas dah?! w moni 7abebe..w 3agbak a7'oya?!!
bas esh6a howa kowes fe3lan w sa7be..bn7awel sawa..ma2oltlesh alfholak fe war2a?! :D

free pharaoh
sa7e7 moni yestahel kol dah w aktar kaman..dah 7abebe yabne :D
kol sana w enta atyab ya rayes w mowgod fe westena..tc mn elrosas b2a :D

elmzagnge
men dah elle za3lan?!el mafrod ana elle az3al mnak..3shan men elle kan raye7 karway?..bas mashy..kol sana wenta atyab w mowgod henna ganbe..bas 7af kida :D
moni yestahel..aktar mn kida..enta kont 3'annet 7adota masrya?!!w ama nshof b2a..w slamk wesel ya pasha..
وئا م
انتى بتحبى حد تا نى غيرى يا خينه
اى ا ى اى
قلبى
تحيا تى
زورى الموضوع الجديد
رايك يهمنى
اخوكى محمد
We2am said…
elqadem mn elreef
ana 22dar ya pasha bardo?!!3eeb 3alik..deh mesh a7'la2e..dah 7ob mn no3 tane 7'ales..salamet 2albak ya sede ;)
ana gaya aho..eh dah?! howa ana lessa magetsh?! :D
We2am said…
mostafa esma3eel
howa moni 7abebe akeed yestahel aktar mn kida...yestahel masr kolha tekteb 3anoh mesh ana bas..ana ba3sha2oh zay el mlayyeen..enta 3andak 7a2 ya 3am el shyo3e fe htaf el mozhrat :D
enma moni akbar mn kida bardo..agmal mn enno ykon 7a2e2a
lazem telmsoh 3shan tet2aked..w lieh el 7eqd el 7'am dah bas :D
dah e7na lessa gdad?!!
nawart my blog ya pasha..wlcm.
We2am said…
mostafa esma3el
mesh enta elle 3amlle feha 3am elmondel?!:D 6ab eshta b2a..latagres wla 7aga..kamal 7'alel mesh m7tag :D

nerfana
saba7o gamed ya gameel :)dah awlan
sanyan kol sana wente atyab w here isa..salasan ah wenabe ed3e a7dar kol el7flat live..deh omnyet 3omre elolayel :)..rab3an we deh mn 3ande..kida bardo?!gawaz 3al sob7?!
e7's 3aleke ya we7tha :(
We2am said…
nairfana
ahh..howa enta mnhom?!! ahlan beke :D
ya bnte e7na fe ayam moftarga..eskote la7san bab elsama ykon mafto7 w atgawez bgad :S
ente metgaweza w 3aiza kol elnas kida?!! :)
w saba7 el noor ya gameel..dah mn zo2e bardo :D

Popular Posts