اسطورته انه احمد العايدي.....من تفاصيلي المؤجلة*

احمد العايدي..ربما تنتهي التدوينة هنا..و يكفي هذا الاسم....ما يحمله من زخم و ابداع و تفرد و اختلاف و عبقرية..ربما بعض الجنون..(اذا اتفقنا علي ان الجنون حالة مختلفة يمر بها الانسان)..احمد العايدي..من جيل الادباء الشبان..واحد من الناس..اللذين نجحوا في ان يضيفوا جديدا..و اعني جديدا لدرجة النوفي..
اول لقاء ليا مع كتابات العايدى..كان في سلسلة مجانين التي كانت تصدر تحت اشراف د.نبيل فاروق..و لفت نظري اسلوبه..ربما سخريته من العادي او المألوف بطريقة غير مألوفة..كنت صغننة الصراحة فمش عندي وعي المتابعة و التدوير..
ظللت اقرأ له في مجانين..حتي توقفت كأى شئ أخر ناجح في بلدنا الجميلة..ربما توقعت الفشل للسلسلة.و لكني تنبأت بالنجاح لابطالها..ربما احمد العايدي و عمر طاهر و غيرهم..
تاني مرة صدمتني كتابة العايدي..لما بدأ ينزل في سلسلة لوحده اسمها عباسية..الصراحة الاسم لوحده كفاية(علي رأي ايديال زانوسي)..و قررت اني اتابعها..و كانت في واحدة جامدة اوي..اسمها بيس يا مان..تقريبا بعدها مافيش حاجة نزلت من السلسلة..لانها كانت دايسة سياسة..لكن لا اعتقد.ده نوع من الهزار التقيل بس..
تالت مرة..كانت في جريدة الدستور..احمد العايدي بيكتب في الدستور يا جدعان..طبعا كنت باتابعه جدا..و اول حاجة افتح عليها الجرنان الستريبس اللي بيصنع فكرتها..سواء مرشدي او بوكا و سكمنوص..طبعا كان بيصنع يومي علي رأي الانجليز..الافكار كانت جريئة و جديدة..حتي بعيدا عن السياسة..بس خلاص هوا دخل في خانة الكتاب الكويسين..محترم مسيطر على ادواته..
بدأت كمان اقراله شعر في صفحة ضربة شمس..يا نهار ازرق!!!..ده بيدلق شعر حلو اوي!!..كده و انا اقصد التعبير..تحس و انت بتقرا انو في شوية حاجات حصلتله..و حس بيها اوي..قام كتب احساسه علي ورقة..و خلاص..ده غير بقي رسومات وليد طاهر على الكلام بتاعه بيبقي ميكس عبقري..ليه قصيدة حلوة اوي اوي..انا باعشقها..اسمها اخر حد بيحبك..انا هاكتبها في اخر التدوينة..
رابع مرة..بعد الكتاب بتاعه مانزل بكتيير..اعيد اكتشافه مرة اخري..و اصبح علي قائمة اكثر الكتب مبيعا في معرض الكتاب الماضي..مما لاشك فيه..اول ما رحنا المعرض..لقيت ابن خالي بيدور عليه..عرفت اسم الكتاب.."ان تكون عباس العبد"..قعدت اسأل اسئلة من نوعية:مين عباس العبد؟.. اشمعنا هوه؟..ده رمز لأيه؟..طب امتي و ازاي و فين؟..و للاسف يوميها ما لقيتش الكتاب و روحت خالية الوفاض..حتي خفي حنين..اتسرقوا مني في السكة..
و يالسخرية القدر..(ده الطبيعي هنا)..وصلني الكتاب عليه اهداء من احمد شخصيا!!طبعا الكتاب كان هدية بس شنيعة..-احتراما لمن اهداه طبعا-قريت الكتاب..و اول ما فتحته..لقيت اني"هاتذوق الخبال معه رشفة برشفة"قلت انا كنت ناقصة فعلا..ابتسمت و كملت..غرقت في تفاصيله لصغيرة..تخيلت اته هو بطل الرواية..كل مرة اقرأ فيها اسم البطل..اعتقد انه سيصححه في اخر المطاف و يكون احمد..ده مش مجرد كلام ده حقيقي جدا ..منتهي الاختلاف..قريب من العبقرية..ثوري التفكير..لا ادري كيف يكتب هذا الكلام...و لا ما نوعية الجو المحيط الذي يكتب فيه..يا الله!!..شنيع بجد..مش ممكن
طبعا حصللي نوع من انواع"الخبال"باحمد العايدي و ما يكتبه احمد العايدي و ما يتنفسه احمد العايدي..و فضلت كده شوية..
لغاية الحدث الفظيع بقي..مأساة اغريقية اصلا..عارفين ليه انا اعتبرت انو الاحتفال بعيد ميلادي بدا يوم الاربع مع انو كان الجمعة؟ و حفلة منير الخميس؟..لأني قابلت احمد العايدي!!..اه و الله..ندوة في معهد جوتة في الدقي..دعوة للكتابة التفاعلية..رحت و انا قلبي بيرقص في ضلوعي من اليمين للشمال..مع اني رحت متأخرة..و فاتني قراءة النصوص المقدمة ..و فاتني اخد نسخة..و فاتني كل حاجة تقريبا..انما احمد العايدى كان موجود..سئلت عليه..شاورولي ناحيته..قاعد علي الارض..يرتدي السواد.(زي د.لوسيفر لمن يعرفه..و لا اتخابث اكييد يعني)...و حواليه الناس يجلسون في دائرة..مش عارف ليه افتكرت المهاتما غاندي..بس نفضت الفكرة بسرعة و قلت لنفسي ماتبالغيش اكييد ما وصلتش لكده..بلاش تطرف المشاعر بتاع المراهقة ده..ابتسمت و توجهت ل مكانه..قعدت بيني و بينه واحد..انا هتجنن ..انا عايزة انط في حضنه و ده ماسلمش عليا بايده..قعدت تكلمت معاه شوية..انسان حقيقي و جميل اوي..هادي من بره.. رغم البراكين اللي من جوه..تعبيراته بسيطة..واضح انه لا يميل للفظ مثقف..لما يتسأل سؤال..لا يهتم ان الاجابة تكون منمقة او غريبة او حتي فصيحة..ما يؤمن به و فقط..سالته..انت بتكتب ليه؟ الكتاب عندنا مش مشهورين؟ قاللي مش مهم....بس سكت..و انا منطقتش..
احمد غير متكلف علي الاطلاق..تلقائي ايضا..مع الجميع بدرجات متساوية..متواضع زيادة عن اللزوم الصراحة..ناقصه حبة شيزوفرينيا او نرجسية ماشي الحال..و يبقي بيرفكت..اكيد التواضع حلو..مش قصدي..بس احمد العايدي ممكن يقارن نفسه ب..ب..مش عارف..ممكن يقارن نفسه بيا مثلا و يقولك ايه الفرق؟!!!!و رغم اني انسانة عظيمة طول عمري..الا انه رحم الله امرء عرف قدر نفسه..
احمد..العايدي..ربما لا اعيش لاراك اعظم..و ربما اعيش و اقرأ لك اكثر فاكثر...اكتب كتير..و غوص في قلب السر..قبل الطوفان..لسه ماعرفتش ايه مشروعك..بس اكيد بسيط و عظيم و حقيقي زيك..ما نقرأه لك الان.حتة من الحقيقة..لوح الازاز اللي دايما ناقص حتة..احمد العايدي...نحن في انتظار البقية و نعلم انها ستأتي!!..كل لاحترام و المحبة..يا ايها الغريب
انا بعشقك عشق سرمدى..حذاري منه..انت تعرفه..و كفاية كده بقي لاني زهقت اوي من الكتابة الصراحة..دي القصيدة الشنيعة بتاعة العايدي..اليكم..متعة فعلا..مش هزار..و لا ادعاء
اخر حد بيحبك
انا اخر حد بيحبك
واكتر حد تسيبيه يبكي
بس عمري
ما سبت انطباع
ازور الاماكن
في لحظة رحيلك
واجس الكراسي
بطرف الصوابع
فلو لسه دافية
هاغمض فاشوف
لانك نسيتي
اني لحظة ما سبتك
ماكنتش باسيب
انا عكس ادم
كسرتك في صدري
لا مني اتخلقتي
و لا مني سبتك
وكل اما حد يلاحظ شرودي
ف طفي السجاير
بطول السيجارة
يعد الخساير
في خرم السجاير
لجيب القميص
انا اخر حد بيحبك
و اكتر حد تسيبيه يبكي
بس عمري ما سبت انطباع
احمد العايدي
"ليس علي الثوري ان يرسم شخصا يحمل مدفعا رشاشا..يكفيه ان يرسم تفاحة علي نحو ما.."بيكاسو

Comments

LAMIA MAHMOUD said…
واضح انك مجنونة بيه .. انا علاقتي باحمد العايدي كانت في مجانين وبعد كده الدستور
بس بجد خلتيني عشقته
والقصيدة عبقرية قريتها اربع مرات
واية الكلام ده

وعمري ما سيبت انطباع
ody911 said…
شكلك هتخلينى مثقف يا بت
أنا عاوز أقرء له
وهحاول أدور على أى حاجة له
شكرا بالنيابة عنوا
وعادى بقة
أودى
Anonymous said…
رائع وبعد
اذنك وحشتينى يا لميا
FrEe.PhArAoH said…
دايما كتاباتك عن شخص معين بحس بيها بحب اوى اوى .. زى كتابتك عن منير
انا بردو علاقتى بالعايدى كانت فمجانين .. بس كتابته بتجبرك انك تحسى انه شخص مميز .. ومحمد علاء الدين كان بيأثر فيا جدا بردو
روحى يا بنتى انتى فنانة :)

تحياتى
LAMIA MAHMOUD said…
لاء من غير بعد اذنها وئام دي حبيبتي
وانت كمان يا ياسر
الله يخليك
hello
بوست جميل يا انسة وئام
احمد العايدي من اصدق الناس و اجملهم
و الكلام ده غلي المستوي الشخصي
اما علي المستوي العملي و المهني فالعمل
معه متعةزي متغة الطيران و التحليق

تحية من القلب من فنان الي محلق
We2am said…
lamia
ana ba2sh2o!! kida lafzan kida!!
lazem masr kolha te3sha2o..l2noh yestahel w ana mo2mena beh gedan..elqaseda 3abqrya fe3lan..w 7sasa awe..3andi leh 7agat tane hab2a awrehlk..
fe3lan..byge w yemshe..bs 3omro masab entba3..no comment :|

ody911
esh6a ya pasha :D lazem te2ralo tab3an..howa enta lessa?!!..mmken tes2l fe dar meret llnashr..w kaman elmo2sasa el3arbya el7adesa..w 3alek w 3al mktbat elkbera aw sor elazbakya b2a w abo elresh kotob 2dema w kida..enta 3aref elsakafa 7elwa w kida :D
el3efew..it's hounor 4 me..

yasser shams aldien
mtshkre kter..sa7e7 ya3ni..w ehs6a..wa7shteh ya lmya :D

free.pharaoh
sa7e7 el3aide montaha eltamyoz wel e7'tlaf..7awel ttab3o kida w tshof el blog bta3o..mganen kan feha nas kter kowesn..bas enta 3aref el2arf elle 3andana b2a :S
ana tol 3omre fnana deh mesh 7aga gdeda y3ni :D me3'ci me3'ci

epitaph
yeah..masr kolha should adore him..dah agal 7aga 3ndena yabnte :D
elktab sa3et ha kan mo7'tafe gedan..ta2reban nezel gadwal :D
rabna ye7'leke ya gameel..hope u so..kol sana w ente atyab :)

lamy
esh6a ya bnte..e7na 7bayeb ah w malo ;)

3abdallah a7mad
ya hla ya hla..eh anesa we2am deh?!!balash elwesh elrasme wenabe..7'aleh a7made :)
a7mad fe3lan ensan gamil m3a enne mt3mltesh m3ah kter..ensanyan kman hade gedan w baset w dma3' aslan..but sho3'lko m3a ba3d kan to7fa w 7'osara eno we2f..yaret yob2a feh gded..w ana kman t7yate ya 3am elfanan :D
Polka Dotted said…
mmmmmm
ana mesh 3arfah awee
ana a3rafo 3an tare2 maganeen...w b3den my FAVORITE
PEACE YA MAN
begad el story di awel mara ad7ak mn alby 3la 7aga ba2raha :D

w nefsy a2ra 3abas el 3abd
Amira Hassan said…
صدقيني انا بحب احمد العايدي جدا...بس كلامك يا بنتي عبقري بجد..و الاكثر عبقريه فيه انه فعلا لايق عليه اوي
makhlouf said…
أعتقد ان الهدؤ النفسى هو اللى بيولد الابداع
يمكن التسامح مع النفس زي مابيقولوا الناس المثقفين
عموما ده متوفر فى أحمد العايدى
لامؤاخذه
المحلق الاعظم كما يناديه المحلق برضه خالد كساب .
Feras othman said…
nice post m3 eno tweeeel :P

where is ur next post yallah we r waiting
We2am said…
mostafa isma3el
22olek eh bas?!! howa bgad 3abqre..bas mesh zay nageb ma7fooz!!
blash elmobal3'a y3ni :)
fe3ln 3bas el3abd te3mlak no3 mn el7'bal lma te2raha..a7med el3aide by2olak la2..heya bs mmken te3'yark showya..no comment,howa shif kida ne3mlo eh?!! :D

btbota
mm..wla ana sad2ene :D
elnafs elbshrya deh mo3aqda gedan..sa3b enk te3rfe nafsk..fama balek bel27'ren?!..howa shane3 w mtmken..peace ya man..touchable awe..w 3abbas deh karsa qawmya..u have to read it..u can connect any time..under ur order :)

mero.mero
mm..fe3lan?! :D
a7mad el3aide yet3she2 aslan :D
mtshkre kter 3la en klame 3abqre..howa kida 3altol ya3ni :D bas i belive eno yestahel aktar..wana magbtesh 7aga mn 3andi.."howa howa howa w ladeh asbaboh" :)

maخlouf
aywan..howa dah! :D
lama etklmet m3ah 7aset mowdo3 eletsaq m3a elnafs awe..mo2men bnafso gedan w en kan by7'be dah wra star mn eltwado3 elgam..w ba3deen ya maخlouf "esh6a6 ya m3lem" ;D
kalmne blo3'at ragol elshare3 wenabe ba3d kida :D

feras othman
wlcm :) thx bjad..my next post will late showya..a7mad el3aide meshrfna w mnwrna w m2nesna fe blogge showya :)
Anonymous said…
فعلاً.. أحمد كاتب كويس
We2am said…
balila
bas kida?!!
dah qareb mn el2abqrya..w sawre w to7fa w motmken w..e7m..mmken te2ra elpost tany :D

mostafa esma3el
akeed 3am ngeeb mkanto ma7foza :D
7tta 22l 7aga lngeeb 3abqrya..w e7na mesh fe mkan no7kom 3aleh aslan ba3d kol el3omr dah..dah e7na ma7slansh qar2en kowesen mesh noqad b2a w kida..
but anyway..ana kan 2sde eno n7ot kol wa7ed fe mkano..la da3e lmoqrnet a7mad el3aide bngeeb ma7fooz..3shan ma7fooz mayz3lash :D
HEZAR TAB3AN..HEZAAAAR :D
Anonymous said…
allah..msh h2ol aktr men keda..msh 3shan r2ye fe ahmed..laken elkaseda rghm enha mstrsla fe wznha laknha t7fa we feha tashbehat khltny 2sh3rt...ana eftkrto lama 2retha t2renban kont 2retlo fe eldstor fe3lan ayam ma kont b2raha
Elsede3' said…
i like him alot,
though i didnt like him that much wen i first read maganeen
bas 'peace ya man' was so great
also 'an takoon 3abbas el3abd' as depressing as it was bas kanet 7elwa, although enny 7aseet feeha be 7etta fight club keda, bas howa nafso kateb thnx to Chuck Palahniuk which means that fight club was an inspiration
We2am said…
frozen love
elqaseda deh 3abqrya fe3lan..aktar wa7da ba3sh2ha aslan..a7mad mtmken gedan mn adwato w 7'yalo wase3..bs howa kman 7elw fe 3'er elqasayed try to read 4 him more..
eh ba6lt te2ra eldostoor deh?!! enta btehrag?!! tc mn klamk ya handasa ;D

elsede3'
in mganeen he was magnoon gedan..w kan esmo w eslobo mal7oz..yemken enta makontesh motabe3 gaied..
peace ya man..mesh m7taga klam aslan..peace ya3ni :)
3abbas el3abd was a shock :S lama 2ert.ha 7aseer bel 7'bal fe3lan..yah ma2sah e3'reqyya aslan..
"fuck it all..am 42 now and am a successful dragdealler" ta2reban ana sem3t deh fe 7etta 2bl kida?!! ;)
nour said…
يا وؤام..انا قابلت احمد العايدى مرة فى معرض الكتاب..و مرة كلمته فى تليفون واحد صاحبنا مشترك يعنى يعرفه و يعرفنى.و هو استاذنا المتألق دائما خالد كساب..و كنت بدور على الرواية بتاعته لحد ما لقيتها من اسبوع بس..يا نهار اسود فظييييييييييييييييعة..
ده طبعا غير الشعر التحفة بتاعه اللى بدعى بقى انه يرجع يكتبه تانى فى الدستور..لوحدى كانت ملهاش حل حفظتها من اول مرة..انا عايزة اقول كل الكلام اللى انت قولتيه تانى بس مش مشكلة كلامك كفاية:)
We2am said…
nour
bma enk te3rfe kassab w bt7be el3aide..yob2a esh6a6 ya m3lema ;D
3abas el3abs sadma gedan..akeed feke 7aga marg3tesh zay elawel..w lessa gaybaha?!looooooooool..kone 2olele w ana azbtk :D
wlcm 3ndy :)
Anonymous said…
ya tra alaidy shaf alkalm da wa rd 3leh
:P
mona
We2am said…
mona
monmon..7bebte..ro7 2lby..el7etta elgowanya..ma2rhosh ya moni w mesh hay2rah :D
7'leke ma7dar 7'er..law shofto ba3d may2ra dah w man6etsh fe 7odno ha6la3..mozyfa w 3ayla awe :D
kaza ya3ni lamo2a7'za :D
wlcm 3andy..hope u like it :)
بما انكم من عشاق العايدي زي حالاتي قلت انقل لكو القصايد بتاعتو

من غير ما أحلف..

ربنا بيعرف
وجعك في العروق
سايب 100 علامة ألم..
البكا.. مش دم بتكبه العيون..
الدم هو اللي الدموع في الدم..
تكسريني.. تخسريني وتكسبي سبحة..
سبٌّحي بعدد القلوب اللي انتهت..
بين إديكي المؤمنة.. ال..
بِجحّة..
قلب الخّرّس يعمل خرز أزرق..
ألضميني وضجمي موتي المجشتهي..
وادعيلي وانتِ بتصلي..
اتحرق..
واحرق..
اسمي أحمد..
في الليالي البرد عمري ما اشتهيت غطاكي..
كان نفسي بس تكوني جمبي..
وتبردي حبة صغيرين..
وعدتِك: تحزني: أحزن
ما وعدتكيش بالجنة والبطاطين..
اتنازلت نزلت للآخر في عشقي
واللي يتنازل في الهوي..
يشرب علي مهله الهوان..
دِبلتْ خدود الورد
من خّتْم الخناجر..
والطعنة 'تقريبا'..
كل ما بتدبل..
تبان..
من غير ما احلف
ربنا بيعرف..
وجعِك في العروق
سايب ميت
علامة
ألم..
البجكا..
مش دم بتكبه العيون..
الدم هو اللي الدموع..
في الدم..

**************

سماح..


نفسك تمارس..
وعايز وعاجز..
وهي اللي تيجي..
فتبتعد. ما يمكْن..
متقدرش تيجي..
ويمكن كمان اللي راح..
برضه ييجي..
أنا مِسْك كاتم في قلبي الكلام
وأقولك: 'تصدق'
'تروح.. زي تيجي'
حبيبك بيعشق معاك (1000) حد
وتسأل يقولك: 'مفيش أي حد'
ويحلف ويزعل كأن اللي كان
هزار دمه بارد، ويقلب بجد
داوِش الخشب لبسه..
نمٌِل في وشه..
وتفصل ما بينهم..
تحس انه وشه..
'متس..
.. تعبطيش'
'متس...
.. تهبليش'
يقولها فقولي:
'أنا بعد منك..
هارافق واعيش
والخبط كيانك.. كأنك مفيش
تحب الحقيقة، يا تفضل مزٌّيف..
ودا غصب عني ف قلبي المتاح..
جنون اللي كان بينا..
كان مش جنون..
دا كان حته مِنٌِي وكان اجتياح
مهوش غصب عنٌيي..
وأنا بارتياح..
باقولك وداعا..
وأقولك..
سماح..


**************

مش لازم انزف


مش لازم انزف ع التراب..
والسنكي دايخ (تحت جلدي)..
انا ابن جيل.. ياكل ف جوعِك..
جيل يبيعِك: لو قبلتي
خلفيني هاقولِك 'أمٌّا'
(بس قولي ازاي...
حِبلْتِي؟!)
أيوا عاقل غصب عنِك...
واسجنيني إن يوم..
قدرتي..
ليه ف لحم أخويا النٌي بعتي؟
حتي ف حروبك..
تاجرتي..
.....
جايلِك انزف ع التراب..
لفظ بايخ من فصيلتي
انا ابن جيل..
ياكل.. يأكٌِل
جيل يبايعِك...
لو..
فِضْلتي..


**************


عجصيان الأمن
(1 )


عصيان الأمن ف ادين الكلاب..
تعزف نشيد الضرب في الميت..
التهمة مكتوبة..
وسهلة ولذيذة:
المشي الجماعي تجاه السِفارة
اللي أدي لتجعد دقن السفير..
لأن اهتزاز السرير تحت منه..
(خلي انبساط المدام.. مش كتير)
خجد سندوتش ومجلة سمير..
فتحنالكو باب الجهاد الكبير..
تروح النقابة تسجل ف اسمك..
تلاقي المباحث بتقرا ف عبير..
'ياعم احنا مالنا ومال اللي حاصل؟!
أكيد برضجه 'بوش' له قلب ومفاصل..
وعنده المرونة الكافية لجنابك
يدخل..
ويطلع..
ويرجع يواصل..
....
أسأل وعينك في عين الكبير:
'ليه جاي بوشك؟ وليه نستدير؟'
هل غصب عنك..
لأنك: 'ياعيني'
ولاٌّعشان أنت
أكبر..
عميل؟!
Unknown said…
عزيزى الأستاذ/ أحمد العايدى

تحية طيبة

أرجو من سيادتكم التكرم بالموافقة على تحديد موعد للقاء صحفى لوكالة الأهرام للصحافة

وذلك فى اقرب وقت يناسبكم

أشكرك لاهتمامك

عمرو عبد الرحمن
Unknown said…
عزيزى الأستاذ/ أحمد العايدى

تحية طيبة

أرجو من سيادتكم التكرم بالموافقة على تحديد موعد للقاء صحفى لوكالة الأهرام للصحافة

وذلك فى اقرب وقت يناسبكم

أشكرك لاهتمامك

عمرو عبد الرحمن

Popular Posts