قطيعة الواد..وسِنُه

ياللي هويتي الجدع..علي صغر..سِنُه
وعشقتيه..اما ضحك ليكي..سِنُه
وكتبتي اغاني لحد القلم..ماتقصف.. سِنُه
يا بنت ..البكا شااايب
والزمن عاااااايب
والسكة فيها ياما.. عجااايب
و الجرح..احد من السيف ..سِنُه
عمر المحبة..ماكانت بالنية
ولا الغرام..كان خَطِية
و خلاص..الرمح اتغرز فيكي ..سِنُه
عينك عالولد..لحد ماترسي..مراااكبه
و يتبَسِّم..في ليلك..سِنُه
ياللي هويتي الجدع..علي ي ي ي..صُغر..سِنُه
وعالأصل دور...
:)

Comments

Anonymous said…
حلو أوي الموال ده يا وئام
يا ريت تحطي موسيق ربابة ع البلوج و إحنا بنقراه

:)
nour said…
انت عملتيها:))))))))))
انا كنت متأكدة انك هتكتبيها
انا استمتعت و انا بقراها على فكرة
هى ممتعه جداا
مع اناى طول عمرى مش بحب المواويل اوى او لازم اكون فى موود معين و انا بسمعها
بس اللى انت كاتباه ده
:)))
جامد يا وئه
Anonymous said…
آه شيلي موضوع الربابة في التعليق اللي فات يا وئام
ماكنتش لسة فتحت السماعات لما كتبنه
بجد جامد جدا الموود ده
:))
karakib said…
حلوه .. بس قصيره شويه
^ H@fSS@^ said…
ياللي هويت المتين سيبك من المتينة
تراااااااا
لا المتين بينفع ولا المتينة عالاصل دور
ترارراارا تراررا

مش عارفة ليه افتكرت المتزوجون طوالي
ههههههههههههههههههههههههههههههه
يخرب بيت شيطانك
بس حلوة يا بت
بجد
لعبك ب سنة خرافي
انت مستوى ذكائك قد ايه؟؟
عملتي اختبار
مؤكد لو عملتيه حيطلع عبقرية من دون شك او تفصيل
هههههههههههههههههه
Anonymous said…
كنت ناوي أكتبها بس حفصوتشا سبقتني

يللا
بص ع الحلاوة حلاوة
دي بلدي و نجاوة نجاوة
Mony The Angel said…
7elwa awe ya we2aam bgad..
7elw awe awe awe ;)
كلمه said…
wel dona ya m3lm ...wlahy gamda teneeeen :D
de7k 2a5er 7aga ... w ma3naha gamed :)
eih elly by7sal da ya we2m ..enty ka3bek hy3la 3lena wla eih :D
wtgg :D
mariam said…
آثار الامتحانات شغاله
لأ بجد حلوه يا وئام
و ربنا معاكى يا جميله و يوفقك فى الامتحانات
tamer afify said…
حلوة يا وئام
لغة الموال جميلة وبسيطة

بس كان لازم لما القلم يتقصف سنه
تبطلي كتابة لحد ماتبريه
يللا .. هعديها المرة دي
تحياتي
Diyaa' said…
جميل أوي يا جميلة
اللي عجبني الخلاصة
قطيعة الواد وسنه
و شطورة في العربي بسم الله ما شاء الله أول مرة أخد بالي
وعلي رأي مش عارف مين
قصير أوي الموال ده
أكيد بعد الأمتحانات هيتبع
سلام
Anonymous said…
ٍحلوة يا وئام وخاصة الجناس التام الي فيها عامل نغمة تحفة ما كنت اميل لهيك نوع من الكتابات .. بس ما قدرت الا اني اكمل هال البوست يالله للامام ;)
جميل مووت
خفيف الدم والجو كمان
يخرب بيت سنه
ايه ده
احييكي على الابداع ده
تصدقي من زمان اوي مدخلتش مدونة وحسيت بخفة دم كدا ربنا يحميك من جو المدوناات اللي عادي الكل
شكر خاص ليكي انك اكدتي ان في ضحكة في الموضوع
و يتبَسِّم..في ليلك..سِنُه
ربنا يسترها
frozen love said…
gmda ya we2am bs elmshkla "senno" kter 7ta kter 3n m2am elmwal..bs nice idea we 7lwa t7n..we fkrtny b7aga knt katbha mn ftra kda...

بنت الاصول الطيبة
دوبت قلبه الصغنن
بيسوق عليها ده الصبا
وتقولي عينيها ليه يحنن

eb2y fkreny a2lk b2etha...m3rfsh eftkrtha leh w2ty wna b2ra..feha ymkn mn nfs elmood

t7yaty
أخف دم said…
من يوم ما قلبك نده .. وانا قلبى بيعاكسه
دايب فى حبه انما دايما يكون عكسه..
مش هوصفك بالقمر أصل انتوا مختلفين
نورك طبيعى ..انما نور القمر..عاكسه!!!
ايييييييييييييييييه
سمعنى تانى يا طه

:))))
Anonymous said…
حلو قوى يا وئام
رجعتينى لزمن الجنس الجميل
admelmasry said…
يابنت الايه

دا انا هابيض وافقص واعرف الف موال .. وانتي بالسهولة دي تعمليه


خدي مني احقاد وويلات الحسد يا وئاااااااام

هههههههههههه


لا بس بصراحه تسلم ايديك


تحياتي
أكتر من رائع يا وئام..وحسيته أوي وحطي ألف خط تحت البكا شايب والزمن عاييب والسكة ياما فيها عجايب والجرح أحد من السيف سنه..
بجد تسلمي
يجنن بجد
مش قادره اقولك انى كنت داخله مود اكتئاب واول ما قريت وسمعت بجد اتغير مودى تماما

تسلم ايدك

ويارب يدوم التألق ده دايما
ody911 said…
ههههههههههه

يا عينى يا عينى على الكلام الجميل
المعبر

أيوة كدة ظبطينا كدة

وعادى بقة على التأخيير
أودى
كلام جميل وئام

وفكرتة حلوة

تحياتى
Aladdin said…
فعلا قطيعة الواد وسنه وعنوانه وماركة شرابه!

بقى بعد المحاضرة الطويلة العريضة التي دامت حتى مطلع الفجر ألاقي الكلام دا! يا شيخة حرام عليكي بجد!!

(بالنسبة للبوست السابق) كنت عايز اقول أن في حد أعرفه (جنب توكيل الشيخ عبدالوهاب بالعتبة) كان هايكون عنده "اتساق مع النفس" برده وهو بيقيم عليكو الحد!! ههههههه
جميل جدا ياوئام
الموال ده
يسلم أيدكى
بجد جميل جداااا

تحياتى
Memo said…
اجدتي رائعه رائعه رائعه
واكتر من هايله ايه الحلاوه دي
استمري
smraa alnil said…
الليله عيد والعريس بيتجوز
ومدام العريس بيتجوز تبقي العروسة هتتجوز
ههههههههههه


بجد يا بنتي اتي مش ليكي اي حل خالص
انتي لوحدك كدة بجد
فلتة من فلتات الزمن
اه والله
شوية وهتتشهري وبكر تقولي سمرا قالت
This comment has been removed by the author.
مالك ومال الواد وبالخصوص سنه؟!
ده الزمن غرز فيه نابه وسنه
وقام جاب سكين جديد وسنه
وعلى كل حتة في الجسم النحيل
نزل طعن ... بضهر السكين وسنه

والجدع لسة برغم -اللي سخرتي منه- من صغر سنه
واقف صامد.. بيضحك ع الزمن .. ومنه .. وسنه
Amira Hassan said…
تحفة يا وئام...بجد جميل جدا...

جو اوووووووووون
We2am said…
صباح الورد يا جماعة..معلش انا اتأخرت طحن اي نو معلش..امتحانات بقي وقرف..ادعولي..مشكرين عالتعليقات التحفة دي مبدئيا :)

مصري
ربنا يجبر بخاطرك يا باشا..انا حاطة طه فعلا..

nooraaaaaa
هو انا عمري قلت حاجة و معملتهاش؟ ;D
انتي مدلعاني كده يا بنتي.."ممتعه"دي كلمة كبيرة طحن..ربنا يجبر بخاطرك..بتشجعيني عالاحتراف :D

مصري تاني
اشطة جدا انها عجبتك..يارب دايما مستمتع ببلوجي كده :)

krakib
بس انت تنورنا كده يا باشا دايما :)

حفصتوشا
وحشتينيييي طحننن..فينك؟
هي هي..انا مت عالارض من الضحك اما قريت الكومنت..لايقه عليها فعلا :D
مافيش اختبارات تاني ارحميني..الجاي اختبار الحمل انشاءالله :D :D

مصري تالت
المصريين كتروا اوي هنا :D
دي احلي يا عم طبعا ;P
منورنا :)

mony the angle
rbna yogbor b7'trk ya gameel..enty 7ad byfhm fe3lan ya bnty ;)

kelma
m3lm..3eeb 3leek..dah enta 3amna..deh no2ta fe b7rk aslan :D
esh6a enha 3gbtk w enk rkzt felm3na aslan :)

mano
ربنا يجبر بخاطرك يا شيخة..يوفقنا كلنا يا بنتي..انتي مش بتمتحني ولا ايه نظامك؟ :)

tamer afify
انا انبسطت طحن اما شفت الكومنت بتاعك..كلام يهمني لما يبقي حد بيكتب شعر حلو زيك :)
القلم اتقصف واتبري اما اتهري..انا ماليش دعوة انا..خليها علينا المرة دي..فوت بقي :D

diyaa'
ايه يا واد الخفة دي؟ سكر؟حاسب لحسن تطير يس :P
ربنا يخليك..اكيد بعد الامتحان هاخربها :)

3asef
انا بموت في اسمك اصلا مبدئيا..فامتقطعش الجوابات بقي :)
والله شكلي هاديها مواويل عن الصبر..كده انت بتشجعني ومش عارف بتمل ايه :D

بين الامل واليأس
طول عمري اصلا سكر كده سكر :P
ربنا يجبر بخاطرك..والضحك عندي عامل اساسي..امال احنا بنستحمل التعب ليه؟مش علشان هنضحك اما يمر؟
الحزن هيروح فين جنب السرور؟ :))

frozen love
msh kter 3la m2am elmwal ana 3amlha belqyas aslan..enma law ana fhmt 3'l6 2olly ya3ni :)
w b3den feh eh b2a?"kal3ada"7aga kida? fokk mnne b2a :P
hafkrk tab3an..w deh 7elwa shklha :)
w eh t7yate deh kman? :P

اخف دم
والله لو الكلام ده انا يبقي اشطةجدا:D
ولو مش انا برده كلام جميل..
منورنا :)


shimaa
خد الاصيلة يابلاش :D
منورة عندي يا بنتي :)

عبدالله
ربنا يستر علينا بعد ماعرفت السكة :P

ادم المصري
الله اكبر عليا ياخويا..دي مشكلتك بقي انت :D
ربنا يجبر بخاطرك..طلعت باعرف اكتب اهو :D

تسنيم
دي الحتة المعني اصلا..اشطة بقي..اختيارك رائع
تسلملي عيونك :))

ساعة الغروب
وتفضلي منورانا علطول..ولو كده انا اكتبلك كل يوم..انت بس تؤمريني كده :D

ody
عادي يا عم..مانا اصلا متأخرة اهو :)
انا بس اخلص امتحانات وازبط..ماتقلقش :D
We2am said…
tamer
اهلا عندي اولا..ربنا يجبر بخاطرك ثانيا
وتحياتي انا كمان ثالثا :)))

3ela2
والله الواد كده كتير عليه اللعنات..حرام عليكوا يا جماعة براحة..ده صغير برضك :D
وبعدين بلاش الشرايط اللي بتسمعها في الميكروباص وانت بتوصل الزباين الصبح تأثر فيك اوي كده..كمان بتجيبها من التوكيل؟؟؟ اللهم ارفع مقتك وغضبك عنا :P :P

عاشقة الوطن
اهلا بيكي في بلوجي ..ربنا يجبر بخاطرك..كويس انه عجبك والله :))

memo
كده كتير عليا اوي اوي اوي :D
لو استمريت هتتابعوني زي الاول؟سؤال صعب.. :))

smraa2
منورة عندي يا بنتي..ايه حكاية المتزوجون مع الناس؟ماتفتكروا العزبي ولا طه ولا رشدي يا جماعة :D
هتفتكريني انتي؟ :))


mos3bz
والولد بخلان عليا بضي سنه
وطعني انا..لما مشي..بالكعب و سنه
ورغم انه صغير..الا ان
العبرة في صغر سنه
لو العقل يتوزن بالسنين..
كان زمان الواد شايب..واقع سنه
اشطة يا مصعبز..ايه رأيك في الكتابة التفاعلية بقي؟ :D

mero mero
فينك يا بنتي وحشتيينيييي
بعد كمية بوس معتبرة واحضان..
اه انا هاجو اوون..بس خليكوا معايا بقي :D
LAMIA MAHMOUD said…
وكتبتي اغاني لحد القلم..ماتقصف.. سِنُه


حلوة قوي يا وئام وحلوة الحتة دي قوي
We2am said…
lamyyyyy
الحتة دي صعبة من باب ان القلم اتقصف..زي مايكون مش هاينفع يتبري تاني..
:(
shimaa said…
be3gbni feki ya we2am enk u've ur style kda
عمر المحبة..ماكانت بالنية
ولا الغرام..كان خَطِية
و خلاص..الرمح اتغرز فيكي ..سِنُه
عينك عالولد..لحد ماترسي..مراااكبه
و يتبَسِّم..في ليلك..سِنُه
gmeel
عايز عروسه
تكون قرت الموال وفهمته كويس



ها استني
؟؟؟؟؟
Diyaa' said…
مبلاش خراب ...أنا عارف الخراب ده هيوديكي فين :(
We2am said…
shoshooo
yaah.fenek ya bnty..missed ya :)
elgoz2 dah 3gb 7bba..shklo a7la 7aga..
w do u think so? :)

هيثم ابو عقرب
اهلا بيك في بلوجي اولا..وثانيا..اكيد اللي كتبته فاهماه..ولا ايه؟ :D

dyaa'
يا عم قول يا باسط :D
dead man said…
الكلام اكبير ده أنا ماليش فيه,, بس أكيد هيجي واحد ويحس علي دمه.. بغض النظر عن سنه
We2am said…
dead man sadeqe
لما انت مايبقاش ليك فيه امال مين يا باشا؟ :D
وبعدين انت بس ادعيلي ربنا يبعت ;D
مأنسني عالبلوج عودا حميدا لكومنتاتك :)
Diyaa' said…
تنهيدة........يا باسط
We2am said…
dyaa'
منور يا عم المتنهد :)
mahmoud said…
كااااااااااااااااااااااارثه
مش عارف ابطل ضحك,جبتيها منين دى
We2am said…
moody
يا اهلا اهلا بيك عندي يا سي مودي :)
انا اللي كاتباها..لاني انسانة مسخرة اصلا :D
حلوة جدا بجد
We2am said…
دينا فهمي
منورة عندي لاول مرة :)
وشكرا لرأيك..يارب اعجبك دايما :)

Popular Posts