بني ادم مختلف..!



"جزمة واحدة مليئة بالأحداث"..عنوان مختلف..لمجموعة مختلفة من النصوص المسرحية..بقلم باسم شرف..و من غيره قادر علي رؤية ان"جزمة واحدة....مليئة بالاحداث"؟!!..باسم شرف..هو باسم شرف..لا أكثر ولا أقل..بقلمه الفنان..وإبداعه الصافي..وتجاربه المتعددة في العروض المسرحية سواء كمخرج او مؤلف،واللتي نالت الجوائز في الخارج والداخل...هو..بتفرده في نقل ومضات من الواقع المتعب الملئ بالشوائب..الي عالم الدراما النقية.
في ومضة.. قد تقرأ ماتفعله انت في سنين..
باسم شرف..دكتوراه في غزل ونسيج الحكايات..متورط في تفاصيل شخوصه و احداثه..يحترم تفاصيل القارئ ويعبر عنها في احسن وجه،و لهذا هو قريب دائما..في هذه المجموعة-والتي تعتبر تجربة رائدة وتجديد في اسلوب الكتابة المسرحية-يصل لمنطقة الأحداث الغير متكررة في الحياة..الاحداث الغير قابلة للتجاهل..من خلال مجال صعب للكتابة..لم يطرق من قبل في المحاولات الشابة..ولايهتم به الكثير حاليا للاسف..كالكتابة المسرحية..يعيد للمسرح رونقه..بلغته العذبة الجزلة..واسلوبه المتمكن من تفاصيل يومك..
الكتاب يصدر عن دار ميريت للنشر..الكائنة في 6(ب) شارع قصر النيل وسط البلد.. وطبعا تقدر تشتريه من اي مكتبة كبيرة زي ديوان في الزمالك او مدبولي في وسط البلد.. وطبعا موجود في معرض الكتاب انشاءالله..

ارجوك ماتتحركش" ..بعد قراءته،انت من نفسك...لن تجرؤ علي التحرك!0

Comments

LAMIA MAHMOUD said…
اممممممممممممممممم؟

فعلا؟!
^ H@fSS@^ said…
طيب ابقي احجزي لي نسخة من هنا لغاية ما انزل بنفسي لحسن تخلص من السوق و لا حاجة
حاكم انا حظي هباب

سلام

صحيح
انتي بقى مودك اليومين دول انتليكتويل؟؟
ههههههههههه
مسخرة
بت انتي لما انزل مصر باذن الله لازم اشوفك على وجه السرعة
بيت شيطانك
nour said…
دايما سابقانى كده يا وؤه
حلوة وؤه دى:)))
مبرووووك لباسم اكيد هنشترى الكتاب طبعا
mariam said…
انت شوقتينى للكتاب يا وئام
ان شاء الله اشتريه
بس طبعا بعد الامتحانات
سلامى ليكى يا جميله
Mony The Angel said…
kalamek 3anno ra2e3, aked haikoon aktar mn ra2e3 :)
(Y)
بصراحه دا ميريت دايما بتنشر كتب قيمه
Anonymous said…
فعلا باين عليه عبقري يا وئام

بالمناسبة البلوج إشتغل تاني
We2am said…
lmyyy
يا بنت اللذييناا...الحتة دي بتاعتي انا! :D
انما اه فعلا..اقري الكتاب ثم اتكلمي يا شكاكة ;)

حفصتوشا
نسختك في مدبولي في الحفظ والصون طبعا :D
ولا يهزك..هاديكي بتاعتي لو مالقيتيش :)
وشفتي الزمن؟ :D :D
طبعا يا بنتي..أؤمريني انت بس..مافيهاش كلام :))
تيجي بالسلامة :)

nooooraaaa
اه يا بنتي..اما نروح المعرض بقي..ممكن يبقي ارخص هناك :D
دلعيني والنبي..انا احب الدلع اوي انا :D

manooo
وهو المطلوب اثباته :D
ايون كده..امتحن و اخربيها بقي :D
سلامك في عيوني يا باشا :))

mony the angle"fe3lan"
sa7 kida..ya bnty kalamy aslan msh mot7'ses..fa howa aksar rw3a mn elkalam..isa hatshofo :)

واحد من الناس
اه طبعا..منور :)

مصري
اقراه و قلي رأيك..رأيك مهم عندي عشان انت بتفهم..و هو البلوج كان خربان ولا ايه؟
8-)
غيبوبة بقي :D
Memo said…
يا ستي رائع
كويس انك عرفتينا اسمه احترم اختيارك :)
shimaa said…
ummmmm..shaklo 7lw fe3ln ..ana bsk fe zo2k ya bnty-2e 7'dma;)- 2keed hagebo 2wl ma 2nzl wst elbld isa
مش عارف انا عمري مافكرت اقرا كتب من هذا النوع
انا كان اخري سلسلة قصص الجيب ما وراء الطبيعه ولما فكرت اغير واتوسع كان الرجل المستحيل وكمان الكتب المعبرعه عن النفسويات وتحليلها وكدا
لكن كتب مسرحية مفكرتش ومش عارف بتكون ايه ولا كلامها ازاي اساسا
بس ايه المانع اننا اجربها واهه اخده معايا وانا مسافر
بس فكرة انه يكون شاب زينا لامع بهذا الشكل وعنده هذا الابداع كما ذكرتي
فانه فخر لي ان يكون الشباب عندهم مثل هذا النموذج ووعد مني قبل ماسافر لازم اشتري الكتاب
وعلى فكرة انا لفيت على التلت مواقع اللي ذكرتيهم في البوست وحسيت بابتسامه جوايا
هو معرض الكتاب امته اصلي هاسافر في 6
/2
وربنا يوفقه يارب ويفق مثاله من الشباب الهادف الحالم المجد
وربنا يسترها
Anonymous said…
بوست جميل بس ياريت تغير العنوان انه سخرية القدر لانها حرام فالقدر من صنع الله وليس على سبيل السخريةكما قالها ادباء الغرب
ولو اني ماليش الشرف اني اعرف انسان جكيل زي باسم شرف
اعتز انك تكوني من عرفني علي هذه المجموعه لاشتريها من معرض الكتاب
المشكله مش ف شرا الكتاب يا ماعه
المشكله ف التاثير الي هسيبه الكتاب عند
كل واحد
لو الابداع بيتقاس بالتوزيع
........؟اكيد مكنش حد غلب
ody911 said…
خلتينا عاوزين نقرة الكتاب دة يا وئام
عموما هحاول بس على مسئوليتك

وعادى بقة
أودى
Diyaa' said…
حيرتيني معاكي ...
بس واضح أنه جامد أوي من وصفك ليه
تعرفي لو خدت مقلب ..مش همشي وراكي تاني
كل باسم شرف وأنتي عاملة دماغ قراية
We2am said…
memo
منورة في بلوجي يا بنتي..ربنا يخليكي..اقري و ادعيلي بقي :)
باسم شرف كاتب فنان..غالبا كلامه بيعور في الواحد..يعني يعلم فيه كده :)

shoshooo
ya bnty e7na agd3 naas :D rbna yogbor b7'trk ya 7bebte..wlhy basem byktb kowes f3lan..estany ama nro7 elm3rd sawa b2a..hanzbt meret shklna :D

بين الامل و اليأس
انا متربية علي ادهم صبري و ماوراء الطبيعة وكل كتب الجيب دي..بس مافيش مانع اننا ننوع القراية..دلوقتي في محاولات جادة للنهوض بالادب المصري تاني بعد جيل العمالقة زي محفوظ و طاهر و غيرهم..في شباب زي احمد العايدي و باسم شرف وطارق امام و محمد علاءالدين و محمد فتحي و عمر طاهر و غيرهم بيحاولوا و بيوصلوا..وفعلا فخر لينا وجودهم..
الكلام عن باسم يطول..مش كده؟ :)
معرض الكتب هيبتدي 23يناير انشاءالله..هتلحقه..تروح وتيجي بالسلامة ولا دي هجرة؟ :D

hend
اهلا بيكي..واه وماله حاضر..

هيثم ابو عقرب
ربنا يجبر بخاطرك يا شيخ.."تعتز مرة واحدة" :D
والكتاب ده هيغيرك شوية..مهمته يعني..ولو بالتوزيع كان كل الناس غلبوا..لانك عشان تجبر حد يشتري كتاب دي مهمة صعبة لازم تكون علي قدرها.. :)

ody
ياعم انت بس حاول تقرا اي حاجة اصلا :P
لا بس جامد اقري و ادعيلي :)

dyaa'
دماغ فعلا..حشيش مغربي يعني :D
باسم بيكتب بسهولة غريبة..كلام صعب اوي..لو قريت ده هتمشي ورايا طول عمرك :)
3aziz 3eni said…
شىء عظيم جدا اننا نلاقى تكاتف شبابى واضح ومؤازرة جدية فعلا ساحاول ان اقتنى نسخة وارى ما وجدتيه فى باسم شرف لعلى بدخول هذا المكان الفسيح من الحرية الذى لايحدة اى نوع من انواع الرقابة الا الرقابة الشخصية للمدون نفسة فانى دخلت بتحريض من احد اصدقائى الاعزاء على اجد ترحيب بينكم ومكان ولو قليل ربما اعرف ان اتنفس قليلا.
كما اشكرك على هذة القطعة الجميلة لوردة الجميلة التى تنم على حسن تذوق لفن الجميل الذى ربما لا نجد مثله فى الايام الحر اللى احنا عيشينها فى البلاد التلج دى.
-- said…
ندور علييه و نقرا ويارب نتمزّج زى ماتمزجتى
تحية لباسم شرف
ارق كاتب مسرحي عرفته
و اجمل صديق
Amira Hassan said…
خلتيني عايزه اقراها فعلا
هبقى اشتريها انش اء الله من المعرض\

ده غير ان اساسا طريقة تعبيرك عن كتابته تحفة
Aladdin said…
دكتوراه في الغزل والنسيج؟!!! ع العموم دا مؤشر جيد إن حملة "الدكتوراه" ممكن يكونوا "بني آدمين مختلفين" برده! هههههههه

موووود انتليكتشوال؟! دا بأمارة ايه إن شاء الله؟ بإمارة امتحان الاقتصاد اللي محطيتيش فيه قلم؟!

(طبعا أنا عايزك تقري اللي فات دا من باب تشجيع الكوادر الشابة من المبدعين والمثقفين!)
باسم شرف said…
الجميلة وئام
اشكرك علي هذا الاهتمام واشكر الجميع
علي التعليق واتمني انه يعجبك ويعجبهم
frozen love said…
ana geeet...aked hgebo isa..awl ma aro7 elm3rd..bs 3la dmntk..hakhd mnk floso lw we7sh..lol
dead man said…
أنا كده كده مبتحركش ..
We2am said…
sokomonce
ده ولا حاجة للناس دول..انا مؤمنة بيهم جدا و بموهبتهم و انهم هيعملوا فرق فعلا..
وبالنسبة للتدوين ده حرية فعلا..هتتعود عليها لدرجة انك مش هتقدر تبطلها..
وبالنسبة للورد..فالورد للورد ليس اكثر :)

زعرورة
اهلا اهلا..اكيد..المزاج مع باسم شرف..والتعوير برده :)

عبدالله باشا احمد
ده احنا زارنا النبي :D
مافيش بعد كلامك..باسم فعلا جميل..زيادة عن اللزوم الصراحة :D

merooooo fe qwl a7'ar"mrmr" :D
انشاءالله هيعجبك..وبالنسبة لطريقة التعبير..اتفرجي علي لغة باسم و تعبيره و افكاره بنت المجنونة..ده ولا حاجة هنا :D

alladin
الاختلاف لا يتوقف عند الدكتوراه "الرسمية"او غيرها..ده غير ان الدكتوراه اللي يمنحها القارئ للكاتب هي الاهم..
بالنسبة لامتحان الاقتصاد..انت ماكنتش معايا عشان تعرف انا بذاكر ايه امتي
وطبعا..انا مش محتاجة توصية..اني اعرف المبدع من المدعي..تشجيع المواهب مش شغلتي..انا عليا أؤمن بيهم و فقط
شكرا :))


الاستاذ باسم شرف
نورت البلوج حضرتك..وده اقل مايمكن..نشكر سيادتك علي التواجد هنا
وانشاءالله يعجب الكثير.. :)


frozen love
ahlan w sahlan beek..wla aerfk ya 3am.ktab eh aslan w m3rd men? :D
hay3gbk sad2ny :)

dead man
هنشوف..هنشوف مش هتتحرك ازاي :)
Diyaa' said…
رجلي علي رجلك....بس أخر مرة طلبت منك طلب كنتي بخيلة...يا تري هيبقي ليا نفس أطلب تاني ؟!
الله أعلم
سيتضح ذلك بعد الفاصل
ويا باسط تاني
We2am said…
diyaa
الا الكتب يا ضوضو :D
اني واي..ربنا يفرجها عالجميع..ومن لقي احبابه نسي صحابه يا عم..اشطة ;)
Diyaa' said…
فاكرة لما كنت بقول بوسطة وبتاع ..وقفشتي ..والله ما كانش عندي أمل يا صغيرتي إلا يومها بس :(
المهم ..أحبابه وأصحابه ..بطلوا قر بقي :@
علي فكرة ..الموضوع عبارة عن مأساة أغريقية أكبر بكتير من اللي كنتي بتحكي فيها ..ممكن لو كلمتيني أقولك بقي
سلام..أنا رغاي أوي

Popular Posts