RSS Feed
و أنا..أنا..لا شيء آخر

Saturday, April 21, 2007

نوع من الاختلاف!.."من تفاصيلي المؤجلة"*

من كام يوم قريت مجموعة النصوص المسرحية "جزمة واحدة مليئة بالأحداث"لباسم شرف..قريت نصين ورا بعض..قصاد بعض..خلوني اكتب الكلمتين دول..اهداء الي النصين:آخر صف..سؤال من غير إجابة..
ولأني ماليش ف لَفْ السجاير..
وماعرفش م الدنيا
غير الجراح الشوارع
والجراح العماير..
وماعنديش كيف ولا ورق بفْرة..
جبت شاى أخضر ومناديل سُفرة
ولفيت الصاروخ التمام
شكله بس..
كفيل بتحقيق كل الأحلام
حبة سكون كده..وفاجأني الكلام:
-ياه..كام بنت حاولت تعيش الإحساس ف الخفا؟
وكام بنت..ف حياتها سيجارة مزيفة؟
وكام حب اترمى..
تحت المعتقدات المتخلفة؟
قمت..رميت العَك ده ف الزبالة..
واخدت سيجارة م العلبة اللي عالمكتب
وولعتها..

30 comments:

Abd El Rahman said...

:D

يخرب عقلك

أحمد ندا said...

:(

Moody said...

بوففففففففففففففففففففففففف
يا ست وئام
حرااااااااااام عليكى
انا قدام كلامك بحس انى بتضرب بالنار
جامده جامده

Mirage said...

المجموعة من أجمل ما قرأت من النصوص المسرحية

هناك نصوص تستشعرينها غامضة .. لكنك مع ذلك لا تكرهينها، ربما لأنها تثير أشياء بداخك قد لا تدركين معناها فى وقتها

اختيار موفق .. وتدوينة عميقة أيضا :)

تحياتى لك

تسـنيم said...

كتييييييييييير ومتعديش يا وئة..


انا عايزة لينك أغنية وردة أنا قالبة عليها الدنيا

nour said...

ايه يا وئام من ورايا؟؟؟
بس جااامدة اخر حاجة يخرب عقلك
انا كده فى حاجات كتيير فاتيتنى
الله يحرق الكليات على الامتحانات يا بنتى
وحشااااانى اوى بجد

shababik said...

يلا يا بنتي والله ما حدش واخد منها حاجة بلا هم

Mony The Angel said...

كام بنت حاولت تعيش الإحساس ف الخفا؟وكام بنت..ف حياتها سيجارة مزيفة؟وكام حب اترمى..تحت المعتقدات المتخلفة؟

enty moseeba bgad :|
gamda aweeeeeeeeeeeeeeeeeeeeeeeeeee

Baher said...

لاحول ولاقوة الا بالله العلى العظيم

elkamhawi said...

انا ليا فى اللف

LAMIA MAHMOUD said...

وكام بنت في حياتها سيجارة مزيفة؟؟

امممممممممممم .. فعلا؟؟
واية كمان

يخربيت سنينك .ز ما تبقي تجيبي الكتاب

ممكن؟

OMA said...

ان ان
يابنتي جامده
جامده بحد يخرب عقلك ياوئام

ody911 said...

كلامك دايما بيأثر فيا

عادى بقة
أودى

SoRsaRaa said...

اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

خواطر شاب غاضب said...

اولا صباح الفل يا باشا
ثانيا انا خياف لا اكون اعرفك كل الناس اللي انتي كاتبه عنهم اعرفهم سواء باسم شرف او مخلوف وهما اصدقائي قوي
علي العموم دي مدونتي اتمني انك تزوريني

الوردة السوداء said...

كام بنت فى حياتها سيجارة مزيفة؟؟

سؤال حلو

كلامك احلى

بس فعلا البنات اللى فى حياتهم حاجات كتير مزيفة مش السجاير بس

كتير اوى
كتير بجد

REEMOO said...

مفيش بنت مفيش فى حياتها سيجاره مزيفه
حلوه اوى
مدونتك كمان جميله
تحياتى

Sokomonoce said...

اشمعنى السجاير او الكيف

ممكن يكون الانسان جواه حاجات كثير مخبيها عن كل اللى حواليه حتى نفسه لانه بيحاول يبقى شخص تانى غير نفسه
اعتقد انها مش مجرد سيجارة مزيفة بس لكنها حياه مزيفة

المرايا اتعملت علشان الواحد يظبط شكله الخارجى
فيه ناس تانية عندها مرايا اقوى بيقدروا يشوفوا نفسهم من جوه

مش بس البنات فى حياتهم سجاير مزيفة
كلنا جوانا سجاير ومكيفات كثير مزيفة

shaimaa said...

كام بنت حاولت تعيش الإحساس ف الخفا؟وكام بنت..ف حياتها سيجارة مزيفة؟وكام حب اترمى..تحت المعتقدات المتخلفة؟

تحفة يا بنتي ..يخربيت عقلك

بس احلى حاجة انك جبتي علبة السجاير و طلعتي سيجارة منها ..هو ده الكلام..كفايانا سجاير مزيفة

Anonymous said...

متشكر لوصفي بالجنون ..وكمان لإنشكاحك أوي لأن واحد المفروض إنه مسلم المفروض إنه سب الدين...
بس تأكدي إنك مهما كنتي موهوبة ففي الآخر الانسان مش كامل ..ومش أكرهلك إنك تكملي ..اقتنعي بس إن ربنا مش بيدي الإنسان كل حاجة
وربنا يوفقك يا كويسة يا عاقلة :)

Anonymous said...

مقلتلوش الله يسامحك ..لأنه غلط في أي حاجة وخلاص ..أهو بيجامل وهو مش فاهم..أسف لجناني اللي مغرقكم ومش مخليكم طايقين نفسكم ..

elkamhawi said...

اسكت يله يا ابن الهبلة

كائن العزلة الكئيب said...

مع احترامى الكامل لكل معجبى تلك المجموعة
أنا ماقتنعتش بيها ( ايه يعنى ؟)بس بصراحة الكلمتين اللى أنتى كتبتيهم أجمل بكتير رغم أختلاف وسيط الكتابة ( أو النوع ) بس خفيف كتابتك يساوى ثقيل ما تكتبين له

dead man said...

عندما تقرأين مثل هذه الكلمات .. تستغرقى في عد السجائر الزائفة في حياتك.. تبكين علي كل سيجارة أخذت منك وقتا كان من الممكن ان تستغرقيه مع سيجارة من العلبة..

ولكن يتبقى انك لا تعرفى انها زائفة إلا بعد ان تنتهى منها.. فللأسف كل السجائر في علبة واحدة .. ملفوفة بنفس الشكل..

ولا يوجد تحذير عليها

Chavazelle said...

We contain multitudes, We2am. What might seem faked to a part of you doesn't seem as much faked to another part.

الهروب من حاجة دايما بيقابل الوصول لحاجة تانية. الحاجتين جواكي. حتة منك عايزة الجوينت , و حتة عايزة السيجارة التبغ. ثبات الشخصية يبان لما تتنصري لإرادتك , أو للجزء اللي إرادتك شايفاه أوضح. إرادتك هنا تروح للضمير و المنفعة و بناء النفس , أكتر متروح للمعنى المتعارف عليه , الرغبة يعني. الإنسان ميستجبش غير للي جواه. كل حاجة جواكي. اختاري.

طبعا كالعادة موضوع رائع.

LAMIA MAHMOUD said...

معلش يا وئام
هي ليه الناس لما بتعلق انونيموس ما بترضاش تسيب اسمها

عايزني نلغي حوار الانونيموس ده يل بنتي .. والله لولا الناس الكويسة كنا عملناها


طيب ما تعرفنا بدل ما احنا بنجامل
الاخ مين .. نورنا كده يعني .. بلاش اسلوب الضرب والجري ده

Baher said...

وكام حب اترمى..
تحت المعتقدات المتخلفة؟
والله فيه كتير بس اللى يعد
انا مش هاقول يحرقك(:

Baher said...

وبالنسبة للأنونيموس ولو انه لا يستحق عناء الرد انما

طظ فيك

we2am said...

abdelrahman
طول عمري! :D


أحمد ندا
ليه كده بس؟ :((


موودي
انت هتلبسني قضية ولا ايييه؟
:)))
ربنا يجبر بخطرك :)


mariage
فعلا..المجموعة تجربة جديدة تماما..وفيها مخاطرة..وكل مرة تقريها اصلا ممكن تطلعي بحاجات جديدة ومعاني مختلفة ..
شكرا لرأيك في التدوينة..دي طلعت في لحظة غيظ حقيقية :)


تسنييييم
ازيك يا بنتي عاملة ايه؟؟
والله اغنية وردة من علي سواري حتلاقيها عناك سهلة جدا جدا..
اي خدعة


نورااا
انا حاسة بفراغ يا بنتي :((((((
فيه حاجات كتير أوي فايتاكي يا بنتي
هنحاول نضبط اي مقابلة كده في السريع
انشاءالله :))


شبابيكو
طبعا..بلا هم بلا غم :)


mony the angle
rbna ys3dk ya bnt ya mna wlahy ana msh 3arf 22olk eh :)


baher
احنا لسه مؤمنين بربنا ومش هنكفر انشاءالله :)


elkamhawi
انا عارفه الحوار ده طبعا..بأمارة العلبة الفاضية ;)


لاميا
اشطة يا بنتي..الكتاب تحت مخدتك اصلا :)


أوما
يخربيت كومنتاتك فعلا :)


أودي
الموضوع كده بقي صعب بجد مش عارف اقولك ايه..انا ممنونة ليك جدا جدا :))

we2am said...

خواطر شاب غاضب
علم يا فندم وينفذ :)
منورنا لاول مرة..


الوردة السودا
الورد الاسود ورد حقيقي ولا مزيف؟؟؟
:)

reemoo
منورانا..بس الجميل انه عجبك طبعا :)


سكومونص
الحوار عند البنات بس واضح أوي..وموجود في حاجات بسيطة أوي ماتستاهلش انها نزيفها..انما طبعا احنا كشعب حياتنا مزيفة..او دايما بوشين..انها ازدواجية المعايير يا صديقي :)

شيمووو
والله بنحاول يابنتي ربنا يكرمنا بقي..انا كمان زهقت :(

انونيموس
ربنا يهديك انشاءالله

القمحاوي
شكرا شكرا..بس يابني ده حد غريب وتصرفاته غريبة ف..إشطة


كائن العزلة الكئيب
ياسيدي يا سيدي عالاطراء اللي مش طبيعي..شكرا :))
انما حقك طبعا ان المجموعة ماتعجبكش او تعجب غيرك..الموضوع بسيط. :)


ديد مااان
اههه انت جبت المفييييد..مافيش تحذير علي علبة السجاير المزيفة..انما الحقيقية عليها!!!! سبحان الله :)


chavazelle
mm..it's all about what u really want..u need..
المشكلة ان ممكن تكون عايز الاتنين..في ايدك انك تعمل اللي انت عايزه..بس عايز تعيش احساس الضحية..مش عارف الموضوع ملتبس :)
كالعادة


لميا وباهر
يا جماعة كبروا دماغكوا بقي..ده بيديه اهمية مالهاش لزمة..كبروا..بس برضك مشكرين عالاهتمام..نخدمكوا في كومنتات الانونيموس :)