RSS Feed
و أنا..أنا..لا شيء آخر

Tuesday, March 18, 2008

كابتشينو..وحشيش..وزمالك..



اللي ماشي هناك ده عسل..بس مش لاقي حد يلحسه..تفتكري احساس جمهور الزمالك إيه بعد كل ماتش مع الأهلي؟..قبل الماتش يقولوا هنطلع رجالة وناخد موقف..بعد الماتش يطلعوا ولا حاجة..تفتكري اتعودوا علي احساس الهزيمة؟..ولا لسه عندهم امل عبيط؟..علي فكرة احنا المفروض نخش يمين..اه..طيب خلاص..شمال شمال...مين الحمار اللي قال ان السكوت علامة الرضا؟؟..طيب انا ساكتة..بس ساكتة عشان مافيش كلام ممكن يعبر عن قوة الرفض!..احنا دلوقتي في شارع حسن صبري..اللي كنا فيه يا بت في الصيف عشان حوار التدريب..تفتكري يا ياسو فين برج أم كلثوم ده؟؟..المفروض اننا هنجرب الكابتشينو في الكافيه اللي جمبه..تعرفي ان أم كلثوم كان عندها فيللا تحفة والورثة باعوها و طلع مكانها برج؟!!..السرير اتعمل عشان ماننمش عليه..لأ..عشان نصحي عليه..انتي معاكي كام؟..عشرة جنيه؟..وانا معايا خمسة..احنا القطط السمان..نحن أغنياء حرب هذا البلد..احنا اللي استفدنا من انفتاح السادات وخربناها..لسه كنت بقول لشيماء..والموبايل يستحقه اللي يقدر يقفله..طيب علي فكرة انا كنت قدام الأوبرا من ساعة..بس ماكنس معايا رصيد اكلمك..أميرة خلصت آخر دقيقة..وانتي ماتأخرتيش يعني..محدش فيكو انتو التلاتة عمره اتأخر عليا الصراحة..دايما انا اللي بتأخر عليكو..انا آسفة..كان بيسألني آه..عارفة قاللي إيه؟سألني انتي مش عايزة المادة التانية في الدستور إللي بتقول عالدين الإسلامي دين الدولة؟!قلتله لأ طبعا..أنا باشجع العلمانية..قاللي أمال لابسة الحجاب ليه؟..ابتسمت..وسكت..ثم أجبت..أصل بابا عايزني ألبسه..وانا باتخانق معاه في مواعيد محددة..باحب التايم مانجمنت..ضحك..وكانت ضحكته حلوة..السكوت علامة الرضا؟!..عشان كده اخترعوا كلمة أحه..كل البيوت القديمة اللي علي كورنيش الزمالك حتة من قلبي...وضهرك انتي دافي ناعم اتسندت ف يوم عليه..مالك شكلك مضايقة؟..وبناءا عليه...مين الحيوان ده تعرفيه؟..لأ!!..يا وسخ يابن الكلب يا حيوان!!..غور جاتك داهية!..اللي يلمسك عادي اقتله..اضحكي يا عبيطة..المعاكسة حاجة ظريفة آخر حاجة..ضحكت..يعني قلبها مال..عمري ماشفت حد بيحب عمر دياب قدك..دي مكتبة ديوان..علي فكرة انا باعشقها..مكتبة تحفة..نفسي اشتري ديوان لمحمود درويش غير كزهر اللوز..بس ماعيش فلوس..لأ..كملي..مش هاقدر ادخل لأن ده أوفر لود علي أعصابي..شفتي نايل ماكسيم؟..مرة اتعشيت فيه..مرة بس طلع ديني بعدها..وليا واحدة صاحبتي اتعشت فيه..واتخطبت بعدها..وانا بحبها..الزمالك تحفة القاهرة..وفيها روح..إلا لو طلعت تبع الجيزة ولا دقهلية هيبقي مقلب..ماهم في لحظة خلو بلد تبع بلد..عندي احساس بالقهر..خالو بيقول عليا بعمل قهوة بنت حرام..بيحب القهوة بس جاله القلب وبطل يشربها..لقد تخلي عن قهوتي اللقيطة!..علي فكرة لسه ماجاش م السفر..لأ جه..بس احنا اللي لسه ماجيناش..قصدي ماروحناش..هدي هدي..اه ه ه ه..مش بيدي..عارف انك مابتحبيش منير..بس أميرة وشيماء بيعشقوه زيي..يا ستي هايبقي كويس ارحمي نفسك..علي فكرة احنا تهنا..ونسينا الطريق..وغالبا انكسر جوانا شئ..تعرفي ده بيت عبدالحليم..كان ساكن قدام جنينة الأسماك دي..كان البنات بيجوا يكتبوله عالحيطة قدام الشقة كلمات من أغانيه..بيحبك انا عارف..بس هي مسألة وقت..اديله فرصته..الدخان ده جاي منين؟؟..وليه أزرق؟!..الدخان طول عمره ياسود يابيض..الولد اللي هناك شكله راجل..بس الدنيا سكر بره..ده افيه بتاع واحد صاحبي..عاش اللي قال عالدماغ بيلت إن..رجليا واجعاني أوي..نفسي أقعد استريح..ليه مسألناش علي أم كلثوم لحد دلوقتي؟!..هنخش شمال؟..يمين؟..خلينا ماشيين..تعبت..رجلبا بتسبلي الدين تقريبا..وجٌعت..ماعيش فلوس آكل..بس معايا أشرب..اشرب عشان انسى..ولا عشان اقسى؟!..عايزين نذاكر الميدترم قرب..ياه هو ده الكافيه؟..تفتكري الفلوس اللي معانا هتكفي ندخل؟..لأ؟..طيب..يللا نروّح.
_______________________
شعر عمر طاهر..من ديوان قهوة وشيكولاتة
اللوحة:زينب السجيني
ملحوظة بسيطة:أنا وياسمين ماخرجناش الخروجة دي لسه :)

13 comments:

Amira Hassan said...

احيه احيه احيه..3 احيه

ايه يا بنتي ده هو الحشيش اللي في العنوان عدا عليكي يخرب بيتك بوست يجنن و دي كانت جامدة اوي
اشرب عشان انسى..ولا عشان اقسى؟!..

shaimaa said...

يخربيتك دماغك يا وئة
ايه يا بت ده ...عماله اخد كوبي و بيست و كوبي و بيست اما الماوس اتخيل
مين الحمار اللي قال ان السكوت علامة الرضا؟؟..طيب انا ساكتة..بس ساكتة عشان مافيش كلام ممكن يعبر عن قوة الرفض!
_____________
نحن أغنياء حرب هذا البلد..احنا اللي استفدنا من انفتاح السادات وخربناها..لسه كنت بقول لشيماء
و انا قلتلك مين اللي انفتح ف الموضوع بالظبط:D
______________
..محدش فيكو انتو التلاتة عمره اتأخر عليا الصراحة..دايما انا اللي بتأخر عليكو..انا آسفة
"تقبلته;)"
__________
نفسي اشتري ديوان لمحمود درويش غير كزهر اللوز..بس ماعيش فلوس
و انا كمان :(
_____________
علي فكرة احنا تهنا..ونسينا الطريق..وغالبا انكسر جوانا شئ..
"يخربيت الوجع"
___________
واحدة صاحبتي اتعشت فيه..واتخطبت بعدها..وانا بحبها
"و انا كمان يا مزة بحبك"
____________
اشرب عشان انسى..ولا عشان اقسى؟!
واااااااااااااااه بقى
"و ف الاخر احلى سلام لدماغ المعلمة وئام بما ان الخروجة دي لسه ف علم الغيب"

yasmin said...

kol dah w e7na lsa m5rgnash omal lw 5argna hatktbee eih

مُزمُز said...

بوست هااااايل

جبااااااااارر

بقالي فترة مش عارف أقول كده بقلب على أي تدوينة خلقها ربنا
......
السكوت علامة الرضا؟!..عشان كده اخترعوا كلمة أحه
......
هههه
دي هتبقى اللازمة بتاعتي الفترة الجاية هاسرقها منك
تجلي عبقري الجملة دي
أنا بقى نفسي أشتري أشتري أي ديوان لمحمود درويش وأقرأله مرة على الورق مش النت بس كل مااروح أشتري ألاقي حاجة أهم بالنسبة لي فبستخسر
فلس بقى
.....
بجد بوست ممتع جدا ودخلني في مود حلو وخفة دم وسخرية مالهاش حل
......

بعديا بقى عن إعجابي بالبوست

فأنا حابب أقوللك

مالكيش دعوة بالزمالك
مالكيش دعوة بالزمالك

الزمالك ده ياخواننا
الحلم الجميل
والبيت الصغير

:))
........
اعتذر عن التطويل

محمد صبحى said...

البيوت القديمة اللي علي كورنيش الزمالك حتة من قلبى..وغيره كتير كلام جميل
والصمت أحسن حاجة الواحد يعملها فى الحالات اللى زى دى

تحياتى ليكى

we2am said...

amoora
3 احيه؟..العريس بيلطم ليه؟!
:D
الحشيش عدي عليا؟..يا شيخه بس يمسي وانا اقفش فيه يإيديا و سناني :)
انا اللي باين عليا اتجننت ولا ايه..اكيد عشان اقسى..انا مابنساش للأسف :)

shosho
اهو انتي :D
اه دي احنا اتكلمنا يها قبل كده..ماشي
______
اه..دي اللي مسخرة..وصلنا لدرجة من الرأسمالية مش طبيعية..وحسابات المكسب والخسارة بقي..مع الرشادة..تعمل احلي ميكس..يا شوشو احنا اتفشخنا مش انفتحنا :D
_______
شكرا ;)
____
كلنا هذا الرجل :(
____
ده انا كمان نسيت اقول سخرية القدر في البوست..كنت محششة بقي فمش فايقة
_______
عيب عليكي يا بنتي..يستاهل الخطوبة ;)
______
عايزين نقسى يا معلمين...
_____
كلنا لها انشاءالله..بس ياسمين تحن عليا :))


yasssooo
mnwra 3ndy ya m3lma..kol kam sana zyara kida felsare3..tab3an law konna 5rgna kan zman elblog mtra2eb..welpost sadrto elrqaba :D


مزمز
منورنا يا معلم..السخرية دي طبيعي هنا..البلوج اسمه اصلا سخرية القدر :)
ربنا يكرمك يا معلم..كويس انه ضحكك والله ولقيت حاجة تفتكرني بيها :)
الزمالك؟؟؟..ماتتكلمش عالزمالك..دول بقوا فريق مصر للكرة النسائية..يا عم روح..خلينا في الزمالك اللي جنب المهندسين :)
محمود درويش ده عشق طبعا..اوعي تستخسر فيه حاجة :)


محمد صبحي
منورنا للمرة الأولي يا معلم..كلام كتير جميل؟؟؟!!..والله الناس بقت بتعجبها حاجات غريبة! :))
لا طبعا..ربنا يكرمك..وتحياتي انا كمان :)
صمت ايه بس؟..اكتر من كده نروح فين؟.

ونيــــــس said...

يا وئام انا سمحت لنفسى احط لينك لمدونتك عندى لانك بتحبى محمود درويش ده اولا و لانك بتحبى زينب السجينى و ده ثانيا..و لانك دمااااغ فى كل اللى بتكتبيه و باين جدا المرح صفة أساسية ف شخصيتك ده ثالثا
و سلامه عليكم بقى

مفقوع مرارتي من حماتــــــــــــي said...

كابتشينو ... حشيش ... الزمالك
سمك ... لبن ... تمر هندي
أسلوبها جديد وعجبني
تحياتي الحارة

Baher said...

انتى اللى عسل مش لاقى حد يلحسة

balila said...

nice..

nour said...

انتى هتروحى الزمالك من غيرى؟
خيانه عظمى
وحشتينىىىىىىى

barb michelen said...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

we2am said...

ونيس
منور يا معلم للمرة الاولي و يارب تتكرر :)
بالنسبة لإدعاء ان انا دماغ..فده طول عمري :)

مفقوع
تحياتي الأحر :)


baher
فينك يا معلم؟؟حمدالله عالسلامة :)
اانا لاقية كتير..بس النفس بقي ")

balila
thanks..

nour
عيب عليكي..ولا عتبتها :)