يسيران..مبتعدين


نظرت اليهما و هما يسيران مبتعدين من امامي..لا شئ يلفت نظرهما الي اي شئ اخر عدا المشكلة التافهة التي تواجههما و تصر علي ان يواصلا النزاع الي اخره..لا تفلح لمسات الولد-التي اعتبرها ذكية-في تهدئة البنت،يعلو صوتها و تلوح بإيديها..ثم تسكت و هي تجز علي اسنانها و تزم شفتيها..يتكلم هو،في عينيه نظرة خوف و رجاء..اطالبه في داخلي ان "يسترجل" قليلا و ان يتركها و يرحل،ستعرف قيمته بعد عشر سنين او اكثر عندما تتزوج صديقا لأبيها يرحل بها الي بلد عربي جاف،حار صيفا و شتاءا،وستتندم ساعتها قائلة"يا ريت كنت طاوعته،كان إيه اللي هايجري يعني؟"ثم تتصعب علي حالها"نصيب"وتقوم تهز لحمها لتغير حفاظة ابنها الوحيد علي اربع بنات.
ولكن حداثة سنه تمنعني من هذا الشرح المستفيض..وعلبة المارلبورو التي يحملها بجوار موبايله"النوكيا الإن" تشككني مرة اخري في احتياجه اليها اصلا..وانه قد يتركها الان باكية،ليلحق بسهرة ماجنة في شقة اهله المغلقة منذ انتقلوا للسادس من اكتوبر او العاشر من رمضان او حتي الي حلوان.
اتأملهما..اهنئ الولد الذكي علي هذه الوقفة العبقرية علي سور الكورنيش الواطئ،تهئ له في اي لحظة قبلات مختلسة و وقفة ملتصقة ستهدئها حتما..اشعل سيجارة كليوباترا من علبة المارلبورو التي اضعها فيها ..انظر اليهما نظرة اخيرة..اسير عائدا في الاتجاه الاخر علي كوبري الجامعة..ربما في النهاية سيظلان معا..لفترة.

Comments

ربما في النهاية سيظلان معا..لفترة

ده حوار فاشل أصلاُ:)



هامش:اسير عائدا في الاتجاه الاخر علي كوبري الجامعة..

!!!!هو مين اللى كاتب البوست ده بالظبط؟:)
shimaa said…
وتقوم تهز لحمها لتغير حفاظة ابنها الوحيد علي اربع بنات.
allah y5rbet f2rk ya we2a
7lwa 2wi w f3ln
ربما في النهاية سيظلان معا لفترة
ربما كانت هذه طريقتها لتحظى باهتمامه يا وئة

وربما يكون هذا هو لقائهما الأخير
حلوه جدا

والله بجد انت اسلوبك جميل
ليه مش بتجمعى القصص دى

حاجه جانبيه
حاليا مبقاش ينفع تكتبى التلات مدن
اكتوبر وحلوان والعاشر على انهم بدائل قريبه
كل واحده بقت فى محافظه يا فندم
No Fear said…
السلام عليكم
جامدة جدا
ياريت بس البنات تفهم حاجة فى حياتها
كلمه said…
looooooooooooool @ اشعل سيجارة كليوباترا من علبة المارلبورو

7araka by3mlha elshabab elCOOL odam elMOZAZ :D
lool ..nice post
عين ضيقة said…
ربما الأمر غير ما تظنينه وربما هى الأكثر عقلا

أو أكثر جنونا وأى من الحالتين يتماشى معها وتناسبه

هى فقط من ترى الأمور أوضح
We2am said…
عذرا للتأخير يا بلوجاوية..انما هي الامتحانات :)

محمد صبحي
انا برضك باقول كده..مين اللي كاتب؟..انا طبعااااااااااا!!!

شوشو
yeah..they will keep trying :)

تسنيم
و دي طريقته في التأثير عليها برضه..الواحد بيتعلم من المشي عالكورنيش :)


احنا
انا بحاول اجمع كل اللي اقدر عليه اهو..ميرسي جدا جدا :)
الرد عالحاجة الجانبية:
ايه علاقة العزال بالمحافظات؟؟؟ده حسب الامكانيات المادية يا فندم :)


no fear
وعليكم السلام..متشكرة جدا


رجل من غمار الموالي
ربنا يكرمنا كلنا كشعب و نفهم اي حاجة في حياتنا :)


kelmaaaa
wa7hsnnnnnnnnny ya m3lm ezaykkkkkk???hope it's all fine..and exams indeeed :)
mercik mercik..shoft ene ba6l3 cool fel25er? :)
rbna ykrmk ya m3lm w 3aizen nshofk qarebn :)


عين ضيقة
ممكن تكون هي الغبية الصراحة انها شايفة الامور اوضح ولسه معاه!
anyway
كل حسب رؤيته للموقف :)

Popular Posts