RSS Feed
و أنا..أنا..لا شيء آخر

Sunday, March 04, 2007

أحمد.."من تفاصيلي المؤجلة"*

أحمد..
وجعي..وجع السنابل..لن انساه ماحيي القلب..وان مات القلب..نسيته..فمِتُ..
"نحن قد نكتب عن شخصٍ لنقتله بداخلنا"..وانا أكتب عن أحمد لأحييه في رائحة البحر ..والحب..

"ليدين من حجرٍ و زعترْ..
هذا النشيدُ..لأحمد المنسيّ بين فراشتين
.."

أحمد..يصادفني حين امشي وحيدة في شارعنا المظلم..فيبتسم لي..ويفرش معطفه الكحليُّ لأعبرَ بقعةً من الماءِ العَكِر..ينحني..يقبل يدي..ويرحل تاركاً ابتسامته علي شفتي..
أحمد صديق الوحدة..وشاعر الاغتراب.."لايكفي الكتاب..لأقول انه حاضرُ ملئ الغياب.."

"وكانت السنة انفصال البحر عن مدن
الرماد..وكنتُ وحدي..
ثم وحدي..
آهٍ يا وحدي؟..وأحمد
كان اغترابُ البحرِ بين رصاصتين
.."

آه يا أحمدي..كنت وحدي..علي الضفة الثانية..ألمح حُلُماً ينطوي علي الأولي..أعبر مخيماً للاجئين ثانيةً..وبعد ثانية..أعبر بحراً من الحنين..
ثم ألجُ التيه..كانت خريطةُ الطريق علي الباب مَحْضُ أوهام..تضيعُ مني في المنتصف رائحة تبغك..وارتعاشة اصابعك حين تكتب للوطن شعراً وتقول:"لامعني لأمرأةٍ تحبها دون وطن"
هذه كانت ملحمة..أحمد..هناك من سرق بداية الملحمة ووضعك سراً في المنتصف..

"في كل شئ كان أحمد يلتقي بنقيضه
عشرين عاماً كان يسأل..
عشرين عاماً كان يرحل..
عشرين عاماً لم تلدْهُ امُهُ إلاّ دقائقَ في
اناءِ الموز
وانسحبتْ
.."

يقبلني أحمد فيأتي الصباح مع قبلته..كان عاشقاً كارهاً..او كارهاً عاشقاً..لا معني للصفتين دون وطن..كان يري في قلبي لون الكفن..وأري في عينيه لون المحن..الأسود..لون تراب الوطن..
أحمد الصباحيُّ ذو القهوةِ المضبوطة والسيجارةِ و الجريدة..وأحمد المسائيًّ السائل عن نصيبه من الحلوي..أحمدُ الزنبقة..أحمد الفراشة في طور الشرنقة.. أحمد القدر..أناديه اليوم..فلايجيب المطر..

"لم تأت أغنيتي لترسم أحمد الكحلي في الخندق..
الذكريات وراء ظهري..وهو يوم الشمس و الزنبق
ياأيها الولد الموزع بين نافذتين
لا تتبادلان رسائلي
قاوم..
ان التشابه للرمال..وانت الازرق
"

وأنا اغرق..لابد للازرق من قافية نهايتها الغرق في الازرق..وانا أغرق و ازعق..لابد للغرق من قافية نهايتها اني انادي فلا تجيب فأزعق..وأنا ازعق و روحي تزهق..لابد للموت من قافية نهايتها حرف القاف وورقة توت..ولكن العبارة يابسة حيث تتشابه الرمال..فلا أجد مايستر عورتي اللفظية..

"يا خصر كل الريح
يا أسبوع سكر!
يااسم العيون..ويارخامي الصدي
ياأحمد المولود من حجر وزعتر
ستقول :
لا.."

وتمر ساعة..ويمر يوم..يمر كالدهر..أصيب الزمان بعدك بالعهر..فيتسلي بمنطقي في السرد..وينتهك الباقي من الذكري..
في غيابك يا صديقي لا شئ يوجعني..سوي الغياب!..خطاك علي ثوبي تدميني..ورائحة الزهور علي جبيني تعميني...
تداهمني ذكراك فتقتلع الصبر من صدري و ترميني منهكة علي شاطئك البعيد..ترميني علي الحدود علي المعبر..أذكر اسمك..فأنتصر وحدي.وأمشي بين أكاليل الغار وحدي..ليس اسمك مفتاحٌ لنصرٍ سري..بقدر ماهو مفتاح للعادية..تهنا عنه لأنك في روما..جميلٌ انت في المنفي..وقتيلُ انت في روما..

"أذهب بعيدا في دمي!وأذهب بعيدا في الطحين
لنصاب بالوطن البسيط وبإحتمال الياسمين
ياأحمد اليومي!
يااسم الباحثين عن الندي وبساطة الاسماء
يااسم البرتقالة
ياأحمد العادي
!"

تلك الابيات تقتلني عمقا!تبدو كجرح غائر في الشريان الاورطي..وانا كتابتي بعدها عقيمة كوريد تالف في طرف اصبع القدم الصغير!
لن أكتب لك شيئا بعد محمود درويش..
المرة القادمة هي أخر مرة!


تذكرني..كلما رأيت شالا من الحرير الدمشقي بنقوش فرعونية
عندما تري خاتم الخطبة في اصبع البنت الصغيرة التي دللتها في المخيم"أكان اسمها مريم؟"..تذكرني..عندما تصعد سلماُ..فتعرف ان الصعود صعب..حتي ليفكر المرء في متعة السقوط!
ايها الثوريّ والشرقيّ والروحانيّ والدنيويّ والغجريّ والحضريّ..
أيها المرتب الدفاتر مبعثر السرير..
أيها المنظم البارود فوضوي المشاعر..
اترك خطاك حرة..كوقع الخناجر..
يااحمدْ..
لاتنحني للزمن الداعر..
لاتنحني للزمن الداعر..

_____________
الابيات لمحمود درويش
المقولة لأحلام مستغانمي
عنوان رواية لريم البسيوني

27 comments:

Anonymous said...

اللة اللة يا وئام
حلو قوي كتابتك
بس أيه حكاية أحمد :) ده العايدي برضه والا أنا ظني مش في محله

OMA said...

iam lucky to be the second one who pust acomment here
ba7eb feki dema3'ek el3alia ;)
w eslobek elraki
mosh eslob wa7da banota 5ales
eslob wa7da professional mosakfa awi
el post beywga3 awi
beywga3 begnan
w especially ma7mod darwesh !!!

ta7eyati el gamda gedan gedan
arfa3lek elkoba3a w an7ni laki sayedti e7traman ! (f)

عوليس said...

يا أحمد العربى
لم يكذب على الحب
لكن كلما جاء المساء
امتصنى جرس بعيد

Mony The Angel said...

:)))))))))
al3ayde da lol??
eh yabenty da
enty betgeeby alkalam da meneen :|
ha? btgebeeh mneen? ha? ha? mneen mneen? ha? meen lol?
bas gamda ya we2a ;)

21arestoo said...

تصفيق حاد
فعلا
بعيدا عن درويش وأحلام وريم
رائعٌ ما خطت يداكِ


في حوار حمل الكثير من الجدية اليوم مع كائن العزلة حول مدى فنية نصوصكِ التدوينية أعترف له الآن أني خسرت الرهان

في انتظار المزيد
تحياتي

Abd El Rahman said...

فضلت أقرا وانا منشكح لغاية ما وصلت عند

أحمد الصباحي .. !وضحكت

قلت بقى كل ده عن الصباحي !

:D

مصرى said...

وئام جميل جدا حلو أوي الربط بي الثلاتة
و ديوان أحمد العربي من أحلى دواوين محمود درويش

تحياتي يا وئام

nour said...

يا بخته احمد
احمد بتاع محمود درويش او اى اجمد فى الدنيا بقى:))))))))
رائعة كالمعتاد
جامدة اخر حاجة
:))))))))))))))

Anonymous said...

اتكأت على مياه فانكسرت
أكلما نهدت سفرجلة نسيت حدود قلبى والتجأت إلى حدود قلبى كى أحدد قامتى يا أحمد العربى
لم يكذب على الحلم
لكن كلما جاء المساء امتصنى جرس بعيد
فالتجأت إلى حدود الحلم والأشعار
معلش باكتب من الذاكرة لو فيه حاجة غلط
دى كتابة هايلة وفكرة مجنونة زيك
مش باقولك عندك موهبة

تحياتى لكورس النتوركس

frozen love said...

مع اني مش حالة تسمح بالتعليق على هذا النوع من التدوينات الايام دي بالذات..لكن بجد اختيراتك لكلمات زي دي مع كتابتك الرائعة...اجبرت يداي اني اجي واعلق..واقولك رائع

لم ينحني هو للزمن الداعر..ولن ينحني..متقلقيش

في لقاء تاني للمدونين الجمعة الجاية..انا بفكرك اهو..حاولي تيجي

وصحيح حفلة الصحبجية يوم 13\3
لازم تيجي بقى
lol

مُزمُز said...

وقع للتضامن مع كريم عامر وللدفاع عن حريتنا

http://blogger-in-jail.blogspot.com/

Anonymous said...

نسيتي تقولي أن الكلام بالاحمر الحوار اللي دار مابينكم
: )
تحياتي لكورس النتوركس

عين ضيقة said...

انت مالكيش حل
البوست ده رائع جدا
دى تانى مرة اقرالك
ومؤكد مش هحرم نفسى من المتعة دى تانى

سلام ياقمر

Chavazelle said...

جميلة يا بنت .. سجارتين في إيد واحدة
كلامك يتقرا بالكلمات , مش بالجمل , كل كلمة جملة لوحدها , موضوع كامل . ‘‘نسيته..فمِتُ..’’ - ‘‘ويرحل تاركاً ابتسامته علي شفتي..’’ - ‘‘صديق الوحدة’’ - "هناك من سرق بداية الملحمة ووضعك سراً في المنتصف" - ‘‘ولكن العبارة يابسة حيث تتشابه الرمال’’ - "أذكر اسمك..فأنتصر وحدي" .. أسلوبك مقنع جدا , كقارئ خليتيني أشوف أحمد , كراجل خليتيني أغير من أحمد , كأنا خليتيني في دقيقة أحس إن أحمد غريمي اللدود , و دقيقة تانية أحس إن أحمد أنا .. بشكل عام لغتك تخليني أركز غصب عني .. بس وئام لازم "تتغرِّي" في كلامك شويه , إنتي الكاتب , بطبيعة الحال لازم تكوني في منزلة أعلى مالمكتوب عنه و المكتوب له , جربي تتكبري .. ارفعي راسك واحدة زيك مينفعش متبقاش حاجة كبيرة

Keep your head up. Laterz.

FrEe.PhArAoH said...

جامد يا وئام بجد
لا جامد جدا مش جامد بس

اختياراتك و اسلوبك روعة

تحياتى

el2ahwagi said...

ana elmawdoo3 da 7assas awi 3andi ma3rafsh leeh ...

kalam beyfakarni b oghneyet Mostaqeel (Kazem elsaher) w film Divine Inrevention (Elia Suleiman )
w koll wagee3a 3ala soor yafsol omma 3an nafsaha ... soor mo3taqal kebeer ... 7odood tadee3 feeha elhaweya el3arabeya ..!!

kalematik 7araket aneen ...
gara7et ma baqa men kberya2i ka 3arabi .. !!

Abd El Rahman said...

ده مش بس تفاصيلك اللي مؤجلة ، ده التعليقات كمان

:)

elkamhawi said...

حلو قوى هو عموما اى احمد لازم يكون حد كويس
بس البوست جامد

بين الأمل و اليأس said...

حقا انه اختيار رائع لا يصدر سوى من صاحبة احساس راقي
احسنتي الاختيار بين المواضيع للعملاق درويش
استمري على هذا المستوى
وربنا يسترها

طارق إمام said...

حلو قوي يا وئام
نص موحي و اختيار التضمينات فيه موفق وواعي
الكتابة اللي من النوع ده بتستهويني خاصة لما ما تكونش منطلقة من رؤية ضيقة
في انتظار المزيد يا جميل
(:
أكرر : الفن هو التفاصيل

LAMIA MAHMOUD said...

نعم .. مين .. ليه .. لالالالالالالالالالالا

بصي احنا حنتقابل النهاردة ... ححاول افهم .. وبعدين اجي اعلق .. ما هو مش كده يا وئام مش كده خالص
مالك يا بت؟
__________

we2am said...

معرة يا جماعة علي التأخير الخزعبلي ده..واني مش باروح البلوجز بتاعتكوا..حالتي النفسية سيئة مش عارف ليه..بس لو انت قريت الرد ده..اعرف اني..ولا انت عارف..انت عارف..

في البدء..كان المجهول
اهلا يا عم الانونيموس رغم اني مش عارفاك..الا انه أحمد العايدي او لا..دي حاجة بتاعتي..لما اكتبهالك تبقي تكلم..ومشكرين علي رأيك في الكتابة يا سيدي


oma
rbna yogboor b5atrk ya gameeel..wlhy wana b7b brdo r2yk elwa3y elle byfr2 sa7 gedan..rbna yg3lo 3amer..ana mowgo3a awe mn a7mad..w mn m7mod darwesh indeed!
rbna y7'leke la en7na wla nela..5le el bosa6 a7mdy :))


عوليس
منورنا يا عم..المقطع ده كويس فعلا..لم يكذب الحب علي حد الصراحة:D

mony the angle ya ged3aaaan :)
ahlan ya bnty..el3ayde??howa feen el3ayde bs wana 22ol?? :(
wlhy el7ashesh elnoo3 elgdeed 3aml a7la dma3'! :D


aresto
اهههه..انتوا بتتسلوا علياا بقيي ولا اييه؟؟؟ :D
ربنا يجبر بخاطرك يا عم..خطوة عزيزة يا رب تتكرر قريبا..وانت كمان فنان :)


عبدالرحمن
ياسيدي اولا اسمه حمدين الصباحي..ثانيا يا عم اي بلا ازرق يجي وانا اكتبله بس هو يقول :D


مصري
منورنا..طبعا البوست يعجبك بشكل خاص عشان درويش..شكلك مجنون بيه :)

نووررااا
لا يا ماما مش اي احمد..ده احمد ال....اووبس..ده احمدي انا وخلاص :)


مدير عام فرع كوررس النتوركس في القاهرة والشرق الاوسط
منورنااااااا..خطوة مش طبيعية اصلا مش عزيزة بس..
هي لم يكذب علي الحب..والتجأت الي حصار :)
ربنا يجبر بخاطرك..والله بتديني امل فعلا..وكنت عايز اخد رايك في حوار كده..كتابة برضك :)
وايه قصدك بموضوع الحوار الاحمر..يعني"لا..أحمد؟؟"مافهمتش؟؟
اني واي..احنا مادرش بينا اي نوع من انواع الحوار :))))


فروزن
اهلا يا عم..انا مش طايقاك مبدئيا بس ماعلينا
اكتر من كده وربك بيزيح ..مشكرين عالكومنت العالي
ماجيتش الاتنين اهو..دي حاجة وسخة..
:(((


عين ضيقة
منوررررةةة..يا شاعرة يا جميلة..يخربيت البوس اللي بالشكل ده يا شيخة :))))
وانا كمان خلاص عرفت السكة..

we2am said...

chavazelle
احيييي عالكومنت بتاعك انت بتهرججججج
حلو اوي,,انا speechless
ربنا يجبر بخاطرك..انا بحاول ابقي مغرورة والله برضك :)
بس بجد..احمد..هو احمد..وقد ينتهي الكلام عند ذلك..مع الاعتذار لرجولتك الكاملة يا عم :)


فري فاروه
والله يا عم انت اللي جامد :)
تحياتي انا ايضا..والله هحاول ازور البلوجز بتاعتوا كلكوا..بس لما نجيب نت بقي لحسن انا بقيت بقعد في سيبر :(


el2hwagy
oh my god!!!
it wasn't me! ;D
la wlhy ana kman mowgo3a..msh 3arf ana leh ba6f7 3alktaba..bs heya kida..yalla b2a..ana kman 3robty feldya3 7'sosan b3d ma2ret el7ob eflmnfa lbha2 taher qreban :(


abdelrahman tany
يا عم هي سيرة بقي..محنا قولنا اللي فيها :)



elkamhwai
اشردلك بقي هنا واقول انت مين؟؟ والله مجنونة واعملها :)
ياللا يا عم..اصل انت كل اصحابك اسمهم احمد..مين يشهد للعروسة..


بين لامل والياس
لا تعليق غير انه يارب يسترها فعلا :)


طارق باشا اماااام
منوررر يا لهون يا لهون :))))
ربنا ينورلك طريقك يا شيخ..والله انت سكر
انما اتفق ان اذا كان هناك تضمينات تبقي مناسبة لروح النص..وانا بحاول اوسع الرؤية..والخطوط عندي تبقي متقاربة فعلا يا عم الملاحظ الفنان :)
هاهريك كتابة طبعا :D

لمي لمي
اديكي عرفتي ياختي..انبسطتي؟؟
تعالي بقي وريني تعليقك السياحة المعتبر :D
يابنتي عادي..احسن من الحالة دي في الطريق..لاني استحق الافضل :)

Abd El Rahman said...

abdelrahman talet

اسمه أحمد الصباحي يا حاجة ، ده بتاع الطربوش والانتخابات والتسعين سنة وانتخاب مبارك والنكت السياسية القبيحة

حمدين صباحي ده بتاع الكرامة وما أخذ بالقوة لا يسترد الا بالضرب ع الأفه

we2am said...

عبد الرحمن رابع
ايواااااااه افتكرت..اللي خد جرعة زيادة ليلة الصباحية :D
صح عندك حق :)

ماشى الطريق said...

عايز أقولك إنى قريت التدوينة دى من زمان أوى و من وقت للتانى كنت بعدى أقراها
بس المرادى قولت لازم أعلق و أقول
إنها حلوة أوى أوى
و بجد تسلم أيدك

we2am said...

ماشي الطريق:
أهلاً لأول مرة "تعليق " بقى،مادام بتيجي من غير ماحس
:)
مبسوطة أنها أثرت فيك للدرجة،أكيد اسمك أحمد،ولا إيه؟
:)