RSS Feed
و أنا..أنا..لا شيء آخر

Monday, March 26, 2007

لفيت قلبي في ورقة جرنان"رداَ علي تفاصيلي المؤجلة"






انا تعبت م الصراع



وتكلفة الإختيار



والفرص البديلة..



الفرص الرذيلة..



وخيال الشُعرا..



اللي اكلهوني نيّ



أكلهوني...حيّ



تعبت من المقدمات المنطقية



والحلول الملاغية..



وفين النتايج؟؟-مجهولة



هو أنت هتجيب علي عمرك



عُمر عمولة؟؟






حاسب بقي من الخيال



وسكان مناطقه المأهولة






ولسه الفرص البديلة..رذيلة



ولسه الخيال نيّ



وكلامك-يا شاعر- جوايا حيّ



فين المشكلة؟



في البر ولا ف البحر؟؟



عارفاك..هتقوليّ السما



وتسيبني ادوّر عالبر الملاكي



ويا صاحبي..صاحبتك عبيطة



مالهاش ف كلام الأغاني



والفن اللي كله معاني



زهقت-زيي تمام-



من الحلول الوسيطة!



لأن السؤال مش واضح زي الرد



تعرف تروي السما..بالأرض؟؟






ولسه الفرص البديلة..رذيلة



ولسه الخيال نيّ



ومبدأ وجودك-ياصديقي-جوايا حيّ






عايز تشرب؟؟



ياصاحبي ده العطش سكة وصول



ونا عالسرير باموت



هاوزع عطشي لريقك عالكون



وانال شرف اسباب التصحر



يمكن الابداع الصافي ساعتها..
يتكدر؟؟





ولسه الفرص البديلة..رذيلة



ولسه الخيال نيّ



ولمس إيدك-ياصاحبي-جوايا حيّ



تعرف يعني إيه خوف؟؟



لما تمد ايدك تسلم علي حد..



وف دماغك انك هتغلط في اسمه!



أما تمشي ف محطة المترو



ماسك قلبك جوه الكتاب



ومافيش معني لوجودك ف زحمة العذاب



لأ..



عارف الخوف..



أما يجي وقت النوم..ببساطة مابنمش..



لأني لوحدي عالسرير



باترعب..لما الليل يفوت



العمر من غيرك هايموت!






آخر كلام..



خلّي بالك م الخيال



بلاش العزف..



علي أوتار المُحال



لحد مالواقع يبطل تقوقع..



والخيال..يفسحله المجال..



يظل احتمال حدوثي..مجرد احتمال!
اللوحة:زينب السجيني

20 comments:

Mony The Angel said...

eh da ana the first comment :|
ta estanny a7gez mkan w ba3deen a3ala2 3ala kol 7arf

Anonymous said...

يخرب بيت عقلك يا وئام
دا أنت متيمة بيه بجد بقه :) ، أنا كنت فاكرة الحكاية استلطاف هياخد له يومين ، على العموم عادي ،أحمد ي ربنا أن الدنيا واقفة لحد كده
:)
" يا عبيطة .. العشق عبيط "
خلي بالك من نفسك وقد أيه تفاصيلك/ـه المؤجلة جميلة

Mony The Angel said...

heeeeeeeeeeeeeeeeeey
ana awel comment
a3alla2 b2a lol


"هو أنت هتجيب علي عمرك
عُمر عمولة؟؟

ولسه الفرص البديلة..رذيلة
ولسه الخيال نيّ
ولمس إيدك-ياصاحبي-جوايا حيّ
تعرف يعني إيه خوف؟؟
لما تمد ايدك تسلم علي حد..
وف دماغك انك هتغلط في اسمه!
أما تمشي ف محطة المترو
ماسك قلبك جوه الكتاب
ومافيش معني لوجودك ف زحمة العذاب
لأ..
عارف الخوف..
أما يجي وقت النوم..ببساطة مابنمش..
لأني لوحدي عالسرير
باترعب..لما الليل يفوت
العمر من غيرك هايموت!
آخر كلام..
خلّي بالك م الخيال
بلاش العزف..
علي أوتار المُحال
لحد مالواقع يبطل تقوقع..
والخيال..يفسحله المجال..
يظل احتمال حدوثي..مجرد احتمال!"

3abqaria bgad ya we2aam
3abqaria ya ebnty (y)
btgeeby alkalam da mneen bas ha??
btgebeeh mneen?
ha? ha?
meneen meneen??
(wa7da edeeha 7amra mn kotr altas2eeef)

ody911 said...

وئاااااااااااااااااااااام بس

مفيش تانى

مشعارف أقولك إيه ؟

كل ما بقرالك حاجة بتنح

وأقول الله عليكى

عارف إنوا من كتر الهم إللى جواكى

بس على الأقل بتعرفى تعبرى

عن ناس تانية تهوى السكوت

وعادى بقة
أودى

عين ضيقة said...
This comment has been removed by the author.
عين ضيقة said...

لأول مرة

لم تمتعينى أبدا

النص مش عالى

تحياتى

أحمد ندا said...

وئام
أنت أديبة عظيمة وإنسانة عظيمة

LAMIA MAHMOUD said...

مجرد احتمال يا وئام

مجرد احتمال

nour said...

يخرب بيت الخيال اللى هيودينا فى داهيه
بس لو هيخليكى تكتيبى جامدكده
يبقى اشطه
اللى يقول على البوست ده وحش يبقى مبيفهمش

او معندوش احساس
عالى يا ووؤه و جامد
و على فكرة
مايستاهلش
اكيد انت عارفه مين هو:)))

we2am said...

یا اهلا یا جماعه..مبدئیا لو القصیده مش مفهومه اشطه و لو مش عاجباکوا اشطه جدا وای حد لیه شوق فی ای حاجه یعملها :)

starting wiz:mony 7bebty
7agzna w 23dna fel26r el7amdolelah :)
ya bnty enty bt7sy byya bgd..elkalam dah bagebo mn "elbollekka" elle e7na feha :D
w ya3ni ana ba7b asm3 elmade7 bs msh leldarga deh!enty kida hat5lene argwzk b2a :D
moshkren awe :)


عم الانونیموس
"آحمد" ربنا؟؟؟
و"یا عبیطه..العشق عبیط"؟؟؟؟
فعلا؟؟؟؟؟
لو طلعت حد اعرفه..ف انت فی مآساه اغریقیه..
تفاصیلک/ه؟؟؟؟؟؟
فعلا؟؟؟؟


اودی
ربنا یجبر بخاطرک یا عم..یا نهار اسود ده انا لو مابعرفش اعبر کان زمانی مت!
والتتنیح فی قرایه البوستات...خییییر :)))))


عین ضیقه
لولا اختلاف الاذواق لبارت السلع..انت بس تبع مجموعه عولیس الادبیه..الفصحی حتی الثماله :)

احمد ندا
یا سیدی ربنا یجبر بخاطرک..رایک من الارا المهمه برضک :)

لميااا
وهو في احلي ولا اروع من لعبة الاحتمالات؟؟؟
انت شكلك مابتاخديش احصا :)))


noraaa
احم..احم..بالنسبه لموضوع مایستاهلش..فانت عارفه ان فی اللی مایستاهلش اکتر منه:)مع انی بدات اصدقک علی فکره :(
بالنسبه للخیال:
"لما تبقی فی سنی..هتعرف بسهوله ان مش کل اللی ف الباسکیت زباله ولا اللی عالمکتب نیون" :))

منى said...

بمناسبة الباسكيت والنيون يا وئه ، انتي صعبانه عليا جدا لأن اللي انتي متيمه بيه بيحب شاعرة وبينشر لها شعر على مدونته وهي بتشاور عقلها ، البني أدم ده مش زي ما انتي متخيلاه لأنه لو صديق زي ما بتوصفيه كان بقى صريح معاكي وقالك الحقيقة لكن لأنه مريض فهو مستمتع ومنتشي ذكوريا بفكرة أن واحده بتحبة وبتكب فيه شعر
نصيحة يا بنتي ما يستهلشي ركزي في دراستك والكتابة أحسن ، أنتي صغيرة ومسيرك تقابلي اللي أحسن منه
منى

كلمه said...

saba7 elfol ya bremz :D

ولسه الفرص البديلة..رذيلة


ولسه الخيال نيّ


ومبدأ وجودك-ياصديقي-جوايا حيّ

gamda 2wy yaa we2am

آخر كلام..


خلّي بالك م الخيال


بلاش العزف..


علي أوتار المُحال


mesh h2olek 7aga 3`eer gamda 2wy w 2e7sas.ha to7fa

أحمد said...

أكبري بقه وبطلي لعب العيال ده
وياريت الهانم اللي اسمها منى تبطل استخفاف
محبتي

3lool said...

يجوز لاول وهله مش عجبني البوست لكن بعد ماقراته كويس عجبني كتير وعلمت معايا كمان :)

ولسه الفرص البديلة..رذيلة

ولسه الخيال نيّ


تحياتي لك

nour said...

فى البدايه كده انا بعتذر لكل اللى انا هقوله مقدما
و بعتذر يا وئام انى رديت من غير ما اخد اذنك
بالنسبة للحوارات اللى اتنسجت على قصيدة وئام كاتباها و قبلها بوست
و النبى يا جماعه محدش يتدخل فى كتابات الناس
و محدش يفسر بكيفه
محدش عارف اللى بكتب دى بتكتب لمين او ليه بالضبط
هندخل بقى فى اسم معين يجوز اتكتب عنه قبل كده فى المدونه دى كلمه اعجاب بكتاباته
يبقى بجد غلط
و حب فبركه و حوارات
و بصراحه محدش اصلا يستاهل الكلام اللى مكتوب و لا يستاهل الشخصيه اللى كتباه
محدش موجود على الارض
شكرا اوى للمعلومات يا منى
و شكرا على التعقيب يا احمد
بس هو مش لعب عيال

منى said...

أنا أسفة يا وئام إذا كنت ضايقتك بس أنا بحبك وبحب كتابتك وكان لازم أقولك اللي عندي
أنت جميلة قوي يا وئة خلي بالك من نفسك
: )

Just Me said...

دمتى مبدعه :)

أحمد ندا said...

سبقتيني يانور لأني كنت ناوي أرد لكنك قمت بالواجب
أكتر ما يثير غيطي وحنقي وغضبي هذه الأيام هو العته الإلكتروني

مصـ( الخير )ـعب said...

الصراع ده صداع.. كله حرق وكيّ
الصراع ده صعب.. بعده بكرة الجايّ
-----
يبدو أنك على شفا أن تدفعيها -تكلفة الاختيار-
ربنا يعينك

gohayna said...

حلو كلامك وعجبتني جدا طريقتك في اظهار مشاعرك حتي لو كان فيها حزن
استمري يا وئام
والله جميل اوي