تفاحُ أخضر..بريشة مخلوف




تفاحٌ أخضر..

من لي سوى تفاحٍ أخضر؟؟
يعرفني جيداً..ويتفهم احتياجاتي..يؤرقه اذا تكلمت كثيراً ..وتعبث بليله اكتئاباتي الصغيرة
شامبو وبلسم بالتفاح الأخضر..يؤرقه الاّ استمتع بحمامي وألا يشعر حبيبي بلمسة من يدي.. قد تبدو بريئة في السلام..يتنفس الصعداء..عندما يغرق في خصلة من شعري..
مزيلٌ للعرق بالتفاح الأخضر..يؤرقه ألا أشعر بالانتعاش..يموت اذا لم يحتضني حبيبي بشوقٍِ الى اللقاء..
بلسم للشفاه بالتفاح الأخضر..يؤرقه الا ابتسم..لا يهتم عندما أضحك..يموت في انتظار تلك القبلة العبقرية
لايعني وجود الفاكهة الاصلية..الا أتحدث عن معجون أسناني صديق التفاح الأخضر..أو بخور غرفتي..نديم التفاح الأخضر..لأنني أري ان لكل شئ سبب..والتفاح الأخضر فاكهة لاتؤجل..أسبابُها..
تفاحٌ أخضر..أعنيه ..ويعنيني..يتفحصني بإهتمام..يدخل في تفاصيلي بشغف..يريدني بإصرار..انه موجود هناك دوماً ..إذا يوما شعرت بالملل من هنا..لاينفك يقنعني اني-دوماَ- استحقُ الأفضل..حتى الشاي الأخضر...بالتفاحِ الأخضْر
..
______
عندما تقرأ هذه التدوينة..سيغمرك سؤال صعب..هل الرسم الأول ام الكتابة؟..ستحتار في عملية الخلق..لأن مخلوف-فناني المفضل-يضع جزءاً من روحه في كل رسمه يخطها..الرسمة مليئة بروحه..وبصمته..وفلسفته..حتي كأني أراه الان بلا روح.
.يا صديقي العزيز..أنت هو أنت..ولا داعي لمشقة الاغتراب..لوحاتك علي مدي أعوامك القليلة.صنعت وطناُ..وصنعت اسماُ من ذهب في الكاريكاتير المصري الذي أحييته -أنت وزملاؤك طبعاً- وهو رميم..
عندما يرسم..مخلوف..لاتملك الا أن تندهش وتصمت حتي ينتهي..لتطالع ابداعا صافيا محملا بجزء لا يستهان به من روحه الفنانة..وابداعه الصافي وقلبه المثقل بهموم غامضة..
مخلوف..شكراُ علي الرسمة المأساة الأغريقية..وشكراً علي فنك وثقافتك وانسانيتك وشخصيتك ..وشكراً..شكر عميق من جوه يعني..علي وجودك اصلاُ :)

Comments

Anonymous said…
رائعة كالعادة
حببتينى فى التفاح الأخضر
والشاى الأخضر ,, حتى البرسيم الأخضر
ياريتنى كنت تفاح اخضر
يابختك ياعم مخلوف وئام قالت فيك كلمات ليست كالكلمات
LAMIA MAHMOUD said…
بسببك ححب اللون الاخضر


انتي دماغك نضيفة يا بنتي .. كلميني عشان نتفق على يوم السبت يا قمر
Mony The Angel said…
la2 bgad gamda
gamda aweeeeeeeee
alpost welsoora w kol haga
7abeet altofaa7 al a7'dar ya we22a bsababek :))
Anonymous said…
جميل يا وئام
بالمناسبة أنا كمان بحب التفاح الأخضر ريحته عبقرية جدا
nohamy said…
بصراحة انا بحب رسم مخلوف اكتر من اللون الاخضر
mahmoud said…
على فكره شريط روبى الجديد حلو أوى بس البوست ده أحلى
طريقك أخضر يا وئه
nour said…
مخلوف اتشكر كتير اليومين دوول:))))))))
يا بنتى انت ملكيس حل و المفروش التفاح الاخضر يحمد ربنا انك بتحبيه:))))
طريقك اخضر فعلا على رأى مودى
karakib said…
بوست منعش
بس كده
حلوة
هو التفاح الاخضر ده غير التفاح الامريكانى ؟!
ههههههههه
يلا اهو كله تفاح
بوست هايل وفقك الله
yhy
3aziz 3eni said…
ما فيش فساتان او جاكيت او اى ملابس بالتفاح الاخضر؟

انا شخصيا احب التفاح الاخضر البلدى لانه له مذاق مختلف واطعم
جميل جدا انا موافقك على موضوع التفاح
el2ahwagi said…
i7sasik betafaselik gameel ..!

as to the Green ...
sure will be delighted :)

جميل التفاعل مع الأشياء
لتنطق بعوالمنا الخاصة
Saikoman said…
التفاح الأخضر و لماذا لا يكون احمر الأمريكي يعني بس نفسي اعرف سر التفاح الأخضر حاسس ان وراه سر كبيييييييير هو اه مش عارف يمكن عشان انا بحب اللون الأخضر و معرفش ليه وبتحك علي نفسي وقول التفاح الأحمر احسن
حلو اوي البووووست يا وئام
انا بقالي فتره مش بقرا بوستات فتحتي نفسي للقرايا تاني
واحد said…
This comment has been removed by the author.
واحد said…
ahالكتابة رسم
Oma said…
انا كنت بحب التفاح الاخضر بس عادي يعني
بس ده انتوا عملتوا حدوته منه !
على رأي لمى
دماغك نضيفه وانا قلتهالك قبل كده
خلي بالك من دماغك :))
احييكي واحيي مخلوف
3lool said…
انا مش ليا في فلسفه الفنانين بالنسبه لصوره مخلوف علشان كده مقدرش اقول رأيي فيها

لكن عجبني البوست ويمكن انا حسيت ان الصوره الاول وبعدين البوست ده منطقي
We2am said…
baher
ايه يا كيكووو دايما مشردلي كده؟؟ :))
ربنا يجبر بخاطرك والله..المشكلة بقي..اني بكره اللون الاخضر!!!! :D


لميااا
يا شييييخة لأااا..انا كنت بهرج :)))


mony the angle
w ana 7abet elktaba wlhy bsabb comentatk elsokkr deh :)


مصري
الحوار جامد جدا اصلا..منظر التفاح بيدي احساس بال...بال..مش عارف..بس هو حلو :)


بني ادم مع وقف التنفيذ
منورنا هنا..وانا كمان بحب رسومات مخلوف اكتر من الاخضر..طبيعي :)


موودي
يابني انا عاجباني روبي طبعا..اسمها سكتك خضرا مش طريقك :P


نورااا
ياااه..مخلوف ده حد مختلف فعلا فعلا..يستاهل الشكر.. :)


كراااكييب
منورنااا اخيرااا..حمدالله عالسلامة :)
اي خدعة :)



yhy
التفاح انواااااع يا جدعان..افهموها بقي :)))
منورنا طبعا..شكرا :))


سكومنص
انا مش بحب اللون الاخضر..انا بحب التفاح الاخضر..المشكلة ان مافيش خطوط انتاج للريحة دي :(


القهوجي
والله انت حد واخد بالك.. :))
احسن حاجة في الدنيا..انها تبقي بتاعتك..حتة منك..
thanks 4 the green indeed.. :)


saiko man
ياااه حمدالله عالسلامة..ربنا يجبر بخاطرك..والله الموضوع مش سر ولا حاجة..ماتكبرش الحكاية :)


أحمد ندا
طبعا :)


Omaaa
فل جدا..الناس فهمت غلط ولا ايه؟؟ :D
والله يابنتي موضوع الدماغ النضيفة ده مودينا في داهية!!
اشطة


علوووول
مبدئيا الكتابة الاول وبعدها بتلات شهور الصووورة..ده منطقي
اشطة

Popular Posts