بالأمس حلمت بك....

تحذير لايمكن تخطيه:البوست طوييييييييل :))
استيقظ اليوم من نومي وانا أفكر فيك كانك لازلت نائما بجانبي..قد حلمت بك حلما كاملا مكتملا..يصلح لقارئة كف تمر بي علي شاطئ الغرام..اعرف انه يجب ان استعد ليوم ويل يحمل بصماتك القليلة العميقة...علي نغمات اذاعة الاغاني من القاهرة..أرشف النسكافيه وارتدي ملابسي..يغمرني يقين اني سأراك اليوم..ولو من بعيد..
مم..أفكر فيك في الطريق إلي الجامعة..الي المحطة التي كانت مشتركة..اتذكر كلامك وايماءاتك..طريقتك في الرد..تتداعي جدران الذاكرة عليّ لكأنما أصرت علي قتلي تحت انقاضها..أفيق علي جلوسي بجوار بنت تحمل أدوات هندسية ومسطرة حرف "تي" ربما رأتك في يوم من الايام-مع فارق السن الكبير-وربما سالتك شيئا...أو جاءت لتعمل تحت امرتك..اسألها سؤال يبدو فيه الغباء متكئا علي علامة الاستفهام باسترخاء مستفز.."انتي ف كلية هندسة؟؟"تجيبني بملل يغزو ملامحها كلها"بلا قرف!
أندهش و اصمت..من لي بكلية الهندسة..وبمسطرتك حرف التي و لوحة خطتها يداك(أكان اسمها لوحة ام تصميم ام رسم كروكي أم هراء أخر؟)0

ينصرف فكري لاخر مرة التقينا فيها..اشعر بالقهر يغزوني مع اصدقائه من المشاعر السلبية..فاتوقف..واتذكر مرة أخري سعيدة..ماذا افعل لو رأيتك قريبا؟..ربما في حفلة افرقة نحبها سويا أو في مكان غير متوقع..أعرف انك وسط أصدقائك تحتمي بهم..واعرف اني سأراك وحيدا..سأحتضنك واعتذر لك..لا..سأحتضنك بشوق وأقبل وجنتيك فقط..وانت ستفهم عندما تنظر في عيني النادمتين..سأ..سأفعل الكثير لو أني اراك فقط!
أضحك عندما اتخبل ر فعلك و(بنت المجنونة)تقبلك في الشارع..او تقول لك ببساطة"وانت مالك؟أنا اللي باحضنك يا سيدي مش انت!!"
البساطة معك فعل لحظي..اراك..فاحتضنك هكذا تلقائيا..بلا معوقات..أتحدث معك..فأعشقك أكثر..لاتوجد عندك مساحة بين التفكير والفعل..انت لحظيّ كضمة الشفة بعد شراب لذيذ..وكإنغلاقة الجفن في خدر ممتع تمهيدا لقبلة طويلة..ويجب استغلال تلك الحظات يا صديقي..
أفيق علي محطتي-التي ليست مشتركة مع أحد-أترجل وأدخل يومي الذي يسير بين محاضرات ثم سينما ثم صديقتي ثم أصدقاء المقهي..يوم ملئ كما تري ليس به مكان لك..ولكنك تنتهك الوقت وتنتهك صبري وتحايلي علي الواقع..أكان لابد ان يحدث هذا اليوم لأعرف لمن انتمي؟..اكان لابد ان انكسر علي عينيك ولمسة من يدك الباردة كشمس متجمدة؟؟
قد تبدو هذه لك قصة قصيرة..وقد تبدو لغيرك فضفضة فارغة او محض خيال واوهام..ولكنه "أنا"!
أنا بكل مااحمل من هزائم وشروخ وتصدعات وصراعات وقرارات صعبة ولحظات فراق..أنا التي بكلمة منك تحيا وبالاخري تموت..
أفيق علي مروري بمقهي كنا نرتاده..اليوم ايضا!..تتبادل الذكريات انتهاكي لكأنها أجمعت أن تفرغ من براءتي اليوم..هذا مكان كنا نأكل فيه وهذا طريق مشيناه..أنزل الي عرض الطريق..لاأريد أن امشي علي الرصيف فأصطدم بك..لا أريد أن أراك ثانية فأهوي قطعا صغيرة علي الاسفلت..
لاأشعر بنفسي الا والحرائق تاتي علي مابقي مني..كيف طاوعني النسيان والقلب واليدان والشفتان والعينان؟.
كيف أكتب ولاتكون انت أول من يقرا؟أشاهد فيلما ولاتكون بجانبي؟كيف لاأعرف شيئا عنك ولا أنت تعرف عني؟هناك ثياب لابد أن تري ألوانها ترتديني..وأخري تكرهها لابد أن تمزقها بيديك..
لم يكن للحوار العبثي الذي دار بيننا أي أهمية سوي تأكيد المأساة الاغريقية وطبع بطاقة الهوية..أبكي الان..وترتعش يداي وانا أكتب..وانا أبحث كالمجنونة عن اي اشارة الي انك ربما او يمكن ان تذكر اسم عطري الي الان..تغلبني الدموع وانا اتخيل مالم يحدث بيننا..وكل ماتركناه -او تركته انت-عن طيب خاطر للاخرين
قد تقول _وقل ماتشاء_ان الممنوع مرغوب..ولابد للمراهقة من تطرف في المشاعر..وان سمة العمر الصغير التضحية الاسطورية وتضخيم الاحداث..وانا اقول ان بيني وبينك مرأة صغيرة تراني اخفي السواد تحت عيني بتبرج مفضوح..وثياب تحاول ان تحيل الحريق الي رماد والرغبة الي طائرات ورقية..ودقات القلب الملتاعة الي ضغط منتظم..
كل مافي البيت والشارع والاصدقاءوالعمل والجامعة ضدي..رغم انك من علمتهم التأمر ضدي..الا أنك وحدك تقف هناك فاردا ذراعيك لزمن ليس ضدي ودنيا ليست تكرهني..
لماذا لاتسير خلفي في الشوارع تلمحني اعجب بفستان فتبتاعه لي؟..او تراني ادخل مقهي فتدفعني الي بابه كأبطال الروايات والافلام والاحلام؟لماذا لا أراك؟أشلت قدماي عن المجئ اليك؟لماذا لا يحدث اي شئ؟ماهذا الصمت المدوي؟ماهذا السكون الخائب؟ولمتي سأفشل في الحب بعدك؟والي متي ساشتهيك كلما اشرقت شمس او سطع قمر؟
لا..لا اريد لافكاري ان تنحي منحي الثورة والتمرد..فهي لاتصلح لهذا الزمن المتواطئ..ماتت قضايانا كلها لاننا يوما استمدينا شرعيتها من ثورة..وانا لاأريدك ان تموت بداخلي..انا أحيا بك ..وأنا احبك في زمن الكذب كي اهرب..قل لفيضك الكريم..هناك من ينتظر..قل لفيضك
الابدي..هناك من ينحدر..قل له-ذلك العزيز-هناك من يراهن علي جواد خاسر في زمن زنديق..فهل هناك من يبيع النصر مع العفة؟؟؟

العنوان رواية لبهاء طاهر

Comments

كتبت كلام والجهاز هنج
ومش بعرف اعيد تانى
بس ممكن اقولك
جميل
Chavazelle said…
ليس بالحياة موضع لثائر لا يؤمن بالثورة .. تماما كما لم أجد موضعا لعاشق من دون غربة و أنين يطول صارخا و ينكمش هامدا صامتا , و "رشفة نسكافيه" مرت بالأمس على شفتين و تجري الساعة على شفة واحدة .. قد أراكي للوهلة الأولى , كما تدعين , أحدى ضحايا الحب .. و الحب مما تدعين براء , و ما تخطين من لون الحب الأعمى هذا براء .. ما قرأت لهو سمو في الحب من جانب , و فرار من هذا السمو من جانب آخر .. معادلة صعبة أن تخبريني شيئا و تريني شيئا آخر في الآن ذاته .. و أنا - القارئ - أسير بين هذا و ذاك كيفما تشاء كلماتك , و أينما يلقي بي قلمك .. أحمل رأيا قبل قرار الخوض في كتاباتك , ثم أرحل برأي آخر مغاير تماما , و كأنني أعرف أن كل قرار يتخذه قراؤك ينحني بهم أو يرقى إلى واد لم يدخلوه إلا حين آذنتي لهم , و آذن قلمك .. في نظري , تدور عبقريتك حول محورين أساسيين : الأول , قدرتك (اللي تعقد المغرورين أمثالي) على الإتيان بالشئ و نقيضه في كلمة واحدة لا يشعر المرء حيالها بأي تناقض أو استنكار , تضعين له المايونيز في القهوة , ثم تأمرينه أن يشرب , و يشرب الغلبان و يأتيكي : الله يا وئام , عايز تاني .. ولا ألومه لأني أنا برضه عايز تاني .. قدرتك إنك تحطي أبيض و أسود من غير ميطلع رمادي بجد حاجة تبهر ..
الثاني أنك لم تفرضي أبدا - في أي مما قرأت لكي - رأيك على القارئ .. و إن دوما ينتهي من القراءة و ليس في رأسه سوي رأي , رأيِك ..
إنتـَري رائع يا بنت .. لو كنت في مرة حبيت واحدة زيك , كنت هوقف واحد جنب كل فستان أول متعجب بواحد أشتريه .. و واحد على باب كل قهوة .. و واحد في كل محطة .. و أقنع بنت الجيران تدخل هندسة ... إنتي *لازم* تبقي حاجة كبيرة
تحذير يجب تخطيه : ده مش كومنت .. دي مغازلة
Mony The Angel said…
:||||||||||||
ana msh ha3raf a2ool 7aga hena :||
bossy ana msh ha3alla2 now
may be a2dar ba3deen
لما قريت فى الآخر اشارتك لبهاء طاهر ضحكت لأنى كنت هاقولها و بس
لكن لسه
هى مجموعة قصصية و ليست رواية
ضحكت قوى من رد المهندسة اللى كانت بجوارك فى المواصلات
فعلا بلاش قرف أسألى مجرب
أعذرى لى بواختى
شكرا
Oma said…
صباح الفل
تعبانه وبقالي 3 ايام في السرير وزهقت قلت هغير جو عالجهاز
ايه ده بقى ؟؟
حرام عليكي اللي عملتيه ده على فكره
بهرتيني بجد
عايزه امسك البوست حته واعلقلك عليه
بس لسا انا تحت اثر الصدمه دلوقتي
عايزه اقولك بس حاجه
انتي جميله اووي اوووي اوووي
ايه كمان ايه كمان ؟
بصي انا ههيس دلوقتي
انا هجيلك بعدين لما افوق من اللي حصل ده..
بس بجد حرام كده
Anonymous said…
الله عليك يا وئه
حلو قوي بجد
موهوبة يا قمر
Anonymous said…
كالعادة .. معنديش تعليق إلا

لعن الله جنون كتابتك

و... بس
لا أريد أن أراك ثانية فأهوي قطعا صغيرة علي الاسفلت..
لماذا لا يحدث اي شئ؟ماهذا الصمت المدوي؟ماهذا السكون الخائب؟ولمتي سأفشل في الحب بعدك؟والي متي ساشتهيك كلما اشرقت شمس او سطع قمر؟
...................................

عرفتي منين كل ده؟؟

:((( أنا مقلتش لحد الكلام ده خالص
nour said…
يخرب بيت الابداع
فظييييييعه و حياة امى
يا بنتى انتى خسارة فى المجتمع
لازم لازم ينزلك كتاب طب اعمل ايه بس؟
افتحلك دار نشر؟؟
3lool said…
يجوز البوست طويل شويه ولكنه يستحق القراءه فعلا

جميل كتير
Amira Hassan said…
مش عارفة اقولك ايه

المعاناة واضحة اوي في البوست

كتابتك بقت عبقرية يا وئام

او هي كده اساسا

رائع و الله يا بنتي

كنت هجيب حته من البوست و اقول انها عجبتني

بس اكتشفت ان يهاخد البوست كله
shimaa said…
لماذا لا أراك؟أشلت قدماي عن المجئ اليك؟لماذا لا يحدث اي شئ؟ماهذا الصمت المدوي؟ماهذا السكون الخائب؟

we2am ...we2am b2olk....ummmm

we2am bgd el post da .....

mesh 3rf..

bs hoa 7aga kwysa 2wiiiiiiiii mesh 3rfa a3br 3nha f3lan ..u r so talented
LAMIA MAHMOUD said…
وفينك ده انا من غيرك انا مش عاقل ولا مجنون
ده انا مطحون والدنيا دي رحاية وقلب حب الحب وحباه بعيونه

شجر اللمون دبلان على ارضه يا وئام;)


فاهماكي:(
Anonymous said…
لسه كويسة ودماغك نضيفة ..بس للأسف الحلو ميكملش
Anonymous said…
الصدفة ستتآمر ضدك كي تلتقيه..صدقيني
لكن لا تتآمر ضد نفسك أنت الأخري
وقولي شكرا لمن تركك في المقهي وحيدة
فأحيانا الرحيل يكون رحيلا اجباريا
واحيانا يكون حصادا مرا لكل سوءات الحياة
أنا شخصيا مستفيد من هذه المصيبة،ليس فحسب لأنك كتبت جراءها،فصفعت ما تبقي مني،ولكن لأن الكتابة مداواة..
"بنت المجنونة"...كانت طموح الي وقت قريب..أما الآن..فليصمت الجميع..فليصمتوا الي الابد..
فقط اسمح لك وحدك بالثرثرة عما مضي..لأنك تجيدين الثرثرة...
استمتع بثرثرتك...
دمت ثرثارة...
ودواي الله ما تبقي منا..فيمن بقي
Anonymous said…
بقولك انك ليكى مستقبل كبير وبكرة تقولى باهر قال بجد رائعة
العبارات موفقة الى اكبر الحدود خصوصاو بنت المجنونة)تقبلك في الشارع)
اية الجمال دة
بجد مش قادر اعبر
^ H@fSS@^ said…
i stood in front of my keyboard for at least 5 mintues trying to find proper words, trying to even decide wehther i will comment on the language or the style or what, after some time, i woke up, i found that am speechless, thank u, or better say, allah yl3an shetanik , thats if u still like it. :)
salam ya magnoonah
ba7ibik
FrEe.PhArAoH said…
تباً لحياة ليس بها ذوبان كهذا

لتقولى بعد ذلك نحن فى اشارة لكما وتمحى من ذاكرتك كلمة انا

مودتى

اه على فكرة
ماتت قضايانا كلها لاننا يوما استمدينا شرعيتها من ثورة
ماتت لما قلنا يا شرق ومات الشرق وقلنا يا غرب .. بتمنى نقول يا رب

مودتى تانى
Amira Hassan said…
مش عارفة انا من حقى اعمل كده و لا لا

بس بجد هموت و ارد على الAnonymous

بصراحة اه وئام دماغها نضيفة بس اللي مش عارفة-او مش عارفاه- ان الحلو كامل و مكفي كمان

سوري يا وئام اني رديت..ده بعد اذنك طبعاً
elkamhawi said…
حلو قوى بجد
رائع


مين الحيوان اللى فوق ده يا امبرة

اسمحولى انا ارد عليه

Anonymous:

دين اهلك
عين ضيقة said…
قل لسيلك أنى أنتظر





بجد؟؟؟؟؟؟؟؟؟؟؟؟؟؟





طيب



سلام
LAMIA MAHMOUD said…
بعد اذنك يا وئام

انونيموس

مالك يا بابا .. ده الحلو كامل وزايد كمان .. ده لو حنرد بنفس الاداء البلدي اللي بتتكلم او بتتكلمي بيه
shimaa said…
سوري يا وئام اني ها اعلق مرة تانية ..بس ردا على تعليق الأخ"اللي ميتسماش" مش شتيمة دة واقع
anonymous
حلو ايه ياسيادتك اللي ميكملش..

طبعا عبقريتك يا وئام يا حبيبتي لا خلاف عليها ..إنما مش فاهمه سيادتة حلو ايه اللي ميكملش وده مش عشان انا غبية ..قولي ليه لأم غيري كتير برضة مش فاهمين قصدة ايه


المهم يا جميلة ..خليكي كده دايما جميلة في كتاباتك و جميلة كأنسانة و بنوتة عسولة

اوك سمعاني..جميييلة مش حلوة;)
el2ahwagi said…
تنتقلى ببراعة بين حرفية دقيقة فى وصف المشاعر المتشابكة إلى سلاسة سرد الأحداث البسيطة التى تصنعنا, نشعر كأننا نكاد نكون عشناها او على الأقل بألفة شديدة معها ... فقط استطعت انت ان تقذفيها خارج طية الذوبان فى الإعتياد و النسيان على ورق يشهد على بواسط و كبار امورنا

مرأة صغيرة هى إذن ليست طفلة أو مراهقة أو صماء أو جرداء بل إمراة صغيرة
فليفهم من له قلب و عقل



شدنى البوست عشان طويل قلت أشوف ايه الموضوع ملل ولا هنكمل

ف ......... كملت
و كتبت

و بس
We2am said…
مساء شريف يا جماعة..طبعا انا بحاول بقدر الامكان اقنع نفسي اني مبدعة لدرجة اني
اتخيل البوست ده..اشططططططططة :)

مصطفيتش
انا اللي الجهاز عندي مهنج والله..ربنا يجبر بخاطرك :)

cavazelle
والله يابني شكلي هاتجوزك انت او الدريني..مش ممكن..ايه التعليقات دي يا بشر؟؟؟!!
مبدئيا..هو فعلا فرار من الحب..ومعادلة صعبة لان البنت لسه بتحب..والولد مش بيحب اصلا..عموما..لاتحاول ان تحمل اي رأي قبل أنت تقرأ..حتي تستطيع الخروج بعدة اراء..قد تكون كلها صحيحة :)
انا لا اتي بالنقائض..ولا أفرض رأيي علي أحد..لو كنت بافرض رأيي كان زمان حالي بقي غير دلوقتي خالص..
ياريت عندي واحد زيك..يارييييييت :))))))


mony the angle
wla ana 3arfa 22ol eh ya bnty..ana msh 3arfa aslan ana katbt elkalam dah ezay..brdk :))

كائن العزلة
مشكور علي التصحيح..لو كانت مصر كلها زيك..كانت ثورة التصحيح قامت من زمان :))))


oam
والله يابنتي كل اللي بيقرا بيقولي حرام حرام..انا قلت مادام كده كده داخلين النار..يبقي ندخلها علي حق بقي :)))
باهزر..انا مش عارفه ايه ده؟ ولا عارفه أرد..متشكره علي كلامك ودماغك العالية..دمتي لي :))


مني
متشكرة ياستي


عبدالرحمن
ربنا يجبر بخاطرك يا شيخ..والله تعليقك عندي بيفرق جدا..من الناس اللي بيفهموا :)
We2am said…
تسنيم
ياصديقتي العزيزة..قوليه لأي حد..لحسن تجنني زي صاحبتك كده :)
والله يابنتي..شكرا..اني لمست اي حلجة عندك :)

نوووررا
يابنتي ومحمد هاشم راح فين؟ :D
اشطة والله..واحشاني وعايزة اشوفك..وعلي طول مشجعاني وف ضهري كده :)


3lool
شكرا انك استحملت وقريت للاخر :)


اميييرة
يابنتي كويس والله ان في حد بيفهم المعاناة..مال الناس بقت باردة كده ومافيهاش روح؟؟
ربنا يجبر بخاطرك..انتي حد موجود في الوقت الصح..انتوا كلكوا موجودين في الوقت الصح..شكرا :)


ahosho
yaah ya bnty..enty shoftny ana wma3rftesh t3bry..heyya ma2sah e3'reqyya rbna yngena b2a :)
esh6a wlhy ene 3rft a5leke speechless :P

لميي
يابنتي الاغنية دي عبقرية وموجعة..وكان المفروض احطها علي البوست..انما طلعي حد من الكومبيوتر بيقولي انتي بتستعبطي؟انتي عارفه مين فين وبعمل ايه والبداية والنهاية..بطلي تخريف!
انتي دايما فاهماني زيادة عن اللزوم الصراحة ;))


عم الانونيموس
يا سيدي يا سيدي علي تصرفات العيال والتعليق المجهول ونظام اضرب واجري..الناس ردوا عليك كويس..مافيش حاجة تستاهل تتقال
We2am said…
احمد بيه الدريني
يا نهار أسود علي ده كومنت!
ايه يا عم براحة لحسن انا عندي فراغ عاطشفي! :D
اشكرك مبدئيا لحسن الاستماع للثرثرة..ودمت سببا لي-سببا لاستمرار الكتابة طبعا- :))
ولكني أعتقد ان حصادي لسوءات الحياة..لايجب ان يأتي مع سوءات الحياة في نفس الوقت..كيف أعيش فيها..وأجني حصادها..ذنبي فقط اني تمنيت ان يتأخر موعد الحصاد قليلا..ولكن ذلك الهراء الفلكي أفحمني بالرفض!


باهر
ياسيدي ياسيدي علي قفش الجمل الجامدة ;))
ربنا يكرمك يارب..عايزة اشوفك بقي..مش هاينفع كده :(


hafstocha
offcourse am still like it :)
thanks for such feeling..sorry fot not seeing u..but really i had terrible life there..thanks for biieng my friend aslan :)


free pharoe
يااه..ياسيدي انا كمان باتمني :)
ربنا يسهلها..أشكرك علي رأيك
انا باتمني نعمل اي حاجة بدل مانقعد نقول :)


اميرة
انتي هبلة يابت انتي؟!..ده بلوجك طبعا..اللي انتي عايزاه اعمليه..مشكرة عالاهتمام بالرد اصلا :)

elkamhawi
ربنا يخليك يا دود..وانت حد جامد كمان :)
ومشكرين علي سب الدين للانونموس :D


عين ضيقة
أفندم حضرتك؟


لميا
يابنتي ده واحد عيل ومجنون..نفضولوه يمكن يعتبر :)

shosho
والله انا متشكرة انك كتبتي لامه بالعربي اصلا :D
اصله حمار انجليزي فعلا :))
ماعلينا..ياجماعة دمتم اصدقائي :)
واشطة علي جميلة مش حلوة ماشي..هاعديعها ;))


el2hwagi
ده كلام كبير عليا جدا..{بنا يخليك ويجبر بخاطرك والله..انا مش عايزة اي حد يفهم..انا عايزة كام واحد بس يفهموا :)
شكرا للتحليل الدقيق والقراءة الواعية :)

Popular Posts