RSS Feed
و أنا..أنا..لا شيء آخر

Sunday, May 13, 2007

لم يأت..ولن..

هذا الولد الذي أثارني بحاجبيه المُتصلين المعقودين..وجبينه الُّلجين-تشبيهٌ فيروزيّ-..هذا الولد الذي أشعلني بقسماتِ ظهرِهِ البارزةِ من تحت القميص..والذي جلستُ بجانبه عدةَ مرات أشتهي لَمسَ ظهره فقط..ثم أموت بعدها..ولم أفعل.
الولد الذي يبتسم بزاوية فمه-ذي الشفة المرسومة-فيضحك العالم،وتُدرك الدنيا أنها مجرد أنثي أخري أمام ذكرٍ أسطوريّ!
تعنيني تفاصيله كلها..ولكن يعنيني بالأخص بروزُ في جانب شفته العليا،تودُّ لو تطحنه بأسنانك..ومع ذلك..لازلت أفكرُ في كم الطاقة الايجابية الذي سنمنحه للهالات التي تحيط بكل منا فتميزه عن الأخرين..لو فقط تماسْ جسدانا..ربما أقبله فقط..فأنير شارعنا لمدة يوم كامل,,وأمنح الاقمار الصناعية اتصالا مجانيا!
هذا الولد الذي ما إن رأيت جرح يده الجميلة حتي جُننت..وتخيلت نفسي أقبله بدءاَ من أصابع يده مروراً بذراعه وكتفه ورقبته وحتي أصل الي شفتيه..
انتظرته اليوم..فقضيت ساعة من النهار في حمام ساخن..أعتني بنظافة جسدي ومابين أظافري..أغسل شعري مرتين وثلاثة..ثم نصف ساعة في حمام فاتر(عملية البسترة..نسبََة الي لويس باستير كما تتندر عليا إحدي صديقاتي)..أفعلها كي تصفو أعصابي وترتاح المفردات علي لساني..ثم أرتديت فستاني..أخرجت الصندل الابيض الجديد..ووضعت طلاء الاظافر الغامق اللون الجديد أيضاً-لم أكن مقتنعة بالاثنين..ولكن الزمن يغير العادات..إذ يرتاح رب الحرب في يوم الاحد-..
وضعت أشياءنا علي الطاولة بحرص..هذه علامة الكتب خاصته في ديوان عنترة العبسي..وهذا العصير الذي نفضله في دورقه..وهكذا..جلست علس الأريكة لا يفصلني عن الموعد سوى ساعتين..خففت من حدة الاضاءة..اعددت عدّة القهوة..وتأكدت من البن "سيريد قهوتي اليوم"هكذا تمتمت لنفسي وأنا أبتسم..لا يأتي..ويأتي مايؤكد انه لن يأتي..بطريقة رقيقة..أُذهل عن العالم لنصف دقيقة..ثم أضحك للحقيقة..لايعلو وجهي سوي نصف ابتسامة..استعملها مع مزيل الطلاء علي قطنة بيضاء..واستعملها لتضع الصندل في علبته في الخزانة..ثم تساعدني علي ترتيب الطاولة واعادة الفستان الي مكانه..وتخرج لي قميصاَ قطنيَاً مريحاً..انسي أن ألملمْ شعري المنسدل علي خيبتي..فترفعه لي نصف الابتسامة..آخذ حماما سريعا لأتخلص من ثِقَل العطر الجاثم علي عنقي وبين النهدين،وأٌنهي مابقي من زينتي..تٌربت ْ-نصف الابتسامة -علي كتفي وانا أطفئ شرقيات فتحي سلامة وأدير بدلاً منها فيروز..
تذكرني نصف الابتسامة بخيبة درويش متحاشيةً النظر الي عيني..فأكتب قصيدته..واكتب شيئا لأنسى انه لم يأت ولنْ..
هذا الولد الذي خِلْتُُه سيترك جرحاً في الشفة في الذهاب..تركَ جرحاً في القلب في الغياب!
هذا الولدُ..لاشئ..لاشئ..فقط......لم يأت!0

البيت لمحمود درويش..ولمزيد من المعلومات يمكنك قراءة قصيدته لم تأتِ هنا
الصورة من عند البت أميرة صاحبتي

26 comments:

dead man said...

يخرب بيتك.. بس كده

Chavazelle said...

أول مرة تكتبي حاجة متعجبنيش .. و إن كانت فنيا لم تهبط قدر أنملة عن مستواكي المعهود .. و لا يزال قلمك يعبث بي كما دوما يفعل , و أدعه يفعل .. لو كنت في نص موهبتك يا بنت , كان زماني بتنطط على خلق الله كلهم ..

تسـنيم said...

انتي ولا هتشوفي خير أبدا بسبب اللي عملتيه فيا.. لزمته اييه العكننة على خلق الله وتقليب المواجع..

اخرجت معكي فستاني من دولابه وصندلي الذي لم ألبسه قط ووضعت عطره المفضل وأنارت الشموع وانتظرته ما بين اليقظة والنوم وكم حلمت بتفاصيل أريدها لعلي أستدعيها فتملأ جو الغرفة فتتحق بحذافيرها حين يجئ.. ومر الوقت وانطفأت الشموع ولم يأت واكتشفت أنه لن يأت أبدا.. فأخذتني خيبتي لتربت على كتفي وتساعدني في جمع هذه الفوضى.. الفوضى التي تركها عدم مجيئه في القلب.. فوضى تركت جرحا غائر :(((


روحي منك لله وكمان في الخلفية شايلاك في نن عيني :"((

LAMIA MAHMOUD said...

هذا الولد بشبابه القلق العاقل العابث اللاهي الذي يقوم بجرك من مكانك بنظرة ليغير من عاداتك و.. و.. و..


1- يخرب بيتك تضامنا مع احمد
2-لية يا بت الدماغ دي
3- وتضامنا مع تسنيم انتي ولا حتشوفي خير
مشاعر الناس يا بنتي مش للبهدلة والتقطيع في بوست زي ده


انتي جااااااااااااااامدة

محمد صلاح العزب said...

حلو يا وئام

Sokomonoce said...

على ما اعتقد ان الولد مش متعود يوفى بوعوده

كان الله فى عون العاشقين

Amira Hassan said...

امممممم..مهو مش هقول زي كل مرة الصراحة..بس بجد يا بنتي انا مش عارفه لما تنضجي ادبيا المفروض هتعملي فينا ايه..هتشلينا و احنا بتقرا.....جو اون ارجوكي اوعى تبطلي تكتبي

تحياتي لمحمود دروييش ..و خلافه:)

makhlouf said...

أكيد عنده سبب انه مجاش
افهموا بقى.. هايجى لوحده

REEMOO said...

لكنى أشعر بأنه سيأتى
مهما طال الانتظار سيأتى
احساسى قوى بداخلى أنه سيأتى
لن يغيب حتى يأتى
فهو يعلم ان هناك من ينتظره
تدوينه رائعه
لمستنى جدا فى التوقيت ده بالذات
لكنى متفائله
واثقه بقدومه
تحياتى

3rby said...

انا اول مره اجي ومافهمتش ده حقيقي ولا خيال
لو حقيقة قوليلي اسمك ايه
بجد مش باهزر بس بيتهايئلي انك بتتكلمي عني
كلامك شبه كلام بنت ليا
:)
وبعدين اتقلي شوية بدل ما يتقل هو

vetrinary said...

مش عارف ازاى انا مدخلتش هنا قبل كده
اكيد مكنتش فاضى
بس عامه
انا بشكر الفراغ
والصديقه الجميله نور
اللى خلونى ااجى عندك واقرالك
التحفه اللى انتى كاتباها
فانا عايز انصحك
السكه دى مش وقتها خالص
لسا لما تنضجى ادبيا الاول
وتاخدى خبرة
وتعدى المرحله دى بين قوسين المراهقه
ده باعتبار انى بتكلم مع كاتبه بتحاول انها يتنشر لها شغل
وتبقى اكثر احترافيه

Baher said...

هو صحيح ماجاش
طظ فية ... هو اللى خسران

واحد من الناس said...

كثيرا ما ننتظر ولا يأتي من ننتظر
هذه هي الحياه
لقاء
فراق
انتظار لمن لا يأتي

كلمه said...

ye5reb beeket bgd :D
ana ba2aly keteer m2retsh leky 7aga esra7a .. w 2a5adt baly mel tataworat el3zeema 3andek :D
w tadamonan m3 DEAD MAN & LAMIA ye5rebetek ..tany ;)

باسم شرف said...

حلو الكتابة هنا يا وئام
ومدونتك بتزداد نضجا
الي الامام يا جميل

سهــى زكــى said...

انا اول مرة ازورك انت ونور ... شغلكم حلو اوى ، على فكرة لوقلت لك ان سيناريو الانتظار دا تم بالفعل معايا مش هاتصدقى صح .... كل دا حصل بالتفصيل حتى فتحى وفيروز وكان لحبيبى نفس مواصفات الولد بتاع القصة ..لكن الفرق ان بعد ما دا حصل وحصل كمان اللى اكتر منه ... مشى بعيد طلع فى السما وترك ليا بنت جميلة وذكرى جرح جميل فى مكان مستخبى ... برافو عليكى مشروع جامد جدا

3asef said...

كتابة مميزة وئام!! ووصف مذهل

we2am said...

يا صباح الاشطة يا جدعان..عندي امتحانات بقي وحوارات فطبيعي اني اتأخر..ده غير انه ماجاش بقي..اشمعني انا اللي هاجي؟؟ :))

عمنا..dead man
ربنا يجبر بخاطرك :)


chavazelle
ماعجبتكش ليه يا ولد؟؟..وازاي ماهبطتش فنيا والقلم بيعبث في سيادتك لامؤاخذة ومع ذلك ماعجبتكش؟؟..لأ فهمني دي عشان صعبة حبة.. :)))


تسنيييييييم
يابت يا توتة..ده حبة خيال مراهقين كده..ولا وجع ولا حاجة :)
مبدئيا اهو اللي انت بتكتبيه ده هو الوجع حضرتك..حرام عليكي كده ده الواد ماجاش وانتي كمان شكلك مش جاية السنة دي :))
فعلا يا توتو انا شايلاه في نن عيني..وأعنية وردة دي ليها تاريخ حافل معايا..باعشقها جدا ومش هاين عليا اغيرها..وبعدين انا فعلا دايبة فيه حنين :)))


البت لميااااا
وحشاني اوي جدا خالص مالص..وهاموت اشوفك كالعادة..وعاملة ايه في كل حاجة ومنها الامتحانات؟؟ :(
مبدئيا الولد شكله راسي راسي وهادي علي رأي سعاد حسني..جبتي منين يا بت اللهو والعبث الله يحرقك؟؟ :D
ربنا يجبر بخاطركم والله انتوا التلاتة و.."ياجماعة دع بس من تشجيعكم ليا" مع الاعتذار لكبار الكتاب :))


محمد صلاح العزب
با نهار ابيييض..منور يا زعيم! :)
ربنا ينورلك طريقك يا شيخ :)


سكومنص
والله ماتعمقتش في تفاصيل الولد الي الدرجة دي بس ده شئ وارد طبعا..حاجة سخيفة انه يسيب الاحتفال ده كله ومايجيش :)


اميرة هانم حسنننن
يخربيت عقلك واحشاني جدا..انا عايزة اشوفكوا يا جدعان وارغي معاكوا مش كده ;)
عاجبني جدا انه عجبك وده نوع من انواع التقدم طيعا انك غيرتي صياغة الكومنت :)
ادعيلي اني اكمل..انا ومحمود درويش ;)

we2am said...

makhlouf
منورنا يا عم فينك..حمدالله عالسلامة..والله يا مخلوف احنا قاعدين..طلع بالشفروليه واحنا قاعدين :)))


ريمموو
والله يا بنتي ربنا يسهل..انما انت عجبك البوست لدرجة الواقعيه دي..فدي حاجة تبسطني دايما التفاعل ده بيبسطني..دمتي واثقة منه ومن نفسك :))


3rby
يا سيدي مالدنيا الا اضطراب بين الواقع والخيال..ده من كلام وئام مختار طيعا الاديبة المشهورة :))))



فيترينتي
يا سلام..والله حنا كمان ياخويا بنشكر الفراغ اللي عرفنا علي سيادتك..ياتري انت بينزلك شغل فين؟؟ او روايتك الاخيرة اسمها ايه؟؟رسيني والنبي :)
وانا هاشكر نورا علي جنب..


باهر
يا سيدي طظ في امه..ولا تزعل نفسك :)


واحد من الناس
ايه يا عم الكابة دي؟؟واحد ماجاش فيه غيره كتيير..روق انت بس واستني حبة كمان :)


kelma
wa7shna ya 3am..fenak enta w tagmo3 elmohndsen elle m3ak dola?? :)
rbna yogbor b5atrak 3la elkalam elgamel dah..wlhy elshtema mnk btdy 2ema lelktaba :))


باسم بيه شرف
:)))))))))
انا مجنونة بكلامك يا باسم..ربنا يستر عليا..ربنا ينورلك طريقك يا شيخ :)))


سهي زكي
منورة عندي اول مرة..يارب دايما..اشكرك علي التفاعل مع النص..واشكرك اكتر لانه طلع بيحصل بجد في الواقع..اللي بيحبوا فتحي سلامة ناس محترمين يا بنتي..دي حااجة اكيدة :)


عاصف
منووووووووور...فينك يا عم؟؟يارب تكون بخير وبصحة تمام :)
ربنا يجبر بخاطرك والله واتمني اشوفك عن قريب :))

Anonymous said...

لا تنتظر أحداً فلن يأتي أحد(من كلام محمود درويش برضو)...
مش كل اللي بنستناهم بييجو ولا كل اللي بينتظرونا بنروحلهم..الشئ الأكيد هو أننا دائماً نحترق

LAMIA MAHMOUD said...

اية ده يا وئام مين اللي واخد اسم البلوج بتاعي وحاطه عندك ؟؟

وده اقتباس؟

وبعدين انا معرفش حوار درويش ده انا فاكرة ان الجملة انا جبتها من شاعر تاني خالص حقولك عليه على جنب
يا انونوميساتك يا ستي

Anonymous said...

سوري..
تشابه شعرا بس
الكلام لفاروق جويدة وكان بيقولو لياسر عرفات..لا تنتظر أحداً فلن يأتي احد..اعتقد كمان انها كانت في ديوان لو أننا لم نفترق

Anonymous said...

kont 3aref eno mesh hayege we mesh hy3abarek mesh 3ashan ente mesh kewayesa walaken 3ashan hwa da tab3o

yasmina said...

shofty wslt lk ezai.... ana waraki w el-zaman 6aweel 3al 3omom el-kalam da 7lw awi ya 7d demagh

we2am said...

المجهول الاول
فعلا اعتذارك في محله..حصل خير :)
عموما..انا دايما باعتقد ان الانتظار في محله بيجي بفايدة في الاخر :)


لميااا
والله يابني منا شاايف :)))
والله معرف..لو تاخدي بالك الانونيمسات كتروا اوي الايام دي ولازم نعمل حملة تطهير..الخوف جزء لا يتجزأ من المجتمع دلوقتي يا لميا..يا حسرة علي الرجال..


الانونيموس التاني
mm..a3tqd en dah "tat6bo3"..dah 3'er enk katb franco arab..3'er m7awlat eltzaky"enta 3rft mnen 6ab3o??w ene 7ad "mesh mesh kowes??" :))))

yasmenaaaaaaa
ya 2hln 2hln ya bnty 7amdella 3al slama..mnwra wlhy..ana 2olt el2erda deh msh hatsbor w hat3ml search 3la google..bs esha wlhy eno 3gbk..3shan t3rfy ene b3rf aktb bgd..wla eh?? :))))

M!DO said...

هوة جامد أوي كدة ؟؟ :D
لأ بس كناحية أدبية ... فهية آخر صياعة :)