RSS Feed
و أنا..أنا..لا شيء آخر

Tuesday, June 05, 2007

أنا..آخر حد..بيحبِك..

انا..آخر حد بيحبك
واكتر حد تسيبيه يبكي
بس عمري
ما سبت انطباع
ازور الاماكن
في لحظة رحيلك
واجس الكراسي
بطرف الصوابع
فلو لسه دافية
هاغمض فاشوف
لانك نسيتي
اني لحظة ما سبتك
ماكنتش باسيب
انا عكس ادم
كسرتك في صدري
لا مني اتخلقتي
و لا مني سبتك
وكل اما حد يلاحظ شرودي
ف طفي السجاير
بطول السيجارة
يعد الخساير
في خرم السجاير
لجيب القميص
أنا.. آخر حد.. بيحبك
و اكتر حد تسيبيه يبكي
بس عمري ..ما سبت انطباع
احمد العايدي

17 comments:

ody911 said...

جميلة جدا

بجد اختيار موفق يا وئام


وآسف على الغيبة الطويلة

بس صدقينى غصب عنى


يمكن أكون متغير شوية اليومين دوول


سمحينى


وعادى بقة
اودى

Amira Hassan said...

عبقري

دون اي تعليق اخر

سمسم said...

أنا مش عارف مين أحمد العايدي ده بالظبط
لكن أنا فريت روايته ولقيتها مسروقة من فايت كلاب
والفيلم اللي كان مشترك في كتابته وكان مسروق من ريان مان
ومن غير ما اعرف أكيد القصيدة دي مسروقة من حته
ما هو مش معقول يبقى سارق حاجتين والتالته بتاعته
خصوصا انهم في مجالات مختلفة
عموما عيب

Baher said...

اكتر الكتابات عبقرية قرأتها فى حياتى
واكتر الإختيارات جمالا اراها فى حياتى

تحياتى لأحمد العايدى لأنة بجد بنى آدم مختلف
وحمد اللة ع السلامة يا وئام
نورتى

تسـنيم said...

هو جننك من شوية


:) محبتي

يوسف said...

تاااااااااااااانييييي العايدي
:)
أخباره أيه صحيح
:)
اختياراتك جميلة زيك يا وئام
حبي
يوسف

shaimaa said...

عبقري قوي ..
اتوجعت و انا بقراها

وحشاني يا بت

nour said...

انا مش هكرر التعليق الىى كتبته تحت فى البوست اللى فات
بس تانى هقولها مش قادرة امنع نفسى
انت مجنوووووووووووونه؟؟؟
و نبى يا جماعه شوفوا البوست اللى تحت احلى
ز بالنسبه لقصيدة العايدى
ممكن تدوروا على عدد الدستور اللى كانت منشورة فيه و تقروه
انما هنا على البلوج ده
اقروا بوست وئام احسن

REEMOO said...

سمعت عنه بس مقرتلوش قبل كده
عجبنى اختيارك
فيها بعض المعانى الحلوه بجد
تحياتى

we2am said...

اودي
ولا يهمك..مهما غبت نحن في انتظارك..
المهم انك تكون كويس
وتحاول تتغير للاحسن :)

أمورة
طبعا يا بنتي.لايوجد ضوء اخر تري عليه الاشياء اصلا :)

سمسم
ونا كمان ماعرفش انت مين ولا انتي مين..ومع ذلك قريت الكومنت بتاعك واهتميت اني ارد عليه واحلله و امنطقه رغم انه بلا منطق..
العايدي قال الكلام ده قبل كده و في مقدمة الكتاب وانه فايت كلاب كان مصدر الهام بالنسبة له..وبالنسبة للتوربيني ده مجرد اشتراك ضئيل في السيناريو..
عموما اقري كتاب العايدي او اي حد عموما..لكي تصل للعمق..مش عشان توصل السطوح
وشكرا للزيارة :)


باهر
طبعا..ربنا يجبر بخاطرك يابني..كنتوا مضلمين من غيري :)


تووووتة
اه يابنتي اسكتي..دي حاجة وسخة :)))


شيموووو
وصورة وبتاع وحركاات..وانتي كمان والله جدا جدا..وفيه زوربيح حاجات وافشخنات مستنياكي..وانا كمان في احداث فاتتني :)


يوسف
العايدي ده طول عمري طبعا :)
ولا اعرف يابني عنه حاجة..
ربنا ينورلك طريقك :)


نووو
يابت ده انتي قططعني الندهه اللي فوق حتي :)
عشان خاطرك بس والله هازبط البوست..وبعدين هنا منبر من لا منبر له..والعايدي رمي البلوج بتاعه في الباسكيت :)


ريمو
ميرسي جدا..اعتقد انك كمان ذوقك عالي لان المعاني اللي فيها صعبة اوي :)
هتلاقي روايته في ميريت..وبيكتب متقطع في الدستور..وربنا يهديه وينزل حاجة تاني لان كده كتير اوي :)

Anonymous said...

الكلام جامد أوي وتحححححففففففففة..المستفز البتاع اللي اسمه سمسم..ناس كده خنيقة شغلتها تبيض على الناس اللي بيعملو حاجات لأن هما ما بيعرفوش يعملوا حاجة غير إنهم يبيضوا عليهم ويقعدوا بعد كده يوحوحو
رين مان يا اهبل فعلاً متاخد عنه التوربيني وده متقال في التترات ..لو سارقه ما كانش كتبه ده غير ان السيناريو لمحمد حفظي و العايدي واحد كتب معاه الحوار زي ما سمعت من ناس قريبة للعايدي
فيه تلميحات غريبة قريتها ف بقيت الكومنمتات فضلت اقول وانا مال الي جيبني واستكنيصي بعيد عنهم على أساس ان لتعليقات من عيال فاضية كحت ومستنيين أي كحك يقرصوا فيه ويبططوه أو ملوخية يشهقوا عليها انما بوصفي واحدة كبيرة حبة عن سنكم حابة اسأل لو كانت التلميحات دي بجد والا تخاطيفي تخاطيفي لان مش ده اللي ييجي كده والحركات دي حركات عيال مراهقين فكبروا حبة عشان الدلقة وحشة جدن ومش هتجيب حاجة غير انها تجيبكم على بوزكم وانتو لسة عيال هيكي ميكي ماوس وبطوطةزوحركات العيال الي لسة متخرجة من ععلام وعاملين فيها بنات دي رخمة اوي وان كان لكم اسرار خلوها ف حتة تانية

نهى جمـال said...

أنا.. آخر حد.. بيحبك
و اكتر حد تسيبيه يبكي
بس عمري ..ما سبت انطباع

------

اختيار رائع

وئام مدونة تستحق المرور

اقتباساتك رائعة بصدق

تحياتي

LAMIA MAHMOUD said...

نزلتيها قبل كده يا قمر

dead man said...

هاغمض فاشوف
لانك نسيتي
اني لحظة ما سبتك
ماكنتش باسيب

elkamhawi said...

حلوة قوى
احمد العايدى جامد

Mony The Angel said...

3abqareya tab3an, bas i think enty 7ateteeha abl kda ???

we2am said...

الانونیموس
الاخت المتحمسه او الاخ المتحمس...فیه اخلاقیات للحوار..ایا کان رایک ممکن تقوله عندی براحتک بس فیه اسلوب محترم نتکلم بیه..انا مع العایدی تماما واعتقد ان الناس لیها حق انها تقتنع باختیاراته او ماتقتنعش..انما نهزآ فی الخلق لانهم بیقولوا رایهم ف ده عیب جداا جداا...وایا کان انت متحمل مسئولیه اللی انت کتبته ده..مه کامل الاحترام للعایدی وکارهیه قبل محبیه..


نهی جمال
اشکرک علی احساسک الراقی..واسفئ انک جیتی بعچ التعلیق اللی سد نفسی ده :)


لمیا
لیها اصل


هواری
طبعا :(


القمحاوی
طول عمره :)


مونی
yea h i did...but it deserves :)