RSS Feed
و أنا..أنا..لا شيء آخر

Sunday, February 25, 2007

انا لا أحب أحداً..

كانت البداية/النهاية..الكبريت..
ولمن لا يعلم..الكبريت هو عدو النار.
لماذا؟..سبب طبيعي و منطقي..
يقول السلف-ليس صالحا بالضرورة- أن النار كانت شيئا صعب المنال..تفخر بأنها تأتي بعد بحث..واحتكاك..وشقاء في الاحتكاك..ثم تبدأ جذوة صغيرة..يزيدها المزيد و المزيد من الاحتكاك..بقدر حاجتك الي الدفء..
ثم جاء الكبريت(اختراعٌ عاهر)..فجعل النار كفتاة الليل..مملوكة لمن يدفع أكثر..بعد التقديس الذي وصل الي درجة العبادة..وسُكني القصور والمعابد(واخص بالذكر جبل الأوليمب)..أضحت النار مركز دائرة من المتشردين و الشحاذين..أو في سيجارة مُغيَّب..أوتحت صينية من البطاطس بالصلصة..أو نهايةَ لخطابٍ رومانسيٍ قديم وقع في يد زوجتك..والأسوأ علي الإطلاق..في علبة كبريت تساوي خمسة وعشرون قرشاَ....
**مش عارف ايه علاقة الهسس اللي فوق ده بعيد ميلاد نورا صاحبتي..بس انا كنت كاتبالها قصيدة..وبعدين بصيت لقيتها مصطنعة و ساذجة و متشنجة وبلا معني تقريبا..حاجة***من الاخر..فنزلت البوست ده بقي..كل سنة وانت طيبة يا نورا..عارف ليه انا مادتكيش الهدية يوم ماشوفتك؟؟..لأنها كانت رواية اللجنة..لصنع الله ابراهيم :)

Friday, February 23, 2007

somthin i had to say(Amgad)..


mm..first..i wanna apologize for any spelling mistakes..as Amgad never forgiveS them..

Dude..
i have already dozens of reasons to hate u well..there's a lot of situations...opinoions..even words..that make me judge..yes..i don't like this guy!
but..in the last few months..we started to get closer..we had things common..yeah..
i like the way u thinking a lot..i like Ur way dressing when u r going to work..'cos when it's casual..U SUCK!
mm..like more than a thing about u honestly..reading alot is one of them..hard worker too.."mogtahed enta" :)
also i like when u say something..and all the family is against u...finally they believe in you..after our usual problems and fighting..in loud voice of course(AL 3abdel7fez tab3an :) )
straggling..to reach ur aim..be a professional in ur career..mm..maybe ur opinion about the couple thingy is the worst about ur damn mind! :S
in fact..there's other one..that i can't tell u-and blog viewers indeed-but it's just something old..too old..i forge it..and the most important.. forgive it..
i know u will be astonished from this post-exactly as i am-but i used to be honest,pragmatic and flexible to change my mind if it worth..and a person like u worth to think twice..
hope u enjoy Ur travel to Qatar..go get them..kick their asses! :D
mm..there's nothing to say more..am proud of u..more than anytime else..happy u got a good jop to show and improve ur talent..happy u gonna travel as u always dreamed..ayoooh ya ged3aan..i think it's enough on u today :P
gonna miss ya,Mon..gonna miss ya :)

the paint by:zenab elsgeney

Sunday, February 18, 2007

عن الحنين..إليه

Wednesday, February 14, 2007

لكل من آمن به و لم يره..
أحب أن أشكر هوميروس..ذلك الشاعر العجوز الثرثار..فلولاه ماكانت الأوديسة..ولا كان الشقاء في الإغتراب..
أحب أن أشكر زميل الدراسة..المتأله الطبع..الذي رأيته البارحة يدهسه قطار العمر..فلولاه مانطويت علي نفسي..ولا كان الإبداع في الوحدة..
أحب أن أشكر ابن حزم..ذلك الإمام الفيلسوف العاشق..فلولاه ماكان طوق الحمامة..ولا كان في العشق شئ من النبوة..
أحب أن أشكر ابن الشارع..المتشرد المتشرذم المنكر لأبيه آدم..فلولاه مانحنيت لأحد قط..ولا كان في التذلل شئ من الرحمة..
أحب أن أشكر كل من ذهب الي الجحيم..وكل من خانه حظه..وكل من تعثر ولم يقم..وكل من مات وفي نفسه شئ منه..
أحب أن أشكر..كل من آمن به..ولم يره..

Tuesday, February 06, 2007

ثُمَّ تَسْتَكينُ إلي الحرير..

..
تقترب بوجهك من ملمسه..تحن اليه و يشتاق اليك..تنحني لتقبل صفحة العمر في ثنايا القماش..فيعض شفتيك باشتهاء..تخاف وتجزع و تهجر..ملمسه الرفيق..بعد ان اوجعك الطريق..و تبادلت اللحظات إنتهاكك..تبتعد..يناديك بلونه الرهيف..وغمزةٍ من العين للعمر الغريق..تمد يدك بخفةٍ وحذر..تخاف انت من الوجع..إن أنت استكنت إلي الحرير..وأخذك الحنين الي واحة الغياب..تخاف و فقط..الحرير الرقيق لا يؤذي أحداً..ولن يؤذيك أنت فهو يعرفك..ويعرف حنبنك الي التَدَثٌّر به..الحرير يعرف..دوماً يعرف..يكفي أنه يأتيك من فوقك..ليأمن موقع القلب من الصدر..ثم يأتيك من تحتك..فيرتاح إلي استقامة عود الصبر في الظهر..يبدأ الذوبان في الحنايا..ثم تفطن الي انك تغيب..فتفيق مرعوباً..و تنهض مسرعاً تلملم وعيك المُبَعثَر..تنظر الي الحرير..يحرك شهوتك الي دنيا جديدة يعرف انك تريدها..يحرك مابقي من امل في اعماقك الي سطح ناعم تطوي فيه احلامك و يطوي هو ايامك..تقترب مرة اخيرة..تلمسه بخدك هذه المرة..فيطبع عليه من الرقة مايحول به بينك و بين الجراح..ويضفي عليه من الحكمة..مايمنع عنك البكاء..ويعدك بأنه اطمأن.. لا شقاء..

" إستكن إليًّا لا تقلق"...
"أعطني من إطمئنانك الأبدي يا طريق الصعاب..كيف تطمأن هكذا الي العثرات؟"

الحرير لا يطأ أرضاً لا يعرف أنها ليست له في نهاية المطاف
أنت خائف من:مُلك الحرير..

الحرير قد يقسو حيناً..حين يضلُّ الطريق
أنت خائفُ من:بطش الحرير..

الحرير..
أنت خائفُ من:..


ينكسر حنانك علي واقع ارتجافك..وتموت وردة الرقة علي جراح الرهبة..يعبث بمنطقك التردد المر..تنظر مرةً اخيرةً إلي الحرير..تراودك نفسك لإحتضانه برهة..من أدب الحرير أنه دائماً يبتسم إليك في إعلانٍ عن رغبته..تبتسم..تغمض عينيك..تتذكر ذلك الطير العابر..وتلك القلعة القديمة..وذلك الشاطئ البراح..تنتفض انتفاضتك الاخيرة..
ثم تَسْتَكينُ إلي الحرير..

اتنين تاج تاني؟ يا نهار مقلم ازرق!

انا متزبطة تاجز الايام دي..الرحمة يا جماعة مابيعملوش كده!
المهم..ايبي و مصري اصدقائي الاعزاء..بعتولي التاج بتاع المثقفين ده وانا عملته عشان خاطرهم بس :)
افتح الكتاب اللي بتقراه حاليا علي صفحة 123 و عد خمس سطور و اكتب اول تلاتة بعدهم-يخربيت العقد يعني-اهمن
هل اكون انا ماتكونين؟ ام انت-يا لغتي-
ماأكون؟ويا لغتي دربيني علي
الاندماج الزفافي بين حروف الهجاء
وأعضاء جسمي-أكن سيدا لا صدي.
ده من ديوان كزهر اللوز او أبعد لمحمود درويش..مسيطر عليا الايام دي..لانه هدية من شخص ماضي قدما في السيطرة عليا
:)
نخش بقي عالتدبيس..مم..دولم:
mony the angle
بنت عادية-emz
حفصتوشا
مصطفيتش ابنها
مصعب الخير
انسانة-feps
بالهنا والشفا :)

Thursday, February 01, 2007

تلاتة تاج مرة واحدة! يا نهار ازرق!

يا صباح الورد ..
الناس هنا طلعوا بيعزوني وانا مش واخدة بالي..تلاتة تاج مرة واحدة؟..كتير علينا كده!!..ده غير ان ذكاؤهم السرمدي..خلا التلاتة تاج عبارة عن نفس التاج عدا واحد مختلف! :)
والله ممنونة اوي يا حفصتوشا..و يا مصري..ويا مانو(التاج بتاعها غير برضك) و انشاءالله نردهالكوا في تاج علي امتحانات التيرم! :)
و بهذه المناسبت الساإيد..شوفوا بلوج هو وهي احسنلكوا :)
وايه كمان..ايه كمان؟..ولاحاجة..الي التاج مباشرة!
اية اللي حيحصل لايميلك لما تموت ؟
والله اكيد وسام او وليد اخواتي هايخشوا عليه..لانهم الاتنين عارفين الباسوورد..ومش هايسبوكوا في حالكوا ساعتها..البنات تاخد ساتر :)
اديت الباس وورد لحد قبل كده؟
اه طبعا..
لو اه كانت طبيعة علاقتك بيه اية؟
صديقي صديقي يعني..وخبرة كمبيوتر غريبة..انا بقول عليه مبرمج بالفطرة! :)
اسمك؟
وئام.هو في احلي ولا اروع من كده؟ :)
اسم الدلع المشهور في وسط اصحابك؟
والله الاسم الدلع الرسمي..بودي..انما بما ان اسمي خلاق..فكل حد بيخترع اسم دلع لوحده..حتي وان كان مالوش علاقة باسمي..زي توتة مثلا..ده ايه علاقته بوئام والنبي؟ :)
عمرك؟
انا عندي تمنتاشر سنة و 4 شهور و يومين و نٌص
:)
برجك؟
الميزان..مواليد شهر اكتوبر طبعا..احنا اللي بدعنا العظمة..العامة يمتنعون :)
مجالك او مجال دراستك ؟
انا بدرس الاقتصاد في كلية سياسة واقتصاد..وباشتغل حبة في الصحافة و مهتمة حبة بالكتابة والادب..الطبيعي اني اتابع اللي بيحصل في بلدي..ولهذا كان قول صلا ح جاهين العبقري"ماليش كتير في الكلام..لكن باعبر..وماليش كتير في السياسة..لكن بافكر"
شخصيتك نوعها اية؟
والله في ناس -عدد لا باس به- بيقولوا عليا عنيدة و دماغي وسخة..في حين اني شايفة اني طيبة و حنينة والنعمة..انما انا باحب التفكير المنطقي زي عنيا..والمقدمات اللي تليها النتائج..ده غير اني احيانا بيجيلي مود غريب كده..ماعرفش عامل ازاي عشان محدش يسأل..اصحابي عارفينه..ويجي حد يقولي اني باحب اللامنطق واني باموت في المفاجأت..والله..شوية :)
اي حد يعرفني عايز يضيف يتفضل..
السفر بالنسبة لك؟
انا بعشق السفر..بس مايكونش هجرة.بمعني نسافر نشتغل ونيجي..نتفسح ونيجي..يعني ممكن اعيش بره الميه..بس مش كتير..زي السمك البلطي :)
المود بتاعك؟
عامة..انا بضحك وباهزر كتير..ويمكن الجد بتاعي قليل..انما ده مايمنعش اني احيانا باقلب..
وقت فراغك بتعمل فيه اية؟
كتب كتيييييييييير وجرايد....قراية و احيانا كتابة..اخرج اشوف اصحابي لو مسموح..اقعد عاكومبيوتر اسمع مزيكا باحبها و اشوف البلوجز..اكيد ملاحظين اني مش باجي كتير زي الاول..وده لان وقت فراغي منعدم الايام دي..غير طبعا ان طارق ابن ملاديع الكلب فاصل النت الدي اس ال..وباجي دايل اب :)
الاكلة المفضلة؟
البيض بجميع انواعه..(حتي لو عملتهولك باكلاب هاتكليه..علي رأي ماما)و الفراااااااااااخ..باعشقها..والبطاطس كمان..عامة انا ليا مزاج في الاكل..مش باكل اي حاجة او اي طبيخ..
الصفات اللي خدتها من بابا؟
انا شبه بابا شكلا..و منظمة و محنتفة زيه..وباهتم بشكلي و بتناسق الالوان و الهدوم زيه برضك..تقريبا بس :)
الصفات اللي خدتها من ماما؟
اييووووه يا جدعااااان..كتير..ماما هيا العامل الاول والمؤثر في تربيتي اصلا..وانا دماغي شبهها الي حد ما..بافكر كتير زيها و بقرا كتير..متابعة للاحداث و التطور في اي مجال زيها برضك..شوية شغل بيت كده علي خفيف..لان ماما ماشاءالله فنانة في البيت والاكل..كمان الاهتمام بالشكل والمظهر المحترم.. بحاول ان يبقي ابن الوز عوام :)
اكتر 6 حاجات بتكرهها؟
الشاي..اللي يمنع نفسه عن حاجة بيحبها لاي سبب بعيدا عن ان نفسه تمنعه..خلط الامور والاتجار بالدين بمعني ان ندخل الدين في اي حاجة في اي حتة..الاغاني والافلام والناس البيئة..حد بيحبني وانا باكرهه والعكس..اكون حاسة او عايزة اكتب حاجة ومعرفش اطلعها..العجز بمعني ادق
اكتر 6 حاجات بتحبها؟
النسكافبه والقهوة..الشيشة..المود اللي قلته هنا..خروجة جامدة مع ناس بحبها ومكان بحبه..وجود ماما في حياتي..احساسي ان النهارده بتاعي وان ربنا بيحبني :)
الشغل بالنسبة لك؟
حاجة اساسية طبعا..لان البنت في مجتمعنا الشرقي الذكوري المتعفن-علي رأي نوال السعداوي-ما بتحصلش علي حريتها الا بالشغل والفلوس..بمعني.انه كما تعني الحرية لك..يعني لي العمل :)
اية الكومبيوتر والانترنت بالنسبة لك؟
والله اختراع كويس و بينجز وقت كتير-علي الرغم من ضياع الوقت احيانا-ووسيلة ارخص للتواصل والحصول علي معلومات كتير جدا..علي الرغم من التفاهات وسرقة الوقت.. الا ان في ايام بيجيلي انسحاب-من اعراض الادمان- اما ابعد عن الانترنت فترة :)
خلص تاج مصري و حفصتوشا ومانو
مانو بقي باعتالي اتنين..
التاني بيقول:
الخمس حاجات اللي ماحدش يعرفها عني هي؟
انا انسانة واضحة و صريحة وشفافة-ثلاثية اللي مش هامه- وتقريبا كل الناس عارفة عني كل حاجة :)
انما..ممم..لنر
-كتير اوي باحتاج لحد باحبه و بيحبني ياخدني في حضنه ويطبطب عليا
-اني باشرب شيشة وسجاير :)
-عندي مساحة مرعبة من التساؤلات ممكن تدخل بالنقاش في مناطق خطيرة :)
باحب سارة فوق ماتتخيل..وهي مش بتحبني بنفس القدر..او مش مهتمة باظهار الحب ده الله اعلم..تقريبا انا اللي اوفر هنا- :)
-تقريبا كده والله اعلم..شكلي هاحب حد..ربنا يستر..لاني بخاف جدا..خوف مرضي يعني..وياسلام لو ماطلعش بيحبني وانا بحبه..هتبقي مأساة اغريقية..ايا كان..في انتظار الايام تحن علينا وتثبت اي حاجة :)
جمييييل..خلصنا التاجات..كل مرة وانتوا طيبين..نحب نمرر القصص دي لمين بقي؟..تقريبا كل البلوجرز عملوه..ياللا
باسم شرف
مخلوف
نور..ماتيجي نرقص
شيماء ..ماشي بدون قدم
لميا..ولو عملتيه طنشي :)
اميرة حسن..يابت عايزة اشوفك يا بت :)
احمد بيه الهواري..ديد مان (بعد الشر)0
يللا بالهنا والشفا :)