مجازاً


بلغنى أيها الملك السعيد"مجازاً" ذو الرأى الرشيد "احياناً" أنه جاء على الناس حينٌ من الدهر ، استكانوا للسلطان،و أدمنوا الطاعة و نسوا العِصيان،و استمرؤا السكون،فتوالت عليهم مصائب الدهر و المنون،فكان يخرج منهم المنادون بالجهاد فيقتلون،ولما كان السلطان مشغولاً بدهاليز الحريم،و حاد عن الطريق القويم،أمر فى الناس أن اصمتوا من المهد إلى اللحد،و أن اسكتوا تنالوا المجد، فشقَّتْ عليهم الحياة،فلا هم بالسائرين ولا هم بالواقفين،ولا حتى بالنائمين،و سَرى بينهم أن كل لبيبٍ بالإشارةِ يفهمُ،و إذا عجَزت الإشارة تلامسوا،فصار الناس كلٌ واحدٌ متشابه،لا ترى فيهم ذكياً ولا نابه،و سار حال الناس كما الأسواق تسير،و باعوا و اشتروا الحرير و الكشمير،لم يكن عندهم مكتوباً لا بيع ولا شراء،و لا كتابٌ منقولٌ من عهد الخلفاء،كان السلطان عظيم الولع بالشعر على ألا يكون مكتوباً،و بالنساء على ألا يكنْ عذارى،و سبحان مغير الأحوال،و كما علمتم يا مولاى بعظيم سلطانكم..أن دوام الحال من المحال.
في يوم،خرج من بين الناس صبى،يشيل ف إيده أرنب،و يقول الخوف أرنبي،و كان عايز ينطق كلام،بس ماحدش علّمه..ماهو البلد كلها لا مقرى ولا منقول،الكلام ده رعب..كابوس..ازاى انطق كمان و أنا ماعرفش الكلام؟ الصبى للأسف مش غبى،و كان ليه ف العلام،راح لَف البلاد البعيدة،عدّى أنهار و بحور،وصادف أشكال و ألوان،اتعلم الحكمة م اليونان،و اشترى الفلفل من الهند،و باع الجوارى للأفغان،الولد ماكنش فرط الرمّان،بس كانت عينه على رمّان الجيران،و عايز يقولّها أى كلام،حتى لو بس تفضل معاه شوية ف الأحلام،مافيش..حتى نظرات العيون ما بتتلاقيش،و لو كان هو اتعلم الكلام ف بلاد اليونان،ف هى يا حرام صغيرة لسه عالعلام،لو قال مش هاتفهم،و لو فهمت مش هاتقدّر،و لو قدّرت مش هاتفضل..و الولد ليه ف الغُنا كمان،و عليه حلاوة لسان،تهد بلد،ماوردتش على انسان!
ماحدش عارف البنت اسمها إيه،و لا ليه الولد مش مرتاح،مع ان مافيش اسهل من الموت،كانت البنت متمسكة بالحياة،الخوف كان ماشى معاها زى البرقع اللى نفسها تخلعه-حلفت مرة لو الولد حضنها لتقلعه-لكن الزمن بيمر،و الولد ف موقعه،والبنت شوقها بيزيد،و مافيش لا لقا و لا مواعيد،غير بس الشوق من بعيد لبعيد.هى كمان كانت عارفة ان الولد مجنون،و كانت عارفة انه رغم شجاعته فى السفر لكل البلاد،كان بيخاف من بلده أكتر،والبنت ماطلعتش بره البلد،ولا عدت على هموم الولد،بس كانت اما تشوف بقه من بعيد بيتحرك،تحس انه بيكلمها،و تموت تحضن كل حرف،و تكتب بريقها على كفوفه كل كلمة حاساها،كان لوِشْ الولد قدرة مذهلة عالتعبير،تشوفه من بعيد-من غير لمس- تعرف هو خايف من إيه،جواها تطمنه..أنا مش غربة جديدة،ولا حجة ترجع منها تايب،واقف على باب الحياة مستني العطايا.تشوف شفايفه بتترعش،جواها تفهمه..مش أنا رحلة العطش.تشوفه بيتلفت حواليه و يبص عالناس،جواها ترسمه..هما لوحدهم سوا و الكون براح،كان نفسها بس تلمس رقبته بإيديها ،تحس أنه موجود ف شفايفها زى ما موجود ف الكلام.
الولد كان تعبان أوى..ماكنتش حياته الطويلة كلها غُنا،ولا كانت غربته ف وطنه منتهية،كان الزمن واقف بينهم زى غول عايز ينهش اللى يقدر عليه،و رغم ان الولد الوحيد اللي بيعرف يتكلم ف البلد،ماتكلمش،بس البنت فهمت من بعيد،و قالت ف نفسها لسه السلطان ليه سلطان عليه،بكرة يتمرد عالسهل،لأن مش طبعه الخضوع،زى مش طبعه الرسو ف مينا واحدة للأبد،كل الشطوط فاتحة إيديها للغريب،وكله بيوصل ف وقته،زي ما بيروح ف وقته.
الولد الذكى،اللى سافر و لسه متغرب ف بلده،و عشته القصر عبارة عن كتب و هموم مرصوصة جمب بعض،اللى ليه ف الغنا،و اللى ليه ف الشجاعة،اللى الزمن عدى عليه،ماعداش من جمبه،ماكنش عارف ان البنت الصغيرة دى،لما هايتكلم،هاتكتب وراه.
ثم أدرك شهرزاد الصباح،فسكتت عن الكلام المباح

Comments

Amira Hassan said…
تشوف شفايفه بتترعش،جواها تفهمه..مش أنا رحلة العطش

يا دين امي
انتي كنتي معاهدة مع الهة الكتابة عند الاغريق و انتي بتكتبي ده و لا ايه يا بنتي

شكرا يا وئام
shimaa said…
wow ..oh dear god!! wat's this 4 God sake? am wiz amira about da muse of writing "ana mbhora" i dont know wat 2 comment about 2sloub el7ky eli mn zamn tany w m3a zalk by2ol klam bt3na wla 3n el7kya wla 3n eh blzzbt
"تعرف هو خايف من إيه،جواها تطمنه..أنا مش غربة جديدة،ولا حجة ترجع منها تايب،واقف على باب الحياة مستني العطايا.تشوف شفايفه بتترعش،جواها تفهمه..مش أنا رحلة العطش.تشوفه بيتلفت حواليه و يبص عالناس،جواها ترسمه..
wat's this ..i think u r a real shahrzad ya we2a ..eh da bgd ana gsmy 2sh3r 2n this part
& da ending OMG!!
جمبه،ماكنش عارف ان البنت الصغيرة دى،لما هايتكلم،هاتكتب وراه
thumps up 4 u
hat off 4 u
& evey kind of respect cause u deserve it ..this post is just "charming "my dear
We2am said…
أمورة
إحم..انتى بتكسفينى كده :P
وأول ما اتكتبت الكلمة دى اتكتبت "بتكفيني"و فعلا انتى "بتكفينى" كده :)

shosho
e7m..that's shhrzad' talk..ellela el el2ola b3d el 300 :)
el7etta deh t2rebn el core bta3 elpost..sa7 kida :)
teftkry anf3 shhrzad bgad? deh 7aga msh m32ola ..
thank you dear..msh msd2a eno 3gbk leldrga..l2ny law sd2t hatgnen,bs bgad mbso6a en kman elnhaya mafhoma kida :)
hoof..that charming man from body of lies"mark strong" when i see this word i remember him 3la tool delw2ty :D
an7ny lel tasfeeq el7ad dah :)
nour said…
يااااااااااااااااااه
كل ده يا وئام
يخرب بيت الاشتياق
احساسها عالى اوى يا بنتى
Oma said…
ازاى انطق كمان و أنا ماعرفش الكلام؟

Wooooow enty ezay 2olti dee !

لكن الزمن بيمر،و الولد ف موقعه،والبنت شوقها بيزيد،و مافيش لا لقا و لا مواعيد،غير بس الشوق من بعيد لبعيد

ah ya wag3 2albiii !

أنا مش غربة جديدة،ولا حجة ترجع منها تايب،واقف على باب الحياة مستني العطايا.تشوف شفايفه بتترعش،جواها تفهمه..مش أنا رحلة العطش.تشوفه بيتلفت حواليه و يبص عالناس،جواها ترسمه..هما لوحدهم سوا و الكون براح

!!!!!
!!!!!!!!!
!!!!!!!!!!!!
gowaha tersmooo
hma lewa7dhm sawa w el kon baraaa7
ye5rb 3a2lk !!

لما هايتكلم،هاتكتب وراه

bosy
ana msh a2al mn amira w shaima fe el enbhar
bs add something " ana mondahsha"
ya benty enty btktbi kda ezaaaaay
enty bt3mli kda ezaaaaay !!??
gamda faaaaaaaaaaa7t malhash 7aal w lola eny b7b kol 7agatk kol 2oltlk it's ut best
la la ur best at all "damyman fe 7ad beystnak" ana ba3sha2ha

ya benty enty moshkelaaaa gamdaaaa
We2am said…
nora
شوف ربنا قادر على كل شئ
:)
منورانى يا مزة :)

omaaaa
tb3n enty e5tyrtk 3bqrya zayk :) w bt2ry btrkeez by5leny amoot fe gldy w ana bktb ay 7aga tany,l2ny bab2a 3rfa en feh nas bt2ra mayd7ksh 3leha b2y 7aga :)
bgad am speechless bgad..i can't answer you b3ml eh feen..heya btegy kida..msh b3rf 22fsh nfsy fe l7za b3enha :)
tb3n"daiman fe 7ad bystnak" bt5leny ana sh5syn at5n2 w ana b2raha..kant momyza belnsbly gedan :)
thank you ya 7bebty 3la el 2htmam dha..w 3la el comment el fazee3 dah..w waiting you in the next post isa :)))
Anonymous said…
"ماكنش عارف ان البنت الصغيرة دى،لما هايتكلم،هاتكتب وراه."


مشكلتك الأزلية يا وئام .. إنك عارفة فين الحتة اللي بتوجع قرائك , و بتفضلي تضربيهم فيها


بتروقيهم


يمكن دي مشكلة القراء


لكن سواء كانت مشكلتك أو مشكلتهم , اوعي تعالجيها



N
We2am said…
N
و مالكتابة يا صديقي،إلا وجع القارئ و عجز الكاتب؟؟
:)
"قل لي ما اسم جرحك
اعرف الطرق التى سنضيع
فيها مرتين"
درويش
:)
و ماتقلقش،مش مشكلتي عشان أحلها،الجروح هى اللى بتتعالج يا معلم،المشاكل بتتحل
:)

Popular Posts