صاحب السعادة..منتصر بيه حجازي

كنت دايماً لما باسمع المثل اللي بيقول"مطرح ما ترسي..دقلها"..أفتكر أن معناه:مطرح ما ترسي طبلها يعني و هيْص لها..بمرور الوقت ده طلع غلط،وطلع معناه مطرح ماترسي دق لها الوتد و اربطها بالمينا،و كل أما الواحد ياخدها بجد،الدنيا تاخدها هزار،وكل ماتقرر تلعب،الدنيا تقولك المرة دي بجد،لا بمزاج الدنيا..ولا بمزاج أي واحد من اللي بيقروا دلوقتي..ولا بمزاجي أنا شخصياً..بمزاج اللعبة..اللعبة نفسها خلصت..وبتقولّك:حتى الماريوشكا بتخلص!:)
صاحب السعادة..منتصر بيه حجازي..قال كلمته
فلازم كلنا نسمع:

و تُمطرين بلا سبب
و تَعصفين بلا سبب
وتَضحكين بلا سبب
أمطرتُ بعدكِ
وعصفتُ بعدكِ
و ضحكتُ بعدكِ
وبَعْدَ بَعدكِ
أغلقتُ كل أبواب الأدب
مشيتُ في الشارع الواسع المُرْهِق
و قتلتُ أحزاناً و أحلاماً و زَنْبق
وحدي ملكتُ الشتاء الحزين
و طعمتُ ألوان العجب
أشتقتُ بعدكِ
أخترتُ بعدكِ أن أكون بلا وطن
بلا زمن و بلا ممالك او أساور
أو ذهب
فلا تمطرين بلا سبب
فما عدتُ نفسي..ذلك الطفل البرئ
ما عادَ يغريني اللعب
ما عادَ يغريني اللعب
photo by:Mahmoud Saad

Comments

وأنا كمان معنتدش عايزة ألعب



ملحوظة/ جلالة الملك ربما تكون أوقع من صاحب السعادة :)
We2am said…
توتة
حمداللله عالسلاااامة
وحشتيني
:))
محدش عايز يلعب..اللعب كتير بيزهق اوي
:)
أصل منتصر ليه حكاية مع السعادة،تحديدا مع مونولوج اسماعيل ياسين "قولي إيه هى السعادة"
;))
No Fear said…
السلام عليكم
فعلا أنا هأحاول أعمل كده
مطرح ما ترسي دقلها
يسلام لو الواحد يقدر
هتبقي الحياة جميلة قوي
We2am said…
no fear
أكيد طبعاً..هو الواحد يطول يبقي واثق من نفسه كده و مطرح ما ترسي..يدقلها؟؟!
وعليكم السلام
:)

Popular Posts