بنوتة ..عالنوتة



يا بنوتة عالنوتة..
و الضحكة لوحدها
حدوتة..
يا بنوتة..
متفتونة..
مابتحبش الحواديت
المتلونة..
العقل فيه حتة منك..
و كلك مالية القلب..
الواحد يعمل إيه فيكي؟
ويعمل إيه ف الكدب؟
وأعمل إيه أما أكرهك
و أحبك ف نفس الوقت؟
ملتوتة؟
طب ملحوقة..
يا بنوتة عاملة نعسانة
بس العيون سهيانة
يا بنوتة عالنوتة
و الشعر ف الشنطة
ومصاصة بلبانة
الحدوتة مخاصماكي..
لحد ما تدفعي اللي عليكي
أو تطلعي التوتة
ملتوتة؟
طب ملحوقة..

Comments

shimaa said…
بنوتة عالنوتة..
و الضحكة لوحدها
حدوتة..
حد يلاقي حد يدلعه كده يا وئة :D

يا بنوتة عاملة نعسانة
بس العيون سهيانة
يا بنوتة عالنوتة
و الشعر ف الشنطة
ومصاصة بلبانة
الحدوتة مخاصماكي..
لحد ما تدفعي اللي عليكي

ادفعي اللي عليكي بقى يا وئة رغم ان الحدوتة مش مخصماكي في نظري ..ده انتي شهرازاد يا بنتي

و على فكر الحدوتة مش ملتوتة خاااااالص

دي سكر توتة :D
قطعت جهيزة قول كل خطيب
M.Rabie said…
تصدقى و تآمنى باللى خلقنا ؟؟

لو لقيت اللى أقول لها

"العقل فيه حتة منك..
و كلك مالية القلب.."

ليكى الحلاوة

--------------
إيه الجمال ده ؟؟

فاكرة
بنوتة ع النوتة = شكك يعنى ؟؟

:D:D:D:D
Amira Hassan said…
ويعمل إيه ف الكدب؟

اه و هنا يجي قول عمر طاهر

الصدق توهني و كدبي نجاني

يارب تكون ملحوقة فعلا يا مزة

لا اكيد هي ملحوقة

:)


محمد

احب اقولك

عندك شكك في كده

:)))))))))))))))

سوري يا وئه كان لازم ارد زي ما رديتي بالظبط
We2am said…
شوشو:
والله الدلع اتوجد إذ فجأتن أهو و الواحد كان فاكره خلص
:D
مش قادرة اعرف اللي عليا كام،أنتي عارفاني فييسة و اول ماعرف هاكع علطول
شكلها مخاصماني والله
:(
سكر سكر..حلوة الدنيا سكر
:D


أحمد الجارحي
مش عارف والله المفروض أقولك إيه
اشطاط يا معلم
:D

محمد أنور
و انا رحت فين يا محمد؟؟
:(
أحيه عليك كده تدور عليها قدامي،طب من ورايا
:D
وادي أمورتي ردت
:)


أموووورة
متأخرة!
:)
تفتكري ملحوقة فعلاً،ولا بتقولي كده تطمنيني علي مستقبلي؟
:D
الكدب؟؟ "يا نهااااار إسوووود"
;D
frozen love said…
ملحوقة اه ...ملحوقة
والبنوتة تنام
نعسانة اه وسهيانة
والمصاصة لبانة
وبتعشق الايام
وتقول حزينة ونوتة
وساعات شقية وتوتة
واهو كله برضه كلام
ما يعرف اللي فيها
الا اللي دايب فيها
وفعقلها وحواريها
قاعد وعمره ما قام


w7shtooonyy....loooool
gamda awy ya tota...nice post
We2am said…
frooooozeeen looove :D
eh ya 3am dah?!! w kman btktb fyya sh3r?? la la msh momkn :D
w7shny enta kman wlhy ya m3lm..w shokran gedan 3la eltfa3ol m3a elqaseda beltre2a elgamila deh :)
w..hashofk ;)

Popular Posts