RSS Feed
و أنا..أنا..لا شيء آخر

Friday, December 29, 2006

ولهذا اليقين..قصة..


(1)
-تجلس الي الكومبيوتر-الحاسب الالي لهواة التعريب- في معادهما اليومي المشترك..لا تجده كالعادة..حسنا..المزيد من الانتظار لن يضر احدا.. تتحدث مع اصدقائها حتي ياتي..اوغاد الانترنت جميعهم يحدثونها عنه و كانه لا يوجد غيره..علاقتهما ليست بهذا الشكل رغم انف الجميع..ياتي..يرسل لها انه قد حضر..تعرف انه هو من الاسم الوحيد الذي يناديها به..تبتسم..ترد عليه..تلاحظ انه ليس طبيعيا..تسأله ماذا به..يرد عليها:
-بافكر ارجعلها...
(2)
-رسالة قصيرة تضئ هاتفها المحمول..انه"صباح الفل"..تعتدل في السرير و تقرأها لتبتسم ثم تضحك من الاسلوب الساخر..ثم تتضايق..اليوم ايضا لن يتقابلا..تفكر قليلا..ربما رأها اليوم..تتصل به..تلاحظ شرخا في صوته..تساله..ماذا به..يرد عليها
-انا شفتها النهاردة..بافكر ارجعلها
(3)
يجلسان في مكان هادئ..هو لديه الكثير من "الهراء"الذي يفعله..وهي ايضا .لابد ان تنجز هذا اليوم..مرة واحدة..ينظران الي بعضهما.."خلصت؟"..يضحكان..يقول لها ان تنتهي سريعا..لانه يريد ان يتحدث معها قليلا..تبتسم..تعرف ماسيتحدث فيه..تقول بمرح."بس ابعد القرف ده مش عارفه اكتب" يبتسم قائلا"اشطة" تنظر اليه بعينين متسائلتين..يرد ناطقا..
-عايزة تكلمني..انا عايز ارجعلها
(4)
يدخلان مسرعين الي احد دور السينما..تأخرا علي ميعاد العرض..يمسك بيدها كي لا تتعثر في الظلام..يجلسان ..لاهثي الانفاس..ينظران الي بعضهما..في وقت واحد.."الحمدلله لحقنا" يضحكان..يبدأ الفيلم..مشهد رومانسي لابأس به ابدا..يكفي ان عينيه تلمعان..هذا دليل علي كفاءة المخرج و الممثل و كاتب السيناريو وربما عمال الاضاءة كذلك....تلمس يده..فيحتضن يدها في لهفة..يظلان هكذا طوال العرض.وتسند راسها علي كتفه...يتركها في النهاية..تعرف ان الفيلم يعجبه..ولهذا اليقين قصة..تسأله..فيرد:
-انا عايز ارجعلها..
(5)
اليوم حفلة ساهرة..سيقضيا اليوم سويا..تأنقت الي حد ما..فكرت في انهما قد يرقصان سويا اليوم..ابتسمت..علاقتهما ليست بهذا الشكل في النهاية..تقابله متأخرا كعادته..يعرفها علي اصدقائه باهتمام..يجلس الجميع..المزيد من المرح و الجو المفعم بشئ غامض لا احد يدري ماهو..انهم يعرفونها هنا..غريب..يغنيان سويا..اغانيهما المفضلة..يتحدثان..تصدح اغنية ما..فيتوقف و ينظر لها..تلمح مايدور في عينيه..تعرف انه يريد ان يتحدث..ولهذا اليقين قصة.. تعلق علي الاغنية..يرد:
-دي اغنيتها..انا بافكر ارجعلها
(6)
يتصل بها..يخبرها انه"وحشتيني اوي" وانه لا يستطيع التنفس وسط اشغاله و يومه الملئ..تهون عليه..تخبره انه"دي فترة و هتعدي..هاستني" يبتسم ابتسامة منكسرة..تسال و من اين تعرف و هما علي الهاتف..هي تشعر انه يبتسم بهذا الشكل..ولهذا اليقين قصة..وفعلا..تقول له"صوتك تعبان مالك؟"يرد..
كلمتني امبارح..بافكر ارجعلها..
(7)
يوميا علي الانترنت..يشعر انها اروق اليوم و اهدى..يسألها.."كنتي بترقصي ولا ايه" يعرف هذا..الرقص يجعلها في ملكوت اخر..ترد يالايجاب و هي تضحك..يعرف انها تضحك..وان كان ليس كاول مرة تحدثا فيها..يتحدثان في كل المواضيع..يحكي لها احداث اليوم بتفاصيلها..وهي ايضا..تعودا علي الصراحة بطريقة تغيظ احيانا ..يلمح في ردها شيئا ما
..ولهذا اليقين.. قصة.."اتكلمي..عايزة تقولي ايه؟"تقر بما حدث..يبتسم..يتذكر شيئا حدث اليوم..يرد عليها قائلا..
-وانا كمان..مخنوق..بافكر ارجعلها
(8)
قضي اليوم..يفكر هل سيرجع اليها ام لا..العديد من المتناقضات تصطرع بداخله..ومشاعر لا يريدها اصلا تفرض نفسها عليه..يتذكر ان بينهما ميعاد اليوم..يرسل لها رسالة معتذرا انه"يا صباح الفل..انا كنسلت النهاردة..نتكلم باليل اونلاين"..يعود الي الفكر الشارد برغمه..يتذكر احداثا و اشخاصا و اياما..يضيع وسط الذكريات المكتوبة..ويغرق في الصور القديمة..يجلس لا يريد ان يفعل شيئا..لا في الماضي ولا في الحاضر..واذا لم يجئ المستقبل .".يشعل سيجارة..ويتذكر عشقها للمدخنين"..كان هذا افضل..يتذكر الحديث الممتد حتي الفجر..يضحك علي شئ ما..ثم يقطب..لابد من قرار اليوم..كيف سيستمر..كيف و كيف..
-ازاي هاكمل من غير..مارجعلها؟
(9)
حسنا..في حديثهما سويا..اشياء لايجب ان تقال-في مثل هذا النوع من العلاقة- و اشياء لا يجب ان تحدث..كلا منهما لا يريدها..ولكنها تحدث..من وقت لاخر..يحاول احدهما ان يتقهقر..بلا فائدة تذكر تقريبا..حتي الاحساس بالخطر، مشترك بينهما..
كثيرا مايمسك بيدها وهما يعبران الطريق..فوبيا مشتركة ايضا..لايعنيان شيئا..وان كانت الايادي تتلاقي فتضحك علي الاغبياء بالاعلي..يتركها بسرعة و كانه يتعمد هذا..تبتسم..وتكمل الحديث...تنتظره اليوم ليخرجا سويا...اصبح حذرا في الاونة الاخيرة..تبتسم لهذا الخاطر الغريب..يلمحها..تذهب اليه..يسلم عليها ويلحظ ابتسامتها فيردها..قائلا في سره"يا بنت المجنونة"..يبدو متعبا رغم المرح الذي يظهره....تساله"هنمشي هنا؟"...تعرف الاجابة.."لا قدام شوية"..بدون لماذا اجاب:
-اصل انا بافكر ارجعلها..
(10)
-تنتظره بالخارج..يسبقه صديقه ..يتحدثان قليلا..لاداعي لذكر مادار عنه الحديث..معروف الي حد الاشفاق علي النفس..احيانا تشعر بالملل منه..يغيظها ان خطواته بطيئة و تقليدية..وانه ليس الثوري الذي تنتظره..تبتسم لنفسها و تضحك مع صديقه قائلة"يعني هما اللي عرفناهم في الدنيا نفعونا بايه؟"..يكفيها انه يرسم تفاحة*..ياتي..انيقا..يبتسم ابتسامة مرتعشة بجانب فمه..تعرف معناها للاسف..يسلم عليها و يخبرها انه "شافها النهاردة..وحاولت تكلمه..وانه مردش..وانه بيفكر.." تبتسم..لا ترد..كالعادة لا ترد..لاتتوقف عن اشعال سيجارة من اخري..بعد العشاء وبعد "الدردشة"حول كمية مختلفة من المواضيع المشتركة وحتي الغير مشتركة ..يصمتان..ينطقا كلمات في نفس الوقت..موعد الرقص..حدث نفسه ان"هو ده اللي فاضل"..تقوم معه..تبدأ الموسيقي الهادئة بمجرد صعودهما..يبتسمان سويا.. ابتسامة لها معني..تخلو الساحة الا من بعض الازواج..يمسك بيدها..و يبدأن الرقص..يحتضنها تدريجيا..انهما اقرب الان الي الحقيقة اكثر من اي وقت مضي..تشعر بانفاسه علي رقبتها..يعبث بشعرها قليلا..يقترب من اذنها قليلا..يهمس.."بحبك.."ترفع راسها اليه..كانت تعرف..تهمس"..."هو يعرف معناه..يقبلها..تحيط رقبته بذراعيها و يحتضنها..يقول لها مبتسما.."بس انا بافكر ارجعلها"..تنظر في عينيه..تحتضنه بشدة..وتريح رأسها علي كتفه وهي تضحك و تنظر امامها بسعادة واطمئنان لا متناهي.."طب ماترجعلها
!"0
Rudolf bauerاللوحة

29 comments:

alma said...

well i enjoy very much when i few u pictures but i can´t understand anthing.------- I hope you want try lear other languages if not is good your language is very interesing for me. take care and happy day

باهر said...

مبروك يا احلى من كتب عقبال العالمية بس تكونى زى مانتى ... مش هاقول رأيي عشان انتى عرفتية
القارئ دائما
بـــــــــــاهر

emz said...

جميل جدا يا وئام
مش تقولى ان فى بوست جديد .. ولا انتى قاصده تحطيه من ورايا :P
حلو اوى و اللوحة جميلة
تحياتى

مصرى said...

جميل أوي يا وئام
و اللوحة حلوة أوي
لسة مش عايزة تقوليلي بتجيبي اللوح منين
كل سنة و إنت طيبة
:)

nour said...

الحقيقة انا مع رابع مقطع كنت بفكر اضربه
بس هو لحق نفسه:))))))))
اشطه يا وئام يا جامدة
انت كل مرة بتدهشينى باسلوبك المتجدد الجبااار ده
مش هقولك تحفة المرة دى
هقولك استمتعت جدا جدا جدا

ادم المصري said...

الله يخرب بيتك
الله يخرب بيتك بعدد نجوم السما الزرقا
ونجوم السما الحمرا ونجوم السما الشفتشي

حرام علي السيد الوالد انه ابتلاني بواحده كل ما عليها انها متفننه ازاي تلخبط وتشخبط وتدوس فوق اوتار الجرح بحنية

مالكيش حل مالكيش حل مالكيش حل
انا يابنتي ما اقعشي الا واقف
انا قولت من يومي البنت دي مالهاش حل

بنت ..!! ابقي تعالي بكرة في المكتب .. ونبقي نشوف

الله يخليكي واقع في عرضك قوليلي كلمة ولا كلمتين م اللي بتكتبيهم دول لحسن الزهن قرح




مش عارف اقول ايه يا بنت الايه
بجد انا فرحان ومبسوط من الاحساس اللي نقلتني فيه القصة دي بذات الربط بينها وبين اللوحة

ولا التشويق اللي بيخليكي تكملي القصةة للاخر .. ولا والا ولا


سلام بقي لحسن شكلي مش هخلص

Noran said...

حلوة أوى يا وئام .... أقول أيه لو فى كلام احل كنت قولته كله



التصوير ..الوصف الدقيق ...ده انا حاسيت أنى قاعدة معاهم ...ربنا

عجبتنى جدا ...حيتها حلوة ...

عجابنى

No Fear said...

السلام عليكم
كل سنة و أنت طيبة ده أولا
ثانيا مش عارف أقول أية
جميلة جدا
مش قادر أقول أكتر من كده

Mony The Angel said...

bgad to7fa aweeeeeeeeeeeeeeeeeee..
kan haisheleny bas le7e2 nafso fel2a7'er..
esloobek 3abqaree bgad :)

صفصف لادي said...

انا فاكرة اني كتبت تعليق و لكن نظرا لهرتلة جهازي بشكل مطحون فيبدو انه اتمسح قبل ما يطبع ما علينا نقول من الاول

سردك مالوش حل في رايي تغيري اسمك لشهرزاد التدوين 2007
اسلوبك قوي و بنفس المستوى من الاول للاخر لان فيه كتار بيكتبوا لكن مع الوصول للنهاية بيكون في شئ مفتقد

اكتر حاجة بتعجبني في مجمل اعمالك هي صدق الاحساس وكمان قدرتك في التعبير عنه ، مركزة اوي يعني
مش بيهمني ان القصة فعلا صح ولا غلط لكن اللي بيهمني انك انتي حسستيني بصدقها بقوتها و ساعدتيني ارسم صورة المشهد

خلاص انا جبت التايهة انتي تالفي و انا اخرج
ايه رايك؟
هههههه

we2am said...

صباح الورد يا جماعة..انا متاسفة جدا..اني بس هارد عالكومنتس عندي ومش هاروح عند حد..امتحانات بقي ومذاكرة يلعن ابوهم الاتنين :D
انما وعد مني اول ماخلص..هاهريكم :D

alma
thanks 4 passing by..glad u liked the pictures here..they are egyptian paintrs..and am already talk and write in english..thx again..wlcm here :))

باهر
ربنا ينورلك طريقك ياشيخ..رافع معنوياتي انت دايما..ماشي يا عم..احنا فعدنا يوم في رايك..اكيد عرفته :D

emz
ممنونة جدا والله..وطبعا انت عارفة..يهمني انك ماتعرفيش البلوج اصلا :P
مغسي كتير كتير..اشطة انها عجبتك..
وايه يا به؟..انت كل شوية باسم؟فين اللي انا منقياه يا تحفة؟ :$

مصري
كل سنة وانت اطيب..اتعودت انا علي كده خلاص..انه جميل يعني :D
انا بجيبهم ن عالنت :D

nour
حرام عليكي يا بنتي..ماهو بيبوس اهو :D
انما انت كده مدلعاني اوي..ربنا ينورلك طريقك ياشيخة..
و هاقولك ايه بس؟
اشطاط يا معلمة! ;D


ادم المصري
ايه براحة يابني مابيعملوش كده!!:D
انا برئ يا بيه..ماعملتش حاجة..ماكنش قصدي و ربنا المعبود :D
ماتتخيلش قد ايه انا مبسوطة و باتنطط انه عجبك و حسيت بيه و باللوحة للدرجة الشتيمة :D
اشطة جدا..مشجعني كالعادة..ونقول يا باشا ..اؤمرني بس..
ايه حوار المكتب ده بس؟؟؟ ;D


noran
ماتقوليش اكتر من كده..احساسك وصل وزيادة يا سكر..يارب كده دايما..ربنا ينورلك طريقك يا شيخة :D


no fear
وعليكم السلام..
ولا انا قادرة ارد والله علي كل ده :))

mony the angle
thx ya gameeeel..shrftney bel comment dah..walhy howa shalna kolna yabnty..3eeb 3aleh kida wlhy :D wlcm 3ndy :))

حفصتوشا
ربنا ينورلك طريقك يا شيخة..والله انا بحبك في الله :D
بيعجبني انك بتقري بتركيز كعادتك و بيوصلك الاحساس صح..ولو انا انفع شهرزاد ماكنش بقي ده حالييي يا لهوييي علي كلامك الحلو..دوخنينيي :D
وياستي انا بس اشتغل رقاصة.. :D

shaimaa said...

gmela mooooot ya gmela ;)

bs ana kont htshl elsara7a ye3ni..
"saba7 elfol" w bfkr arg3lha
"wa7shteny" w bfkr arg3lha
"benhom tfssel kteer btgm3hom " w befkr yerg3lha ..

"ber2os m3aha w fe 7dno" w be2olha "b7bk" w sdk 2w la tsodk be2olha "bfkr arg3lha"

tyb so2l so3'nen 7drtk wa2f fe zory ama enta btfkr trg3lha ma btnfz leeh w leeh seeb ngsk wiz this girl eli t2rebn l2y nfsk m3aha completely ..i think eny 3rfa el answer 3shan hoa mesh 3yza yerg3lha bgd hoa be7n lftra ma fe 7yato w lw rg3lha fe3ln her2os m3aha w ye7donha w hoa be2olha "bfkr arg3lha" w elmra de htb2a bgd 3la el7d eli de3o mn 2edo fe3ln

el2fla hyla ya bnty"tyb ma trg3lha"
l2ny kont b2olha fe sry tool ma kont b2ra el post

Epitaph said...

tayb mayrga3laha law ye2dar ba2a :D

we2am , ana sara7t m3ahom tamaman!!

:) very good one ya benty masha ALlah..!!

frozen love said...

bgd el7eta ely gaya de gamda t7n...7lwa f3lan...we e7sasha 3aly...we wak3ya kman bnesba ltbe3t el3laka ely ben elbatlen

tb ma trg3lha...!!..i hope eno y3ml kda
..تبدأ الموسيقي الهادئة بمجرد صعودهما..يبتسمان سويا.. ابتسامة لها معني..تخلو الساحة الا من بعض الازواج..يمسك بيدها..و يبدأن الرقص..يحتضنها تدريجيا..انهما اقرب الان الي الحقيقة اكثر من اي وقت مضي..تشعر بانفاسه علي رقبتها..يعبث بشعرها قليلا..يقترب من اذنها قليلا..يهمس.."بحبك.."ترفع راسها اليه..كانت تعرف..تهمس"..."هو يعرف معناه..يقبلها..تحيط رقبته بذراعيها و يحتضنها..يقول لها مبتسما.."بس انا بافكر ارجعلها"..تنظر في عينيه..تحتضنه بشدة..وتريح رأسها علي كتفه وهي تضحك و تنظر امامها بسعادة واطمئنان لا متناهي.."طب ماترجعلها!"

Amr Ahmed said...

رائعة

اسلوبك سهل ممتنع

والقصة مشوقةجدا

فكرة جامدة حكاية انك تعمليها قصص متقطعة

في انتظار المزيد

Aladdin said...

تباً لهذا "اليقين" الأنثوي الجبّار!!! عاجبك كده خليتيني أتكلم زي بتوع الأفلام الإسلامية في الستينيات! اللي ناقص بقى إني أربيّ دقني وحواجبي زي كفار قريش!!!

LAMIA MAHMOUD said...

27a la2 mosh fahma hwa 7yrg3 lnfso wla 7yrg3 lwa7da tanya .. wla 7e3ml 2eh
ok el seens hayla bs 3ayza 2fhm 7yrg3 l2eh 3shan el mrara el blastic 2lly 2na osya 3leha lesa ma gatsh

we2am said...

shosh
bezzabt..deh mr7la mn 3omro..a7'dt kter awe..aktr mma tast7q..howa 3aiz yensaha..w fe nfs elwa2t msh 3aiz..l2no kida byfy3 kam sana mn 3omro w zakryat w she3r w 3'ona w mkateb :) enma..elbnt 3mlt elle 3leha..w 2dto forsa..forsa"gamila"3shan yebtde mn gded..elle fe mzago ye3mlo..elbnt kida kida 3aisha beltool w bel3rd..3aiz yerg3lha..tab mayrg3lha!! w mawg3sh dma3'na b2a b3laqat 3'er mo7dadt elhawya! ;D

epi
ana me2sra m3aky ya bnte srry wlhy..ema thx gedan...r2yk mhm kal3ada..elmoshkla eno FE3LAN may2drsh yerg3lha!

frozen luv
yareet yerg3lha w ybtl wag3 dma3' w 2lb tab3an..ye7dd howa haydy3 eh w y7tfz b2eh..el7etta deh eltot kolo..kal3ada! ;)

amr ahmed
يا اهلا عندي..نورت..متشكرة جدا جدا..ربنا يكرمنا و نكمل :))

3ela2
:Dانا باتنطط انها عجبتك اصلا
الحمدلله..تربي حواجبك ازاي يعني؟ :D
هو مش كفاية الشنب؟ :D

lmy
ya bnte enty law konte rkzte showya konty fehmty..bossy..deh ma2sa e3'reqyya so3'nna..aw so7'ryt qadar kida 3la ma2osom..enma el2hm..enna nest3gl elmrara eltefal..l2n feh beed kter gay felsekka :D

مصـ( الخير )ـعب said...

يقين ده صاحبي أنا عارفه :P

لا نتكلم بجد بقى..
حلوة يا وئام..
بس على فكرة اليقين ده ما بيبقاش غير عند واحد بيعشق بجد
مش مجرد بيحب

بيبقى عارف معشوقه بيعمل ايه دلوقتي حالا، حتى لو بينهم ألف ستار وستار

we2am said...

mos3bz
انا برضك بقول يقين اخلاقه مش غريبة عليا :P
لاتخدعنك المظاهر..العشق ده اقصي مراحل الحب..والبطلين هنا مافيش بينهم الا صداقة بريئة..مسكن كده..لغاية ما"يرجعلها"!0:D

Dananeer said...

حلوه يا وئام

we2am said...

dnaneer
ربنا يجبر بخاطرك..نورتي يا جمييل :D

Amira Hassan said...

لا و الله..بيفكر يرجعلها..
وماله مش عيب...طيب ما صحيح ما يرجعلها و يفكوا من البنت اللي هيطلع عينها دي...انا عن نفسي لو حد جه باسني و قالي انا عايز ارجعلها طبعا مش هقولك انا هقوله ايه اكيد انتي عارفه

ساعه الغروب said...

جميله اوى اوى
اللى هو ده بيحصل بجد
بس الحمد لله الواحد اتعود على الصدمات الحلوه والوحشه منها

بجد جميله جدا جدا جدا
مش ممكن فعلا

we2am said...

mero
المشكلة مش في انه يرجعلها..مايغور ولا يتحرق..المشكلة في البنت الي مطلع عينها..وبيجر مشاعرها"وهو عارف ده"لحاجة هو مش قدها..والبنت مش متأخرة..حتي في البوس..والله يا ميرو..كان ممكن اكتبها في اخر :Dالبوست"اللي كنتي هتقوليه بالضبط"..بس قلت خلي الباب موارب للنهاية..الامل وحش يابنتي..والايمان انك تنتهك المحاولة لاقصاها..اما تنتصر.واما تقتلك! ;))

ساعة الغروب
نورتي البلوج عندي:)
بيحصل للاسف..ودي مش صدمة..لان البنت والولد عارفين..وبيستعبطوا :D
احلي حاجة انها عجبتك..ربنا ينورلك طريقك ياشيخة :D

dead man said...

أقرب إلي الحقيقة أكثر من أي وقت مضي..

هذا يتوقف علي تعريف الحقيقة بالنسبة لهما.. انها الحقيقة التي يريدانها هما.. حقيقة أنهما يحبا بعضها البعض.. أنهما في أحضان بعضهما.. يرقصان معا.. ولكن هناك حقائق أخرى.. ولهذا اليقين قصة

we2am said...

dead man
اتعلم انك نكأت الجرح؟..بأن هناك دوما..حقائق اخري..انها مشكلة اليقين اذن! :)))

صوت عصفورة said...

بصي يا قمر .... هي حلوة اوي اوي اوي ... لا بجد حلوة اوي... انا استمتعت بيها جدا ... بهرتني و دهشتني .... بس دهشني اكتر التعليقات اللي عليها .... لانها حسستني ان انا بس اللي غبية .... لاني مش عارفة هي مين دي اللي هايرجعلها ؟؟؟؟؟
بس بصرف النظر عن غبائي .... اسلوبك جميل و جذاب جداااااااااااااااا .... ربنا يوفقك

Anonymous said...

~................................