لأنهم يحتفلون..لا أدري بم ولا لم؟!


مر عامُ ..فماذا تعلمت؟السؤال الأزلي..لأن التعلم مرتبط دائماَ بالوقت.."لا أدري"..كانت إجابة الحمقي..."لم أتعلم شيئا"..كانت إجابة الفلاسفة.."تعلمت الكثير"..كانت إجابة الأطفال المنبهرين دائما..أما انا ..وحدي انا..لأنني أنتمي لكل فئة قليلا-شكرا للمراهقة-ولأنني صبي..ساعات غبي..وساعات أقول الحكمة مايقولهاش نبي..سأمر سريعا علي بعض اشياء علمني إياها القدر..وبعض أشياء علمتني إياها سخريته..هاكم
..
لم يعد في حياتي أشخاص أشعر اني اخفي شيئا امامهم مني..أو أضيق بوجودهم..اولا أبدو امامهم تماما كما أحب..مثل هؤلاء..وغيرهم..كراكيب الأشخاص هي دائما الأسوأ..
تعلمت ان أوازن في علاقاتي بين القلب والعقل،فلا وأحدة ترضي القلب كله كهذه،ولا واحدة ترضي العقل كله كهذه،ولا واحدة ترضي القلب والعقل وتتجاهل كوني بني آدمة"بني آدم ذو كرامة+أنثي ذات غرور يجب ارضاؤه"..كتلك..
حاولت معه ثلاثا..حتي أصبحت المحاولات ضارة بالصحة.."إهانات"كصفعات علي الوجه لا تريد أن تنتهي..لايوجد في العمر متسعُ لنفس البني آدم دائما..انسف حمامك القديم..وافترض وجود الجديد..لو أردت رأيي..هنالك دائما برزخ بين بين..يمكن الوقوف عليه
لقد كبرت الآن يا صديقي..ونضجت..لم أعد أريد الرجوع إلي ماكان..ولست أبحث بعد اليوم عن مالم يكن..أريد للحياة أن تسير بكامل النقصان من حولي و فقط..سمها خاسر جيد أو منتصر سئ..لاشئ بقي مني سوى شغف إليك..ربما تعرف شيئا تافها حدث لي..فأتركك تحتضني فقط..لتهمس لي"انتي بتدلعي..علشان اللي يلاقي دلع ومايدلعش..."0
واطمئن يا صديقي قبل ان تفكر فيها أصلا..أنا الآن أبحث عن "اليوجا"0
في حياتي أصدقاء فعلا..لم أعرف بقيمتهم قبل اليوم..ولم أدر اني احبهم هكذا من قبل،يتحركون في اماكنهم جميعا كما قدّر لهم..نورا والثلاثة أميرة ولميا وشيماء هم الأقرب..وفي الكلية الياسمينتان،ومن المدرسة منة..لو كانوا هم الرفيق..فأنا أملك-تقنياَ-الطريق..
الكتابة..تلك ال..أو ذلك ال..لاوصف لها سوى فعلها..مرّت علي قصص جيدة كتلك..وأشياء أقل مايقال عنها أنها "إعع"كتلك..ولازلت أكتب الكثير وأقطعه..أو احتفظ به بعيدا عن البلوج..إما لأنه سئ جدا..أو لأنه جيد جدا..فقط لم تصل خزينة الجيد الي خمس ورقات حتي الآن..وأصبح الزبّأل يشتكي من قمامتنا المليئة علي غير العادة..
الشعر؟..من تحدث عنه؟..إحم..لم أقل اني اكتب الشعر من قبل..هذه التجارب..كانت مجرد..تجارب..أثبتت لي أني ادعي الشعر تماما..ان جاءت فكرة..فبها ونعمت..وإن لم تجئ..فأنا أرفض أن احول الشعر إلي ممسحة لقاذوراتي الشخصية..ولأتركه يمتعني بقراءته فقط كالسابق..
عائلتي..لازلت أحبهم..واغفر أخطائهم..واضحك علي فجوات الأجيال بيننا..أمي لازالت صديقتي وان زادت..وأبي لازال هناك..لأن هناك أشياء تحب أن تكون قريبا منها وأِشياء بعيدة عنك هنااااك..أخي وليد أحبه كالعادة..أغفر له تنائيه عن فكري ولكن لا أغفر له تنائيه عني إلي مرسي علم..شيماء قالت لي مرة"مالك بتاخديهم مسافرين كده علي طول؟"ليست اختياراتي يا شيماء..هاهو أخي..ولكنها آفة الزمن الصعب..وسام لازال صغيرا..وخالي لازال صديقي..وسامح لازال خارج نطاق المقارنة..لن يقدر احد علي سد خانته..لا أيمن ولا أمجد..رحاب لازالت قدوتي حتي بعد تغيرات الزواج والأمومة..أحبها حقا..الباقون لهم حبي واحترامي علي بُعد الأفكار والمسافات..نحن مرتبطون ومنتمون..

الكلية..تصالحنا سويا..رغم بعدها عما أفضله واحبه..نجحت في خلق مايوازيها ومايوازي ضررها النفسي والعقلي..الحياة عادلة جدا لو أردت رأيي..وربنا موزع ال24 قيراط
كلية=شغل=فلوس..كتابة وأصحاب وقراية=اتساق مع النفس..أهم حاجة تنتقل للسنة اللي بعدها من غير ماتبيع روحك للشيطان..
رتبت أشيائي..وتخلصت مما لا أستخدمه..ومررت مابقي لآخرين يحتاجونه أكثر مني..رتبت كتبي القديمة وأخرجت الجديدة..تخلصت من معتقدات ومبادئ سار عليها الزمن حتي اهـترأت..ومزقت صورا تأخذ أكثر مما تعطي..اتسقت مع نفسي إلا قليلا..وأعددت العدة
مج نسكافيه ومجموعة كتب جيدة"منها نون لسحر الموجي وقمر علي سمرقند لمحمد المنسي قنديل وشرف لصنع الله ابراهيم"وموسيقي فتحي سلامة وبخور بالتفاح..
يالله..كم أنا طيبة!..وترضيني أشياء بسيطة في هذا العالم! :)0
___________________
عبدالحليم حافظ
صلاح جاهين
محمود درويش
التشبيه لأحمد خالد توفيق
أحمد العايدي

Comments

LAMIA MAHMOUD said…
اسمي مكتوب:)

كبداية احب اوضح ان انتي كمان حد محوري جدا في حياتي

ندخل في الجد البوست لامم كل الحاجات اللي بحبها واتمنى ان تكوني صادقة فيما ادعيتي من بعد ونضج ومجرد الشغف والحنين

مش شايفة حاجة غريبة انا لخصت حياتي في نقاط ممنوعة عن النشر

وانت لخصتيها في نقاط نشرت

في نفس التوقيت تقريبا
Baher said…
حلوة اوى الحاجات اللى انتى بتحبيها دى قريب قوى هايزيدوا حاجة
تحياتى
تسـنيم said…
حلو أووي بوست المصالحة مع النفس ده وحلو أكتر ترتيب الأوراق


لفت نظري جدا قولك أن الحياة عادلة لو أردت رأيك... ياه أول حد يقول كلمة عدلة في حق الدنيا


المهم انه مرّ عام فكل عام وأنتي هكذا
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
shaimaa said…
اسمي مكتوب انا كمان يا بت يا لميا :)

هنالك دائما برزخ بين بين..يمكن الوقوف عليه

يمكن هي دي الحقيقة اللي قدرت اوصلها مع نفسي من قريب و من بعدها عرفت اتصالح مع الدنيا الي حدا ما

بصي يا صاحبتي جميل ترتيبك لأوراقك و معرفتك لنقط ضعفك و نقط قوتك
و انا بعشق عقليتك جدا اللي بحس انها عقلية كاهنة حكيمة و بحب روحك اللي هي روح بنوتة شقية بس مش عارفة ليه حسة ف البوست بشجن و مرارة تحت كلامك المتفاءل ..برغم إدراكك أن الحياة عادلة و أن في حاجات كتير حلوة في حياتك حسة بالمرارة دي ..

و عارفة يا بنتي ان اللي بنحبهم يبقوا غالبا بعاد ومش متواجدين مش اختيارنا بس ده ميمنعش ان في كل مرة أتساءل طب ليه؟

عزيزتي وئام ..احجزيلي معاكي في تدريب "اليوجا

و شكرا جدااااااااااااا لأنك خلتيني أقرا رواية "نون" في وقت محوري في حياتي زي ده
Mony The Angel said…
ya nhaaaaaaaaar abiaaaaaaaaaad
eh da ya bnty
ana ba2aaly sa3a ba2ra felpost da :D
fata7t kol al linkaat
w ereet kol alpostaat ally makontsh shoftaha abl kda
eh da bgad
7asa fe3lan enny ba2ra post alsana kollo
bgad gaaaaaamed a5eer 7aagaaaaa
عين ضيقة said…
امممممممممم


كل سنة وانتى بسيطة

كل سنة وانتى كده
Reemo said…
جميل انك متصالحه مع نفسك كده
علشان كده هقولك
كل سنه وانتى وئام
dead man said…
مر عام كان لي فيه الشرف علي مدار حوالي ثمانية أشهر أو يزيد في متابعة منتظمة - او شبه منتظمة في بعض الأحيان - لمسني الكثير منه، وألتصق البعض بذهني.. قلا أستطيع يوما أن أنسى "قلت له خدني لمكان لا أنحني فيه فأخذني إلي المسجد"

مر عام في أنتظار عاما أخر رائع.. متيقنا من أني ساقرأك يوما بين دفتي كتاب
عوليس said…
شغل جميل
nour said…
وحشتينى يا وئام
مصرى said…
كل سنة و إنت طيبة

البوست حلو
Great wishes said…
كل سنه و انتى طيبه

ماشاء الله,الكلام اللى انتى كاتباه جميل قوى .. مش عارفه اقول عجبنى ايه بالظبط لانى قراته مره واحده بس لكن هقراه تانى و احتمال اسجل اللى عجبنى

ربنا يوفقك
OMA said…
7elwa 7yatk awi..w ya rab daymn tkoni motsam7a kda m3 nfsk...
ba7eb feki 3abkareyt el ada2 :D
OMA said…
s7i7l..ana ba2ali sa3tin b2ra el post
3shan kemeyt el linckat el ktira elly feh
mn agmd el postat 3ndk :)
OMA said…
w s7i7 kman
leeh 7asit eno 3ed meladk :))))
kol sna w enty tayeba
wtever b2a..kol sna w kol youm wenty tayeba..ya we2am zayei ;)
واحدة وخلاص said…
فتافيت السكر وئام
كل سنة وانت طيبة ، طريقة غريبة وجميلة للاحتفال بعيد الميلاد : ) السنة الجاية تكون أحسن م اللي فاتت ، أنتي أسد يا وئة ؟!! ،
we2am said…
لاميااا
طبعا يا حبيبتي..اسمك مكتوب يا روحي :)
الاحساس ده متبادل مووت..
والله البعد ده أنا صادقة فيه جدا..وانتي عارفة الحيثيات يعني..
الشغف..فالبني آدم ده-انتي عرفتي هو مين-لاوم يبقي فيه شغف..البوست بتاع الزمكانية بيوضح ده تمام..
وبما اننا اصحاب بجد..وشبه بعض..كان لازم يبقي وقفتنا مع النفس متشابهة :)
نورتي حياتي يا لاميا :)


باهر
ربنا يكرمنا يا عم باهر..ربنا يبعت :)

تسنيم
أهم حاجة يا بنتي الاتساق مع النفس :)
طبعا..ربنا مزعهم يا بنتي تمام :)
يارب أفضل كده..ويمكن أكبر شوية وأزداد نضج..يا كريم :)


اسلام رفاعي
ربنا يحعله في ميزان حسناتك


شيموو
طبعا يا عينيا اسمك مكتوب :)
انتوا بقيتوا حتة مني يا شيماء :)
ترتيب الاوراق من فترة للتانية مهم جدا..لأنك في حاجات بتبقي لازم ترميها..بس الحياة عامله عليها غشاوة مش واضحة..وحاجات لازم تكتسبيها..بس مش ف دماغك..وبما اني عقلية كاهنة حكيمة..يبقي لازم نتلمس الطريق المعتم للوصول الي بدايات المعبد :)
المرارة..مش أوي..وان كان ده جزء من طبيعة البني ادم..الحياة حلوة وفلة بس أنا حزين مش عارف ليه؟..الحزن نبيل واحساس فخم..دايما اللي يبقي مبسوط عمال علي بطال بنقول عليه أهبل :)
إنما اليوجا..بتعلمك أن كل حاجة مؤقتة..لا راجل تموتي عليه ولا كتاب ضاع منك..ولا عليقة ايزيس وقعت في المترو..كل ده جزء من رحلة الحياة :)
رواية نون..دي ابداع صافي :)
we2am said…
m0ony the angle
ya 7bebe enty tnwry w tshrfy :)
aham 7aga enk tkony estfdty ay 7aga walaw so3'nana..ma7bsh ady3 wa2tk m3aya :)
rbna ykrmk ya rab..

عين ضيقة
اممم..كل سنة وانتي أحلي وأرحب :)


ريمووو
ربنا يخلي المصطلح ده للسنة الجاية"التصالح مع النفس"


ديد مان
تشرفت بمتابعتك ليا طبعا..وشكرا علي يقينك بدفتي الكتاب :)
نلتقي العام القادم..


عوليس
ده بس من زوقك..حمدالله عالسلامة يا فندم :)


نووورااا
انتي أكتر :)


مصري
وانت طيب..انت أحلي


جريت ويشز
الحياة حلوة بس نفهمها :)
خدي راحتك طبعا..منتورة بلوجي :)


omaaaa
ya ro7y enty..tlat comments w sa3ten 2raya???!!! :)
rbna y5leke lyya..yrab afdl kida ed3ele...wel gay a7san..yabnty el7ya 7lwa bs nfhmaha :)


واحدة وخلاص
انتي مدلعاني أوي..بس للأسف مابتقريش يتركيز..ده عيد ميلاد البلوج حضرتك..البلوج هو اللي أسد :D
أنا ميزان-طبعا-عيد ميلادي 13 أكتوبر :)
littilemo said…
ممممممممم
No Fear said…
السلام عليكم
أنا من فترة مدخلتيش عندك
ياريت بوست سهل كده أعرف اعلق عليه
مش عارف أعلق الحقيقة علي أخر واحد
:)
frozen love said…
حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...
frozen love said…
2bl kda knt mshghool m2retsh...dlw2ty geet b2a we 2rett

awlan khtlf m3aky eny mwhbet elsh3r msh 3ndk ...elmwba mwgoda we kan ynksk bs 7abet 7agat hategy m3 elw2t..we mgal elmkarna msh lazm yb2a m3 elnas ely bt2relhm

sba7 elfl..ana 7bet a2lk kda bs we amshy...we 3ayz a2ol kman eny i enjoyed eltgrba de:)

Popular Posts